Үүнтэй холбогдуулан СЕХ-ны Технологийн төвийн программ хангамжийн хэлтсийн дарга Х.Баясгалангаас дараах тодруулгыг авлаа.

 

          -Манайд нийт хэчнээн санал тоолох машин байдаг вэ. Ашиглаагүй үед хаана хэрхэн хадгалдаг бол?

-Манайд нийт 2500 санал тоолох машин байдаг. Тэдгээрийг ашиглаагүй үед агуулахад хадгалдаг. Тэгэхдээ цаг тухай бүрд нь хийгдэх ёстой үйлчилгээнүүдийг нь хийгээд л явдаг. Өөрөөр хэлбэл цэнэглэх, ямар нэг гэмтэл илэрсэн тохиолдолд оношлох, засварлах үйлчилгээг тогтмол хийж байдаг юм.

 

             -Программ хангамж талаас үйлчилгээг нь ямар байгууллага хариуцан хийдэг юм бэ?

-Санал тоолох машины программ хангамжийг нь тухайн сонгуулийн өмнө СЕХ-ны Технологийн төвийн программ хангамжийн мэргэжилтнүүд бэлтгэж, суулгадаг.

-Үндсэн хуульд өөрчлөлт оруулах асуудлаар Бүх нийтийн санал аусулга явуулж болзошгүй болоод байгаа. Хэрэв энэ асуудал УИХ-аар батлагдах тохиолдолд та бүхэн бэлэн үү?

 

          -СЕХ-ноос шийдвэр ирсэн тохиолдолд Технологийн төвийн программ хангамжийн хэлтсээс санал тоолох машиндаа программаа суулгаж, шалгаж үзсэнээр бэлэн байдал хангагдана гэж ойлгож болно. Одоогоор ямарваа шийдвэр, чиглэл ирээгүй байна.

 

          -Хөдөө орон нутаг руу санал тоолох машиныг яаж тээвэрлэдэг юм бэ?

 

          -Санал тоолох машиныг хөдөө орон нутаг руу зориулалтын тээвэрлэгч компанитай гэрээ хийсний үндсэн дээр зөөвөрлөдөг гэв.

 

Ж.Бат-Ирээдүй