672.gif

Эр нөхөртэй бүсгүйчүүд яагаад өөр эрд сээтэн хаяж, нууц амрагтай болдог вэ?

Нууц амрагтайн “нууц”-ыг бага боловч сөхөхөөр гурван бүсгүйтэй энэ тухай яриа өрнүүллээ.

Ц. О /34 настай/

  - Би яагаад өөр эрд сээтэн хаяж, өвөрт нь орохоос буцдаггүй вэ гэж үү. Нөхрөөсөө өшөөгөө авахын тулд гэх үү дээ. Манай нөхөр гэж урдуураа урт хөлтэй хүүхэн гаргадаггүй эр бий. Би үүнийг нь мэдээд боож үхэх нь холгүй “тэмцэл” хийдэг байлаа. Засч авах гэж тэр шүү дээ.

Тэгээд сүүлдээ хүчрэхгүйгээ мэдсэн. Салъя гэтэл салж чадахгүй, хэн хэн маань. Тийм л хайртай юм бол үнэнч байгаач гэтэл мань хүний уг зан нь хүүхэмсэг бололтой. Надад хайртай, дуртайгаа гайхаад л ажилдаа явмагц араар гэртээ залуу охидууд авч ирнэ гээч. Олон ч удаа “гардсан”. Хаяад явж ч үзсэн. Араас уйлагнаад л ирээд суучихна. Тэгээд л бахь байдгаараа. Найз хүүхнүүдийг минь, бүр төрсөн эгчийн минь өвөрт орох гэж ч дайрч байсныг нь би мэднэ. Одоо би түүнийг засаж залруулж, зөвхөн өөрийнхөө өвөрт уяж дөнгөхгүйгээ мэдээд өөрөө өөр эрийн өвөр хайдаг болсон. Орой ажлаасаа ирэхэд миний гэрт, миний орон дотор өөр хүүхэн байсан нь мэдэгдмэгц би маргааш нь нэг биш хоёр залуутай сексддэг болсон. Ингэж өөрийгөө тайвшруулдаг гэх үү дээ.

d18-sex.gifР. Х /32 настай/

  - Би угийн сексийн хорхой­той, халуун хүүхэн. Амьдрал сонин шүү. Хүсэхэд хясна гэгчээр бурхан надад “хөлдүү” нөхөр хайрласан. Гэр бүл болсон цагаасаа эхлээд өнөөг хүртэл зургаан жил болоход би сексийн хувьд үнэндээ хүссэн хэмжээндээ таашаал авч чадахгүй л явна. Нөхрийгөө хэзээ над руу харж, хэзээ янаглах бол гэж хүлээснээс гудамжинд таарсан хэн нэг залуу руу хараад сээтэгнэсэн нь хавьгүй үр дүнтэй. Арваад хонож байж, ар урд нь гарч байж арай гэж хүслээ дарсаар ирсэн миний сексийн амьдрал даанч утгагүй.

Эр хүн яагаад ийм “хөлдүү” байдгийг би ойлгодоггүй юм. Бэлгийн сулралтай юм уу гэхээр эв эрүүл, чив чийрэг бие эрхтэнтэй. Секс хүсэлгүйн дээр энэ тухай ёстой амнаасаа “А” ч гэж үг унагахгүй дээ. Би үүнийг гэр бүлийн хэт хаагдмал хүмүүжлээс үүдэлтэй болов уу гэж таамагладаг юм. Гуч дөнгөж гарч яваа над шиг бүсгүйд секс гэдэг амин дэм шүү дээ. Тиймээс би алийн болгон “хөлдүү” нөхрийнхөө нөгөөхийг хүлээж амьдрах юм бэ. Залуу нас тоотой шүү дээ. Тиймээс л халуухан нууц амрагтай болох эрэлд гараад байгаа.

Б. А /28 настай/

 - Миний хувьд нөхөртөө хуурай хардуулсаар залхсан. Тиймээс ч хуурай хардуулж зовсноос нойтон… гэж шийдсэн. Би нэг томоохон компанид өндөр цалинтай офиссын ажил хийдэг. Өглөө есөөс орой 18 цаг хүртэл л ажиллана. Нөхөр маань ажлын цаг тармагц яг минут хараастай. Ажлаас гэр хүртэл зам бөглөрлөө бөглөрлөө гээд 20-30 минут л явна. За тэгээд энэ минутаас хожимдвол “ Хаана, хэнтэй, юу хийж байснаа ярь…” гээд л эрүү шүүлтэд орно доо.

Сүүлийн найман жилийн туршид би ингэж ажил тармагц сүнсээ зайлтал айж, цаг харан харан гэр лүүгээ яарч ирсэн гэвэл итгэх үү. Орой үдэш найз нөхөдтэйгээ уулзаж, ярьж хөөрч сууна гэж санаад ч хэрэггүй. Тиймээс би одоо ажлын цагаар “амжуулдаг” болсон. Үдийн цайны цагаар хэн нэг эртэй аятайхан буудалд ороод гарах надад таалагддаг болоод байгаа.

Саяхан яасан гээч, амрал­тын өдөр хүнсний дэлгүүрт тааралдсан залуутай харц шидэлцэж, хамтдаа гараад, машинд нь сексдсэн. Нөхрийгөө цаг руугаа хялалзаж, байж ядах хооронд хүнсний зүйлээ ч базаагаад, сайхан залуутай галзуу секс хийчихээд, машинаар нь хүргүүлээд гэртээ ороход сэтгэл ямар хангалуун байсныг хэлэх ч үг алга. Нөхөр яахав, намайг тарчлаадгийнхаа шанг хүртээд л цагаа хараад сууж байна биз. Би өөр­ийн­хөөрөө түүнийг ялж яваа юм чинь.