2015 онд улсын хэмжээнд нийт 482 тээврийн хэрэгсэл оншилгоонд орсон гэсэн мэдээлэл байдаг. Тэгэхээр дээрх хэмжээний автоамашинд зарцуулах шатахууны хэмжээ болон үнэ мөн л өндөр байх нь тодорхой. Үүнтэй холоотойгоор жолооч таньд шатахуунаа хэрхэн хэмнэх зөвлөгөөг хүргэе.

Цонхоо онгойлгох = агааржуулагч асаах

Манайхны дунд машиныхаа агааржуулагчийг хэрэглэх нь шатахуун их идэх нэг шалтгаан болдог гэсэн ерөнхий ойлголт байдаг. Харин туршилтаар цонхоо онгойлгож давхих, агааржуулагчаа асаагаад цонхоо хаах хоёрын хооронд шатахуун их бага идэх ямар ч ялгаагүй гэнэ. Тодруулбал,  агааржуулагч асаахаар мотороос хүч очиж шатахуун үрэх боловч, цонхоо онгойлгосноор салхи машины хурдыг удаашруулж агааржуулагч хэрэглээгүйгээс олох шатахуунаа үрчихдэг байна. Тиймээс халуун өдөр шатахуунаа харамлалгүй агааржуулагчаа (AC) асаагаад явахад гэмгүй гэнэ

 

Түр зогсолт хийх үедээ машинаа унтраах

Ойр ойрхон түр зогсох  нь шатахуун ихээр иддэг төдийгүй та нэгээс илүү минут зогсох хэрэг гарвал автомашинаа унтраасан нь бензин хэмнэх нэг арга гэнэ.

Огцом хурд авч, тоормослохгүй байх

Жолоочид нэг нэгнээсээ өрсөн давхих, уралдах нь элбэг байдаг. Тэгвэл огцом хурдаа авах, гэнэт тооромслох нь бензин үрэгдэхийн гол шалтгаан болдог байна. Жигд давхиснаар 37%-иар бензин хэмнэх боломжтой байдаг аж.

Хурдаа багасга

Дийлэнх оронд зам дагуу хурдны хязгаарлалтын тэмдэгүүд байдаг. Манайд төдийлөн  ил байдаггүй ч дүрмэндээ хот дотроо 60 км/цаг, хотоос гадна 80-100 км/цаг гэж заадаг. Гэвч үүнийг баримталдаг хүн бараг л байдаггүй. Хэрэв жолооч хурдны хязгаар дотроо давхих юм бол 14% хүртэл хувиар шатахуунаа хэмнэх бололцоотой аж.