Радио Нийтлэл

     SOCIAL - СОНИН ХАЧИН







  • Цаг үеийн мэдээллийг хүмүүсийн үзүүлж буй хариу үйлдлийн хамт сонирхолтой, хөгжилтэй контент болгон нийтэлдэг Ub.Life сайтыг сүүлийн үед ялангуяа залуучууд нэлээд сонирхож унших болсон билээ. Тэгвэл энэ сайтын ард "Гэрэг" сэтгүүлийг үүсгэн байгуулсан, дийлэнх нь залуучуудаас бүрдсэн баг байдаг. Эрхлэгчээр нь өнөөдрийн манай зочин, Монгол сэтгүүлзүйн хамгийн нэр хүндтэй шагнал болох Ц.Балдоржийн нэрэмжит шагналыг дөнгөж 23 настай байхдаа хүртсэн Ж.Тэгшжаргал ажилладаг. Тэрээр ажлын гараагаа нэгдүгээр курст байхдаа "Өнөөдөр" сонинд дадлагын ажилтнаар эхлүүлж, тус сонинд 5 жил ажиллаад "Гэрэг" сэтгүүлийг үүсгэн байгуулалцсан бөгөөд жилийн өмнөөс дижитал сэтгүүл зүйд хүч сорих болж, "Ub.life"-ийн сайтыг эрхэлж байна.

    Байршил: Улаанбаатар
    Одоо эрхэлж буй ажил, албан тушаал: www.Ub.life сайтын Эрхлэгч
    Таны ажлын арга барилыг цөөн үгээр тодорхойлбол: Шинийг турших, өөрийн тааваар ажиллах, бэлэн байх
    Хэрэглэдэг гар утас: iPhone 5S
    Хэрэглэдэг компьютер: Dell-ийн лаптоп ба суурин компьютер, iPad
    Сошиал хуудсууд: Tekist Tegshee (фэйсбүүк)

    ТАНЫ АЖЛЫН ХАМГИЙН ОНЦЛОХ АРГА БАРИЛ?

    Удаан хугацаанд нэг л хэвээрээ явж ирсэн, өөр хүмүүсийн аль хэдийнэ хийчихсэн юмыг давтах сонирхол надад бага. Байнга шинэ юмыг туршиж үзэж, аливаа шинэ зүйлсэд мэдрэг байхыг хичээдэг.

    Сэтгүүлзүйн сургалт болон редакцийн хувьд Монгол барууны орнуудаас нэлээд хойно хоцорсон гэж боддог. Гэтэл уншигчдын хандлага, мэдээлэл хүртэж буй хэлбэр маш хурдан өөрчлөгдсөн. Тиймээс одоогийн нөхцөлд хоцрохгүйн тулд барууны сэтгүүлзүйгээс хуулбарлан Монголдоо нутагшуулах хэрэгтэй болов уу. Мэдээж тодорхой хугацаанд. Үүний зэрэгцээ сургалтаа сайжруулж, чанартай сэтгүүлчдийг бэлдээд явбал салбар маань ирээдүйд хөгжиж, оригиналь сайн контентуудыг хийдэг болох байх. Тиймээс манай редакц гадаадын контентуудаас санаа авч, монголчлон хийхдээ өөрсдийгөө бусдыг дууриаж байна гэж боддоггүй.

    Бичих ажлаа бол голдуу шөнө 23-03 цагийн үед нугалдаг. Энэ үед сайн төвлөрч сууж чаддаг. Өдрийн цагаар бол зохион байгуулах, хүмүүстэй уулзах ажлуудаа хийнэ. Ер нь ажлын тогтсон цагт баригдахгүй дургүй. Өөрийн тааваар ажиллавал илүү бүтээмжтэй байдаг. Багийнхнаа ч илүү бүтээмжтэй байдаг цагтаа, илүү бүтээмжтэй байдаг газраасаа ажилладаг байхыг дэмжих туршилтыг бид эхлүүлээд байгаа. Бүх хүмүүсийг адилхан мэт сэтгэж нэг цагт буюу 9-18 цагийн хооронд, нэг газар хайрцаглах нь нийт хүмүүст ихээхэн хохиролтой юм шиг санагддаг. Өглөө яг цагтаа ирээд, яг цагтаа тардаг хүмүүс өдөржин ямар ч бүтээмжгүй байхыг олон харсан. Эсрэгээр бүтэн өдрийн ажлыг 2-3-хан цагийн дотор амжуулчихдаг хүмүүс ч олон бий. Хэн ямар үед, ямар нөхцөлд, тухайн ажлыг сайн хийдэг вэ гэдэгт тохируулан ажиллуулбал оффис жаргалын орон болно. Ер нь ажлын орчин, ажиллах цаг гэдэг тогтсон ойлголт удахгүй маш өөр болно гэж боддог.

    ТА ХАМГИЙН ИХ АШИГЛАДАГ, АШИГЛАХ ДУРТАЙ АЖЛЫН ХЭРЭГСЭЛ, ПРОГРАМ, АППЛИКЭЙШНЭЭСЭЭ НЭРЛЭНЭ ҮҮ?

    Фэйсбүүк, твиттер, инстаграм их хэрэглэдэг. Сошиал медиад юу өрнөж байгааг ажиглах нь манай сайтын онцлог, миний хийдэг ажилтай маань холбоотой. Reddit, longform.org гэх мэт контентуудыг нэгтгэдэг сайтуудаар зочилно. Монгол хэлний тайлбар толийг үе үе ашиглана. За тэгээд Apple Music бол миний хамгийн сайн найз. Удахгүй "Хуур" апп гарчихвал монгол аппаа хэрэглэе гэж бодож байгаа. Сүүлийн үед бас подкастууд сонсож хэвшихийг хичээж байна.

    ТА АЖЛЫН ӨРӨӨ, АЖЛЫН ОРЧНОО ДҮРСЭЛНЭ ҮҮ?

    ЦАГ ХЭМНЭХ ХАМГИЙН САЙН АРГА ТАНЬ ЮУ ВЭ?

    Цаг товлож уулзах ажлуудаас бусад үед цагт хавчигдалгүй, цагийг чухалчлалгүй ажилладаг. Гэхдээ энэ нь төлөвлөгөөгүй ажилладаг гэсэн үг биш. Санаж сэдсэн ажил, уулзалт огт өөрөөр эргэх, хойшлох зэрэг эрсдэл ялангуяа Монголын нөхцөлд их байдаг болохоор гэнэтийн зүйлст маневр сайтай байхыг хичээдэг. Нэг ёсондоо ажлын онцлогоос шалтгаалж, гэнэтийн ажил гарахад байнгын бэлтгэлтэй байхыг л сүүлийн үед чухалчилдаг болоод байна даа. Бэлтгэлтэй байна гэдэг нь цаг хэмнэнэ гэсэн үг байлгүй дээ (инээв).

    ТА ХИЙХ АЖЛЫН ЖАГСААЛТАА ЮУН ДЭЭР, ЯАЖ ХӨТӨЛДӨГ ВЭ?

    Хийх ажлуудаа цаасан дээр бичдэг. Урьд нь сонинд ажилладаг байхад цаастай л байнга зууралддаг байлаа. Одоо сайтад ажиллахаар цааснаас бүр холдчих гээд байх болж. Гарын үсэг зурахаас өөрөөр үзэг, цаас нийлүүлэхгүй болчих гээд байна шүү дээ. Миний хувьд хийх ажлуудаа цаасан дээр тэмдэглэх, ном унших хоёрт л цаастай харьцаж байх шиг байна. Гараар бичиж тэмдэглээд, хийж гүйцээсэн ажлаа үзгээрээ дарахад сайхан мэдрэмж төрдөг.

    ТА ЯМАР ЗҮЙЛСИЙГ ХИЙХДЭЭ ГАРГУУД ВЭ?

    Сэтгүүлч гэх мэргэжилд багаасаа дурлаж, амьдралаа болгосон болохоор бичиж туурвих ажилдаа сайн байхыг хичээдэг. Мөн өөрийн сонирхдог зүйлсийг хийхдээ сайн гэж бодож байна. Үүнд хөгжим, кино, ном зэргийг онцгойлон дурдах хэрэгтэй. Миний энэ сонирхлууд ажилтай маань холбоотой, ажилд маань эергээр нөлөөлдөг. Аливаа үйл явдал, аливаа хүмүүст хандах хандлагад ном, кино зэргээс олж авсан мэдрэмж, туршлага, ойлголт их нөлөөлдөг. Сүүлийн үед баримтат уран зохиол, баримтат кинонд нэлээд татагдаж байна. Хөгжим бол бичгийн хүний хамгийн сайн найз байдаг. Өөрийгөө хөглөх, хүссэн уур амьсгалдаа ороход тусалдаг.

    ТАНЫ ХИЙЖ БУЙ АЖЛЫН ОНЦЛОГ ЮУ ВЭ? ЭЕРЭГ САЙН БА ХЭЦҮҮ БЭРХШЭЭЛТЭЙ ТАЛУУД?

    Ub.life дээр бид мэдээ, нийтлэлийн шинэ төрлүүдийг туршиж байгаа. Мэдээ гэх тогтсон, албан хэлбэрээр биш, уншигчидтай ойр, сайн найз нь ярьж байгаа мэт өнгө аясаар мэдээ, нийтлэлүүдээ гаргахыг эрмэлзэж, сайтаа энэ зүгт чиглүүлж байгаа. Манай контентуудын 80 хувь нь зураг, видео, GIF байдаг. Үлдсэн 20 хувь нь текст. Ийм байвал хүмүүс тухайн контентийг дуустал нь унших магадлал өндөр болж ирдэг. 20 орчим хүнтэй редакцийн маань дийлэнх хүний хувьд “Гэрэг”, Ub.life анхны ажил нь. Төгсөөд л шууд энд ирсэн гэсэн үг. Тийм болохоор шинэ юманд мэдрэг, сонирхолтой, сэргэг байдаг нь ажилд сайнаар нөлөөлдөг. Цаг үеийн мэдээг бус түүнийг уншигчид хэрхэн хүлээж авч байгааг, өөр өөр өнцгөөс, сонирхол татам байдлаар харуулсан нийтлэлүүдийг гаргахыг зорьж байгаа юм. Тэгэхээр мэдээлэлтэй байхаас гадна мэдрэмжтэй байх нь тун чухал. Энэ төрлийн контентийг Монголд одоогоор манайх л хийж байх шиг байна. Шинэ юм туршиж байгаа учраас бид сонор, сэргэг байж, ажлаа жаргалтайгаар хийж байгаа нь хамгийн сайхан.

    Гэхдээ энэ төрлийн контент уншигчдын өмнө нь хүлээж авдаг байсан мэдээ, нийтлэлийн хэв маягтай зөрчилдөөд, хэтэрхий хөнгөн мэт харагдаж янз янзын сэтгэгдэл үлдээдэг. Тэрэнд нь манайхан хааяа эмзэглэчих гээд байдаг. Тэр нь бага зэрэг хэцүү ч бид юу зорьж, юу бүтээх гэж байгаагаа мэдэх учраас байх ёстой зүйл гэдэг талаас нь ойлгуулахыг хичээдэг. Шинэ зүйл хийж байгаа хүмүүс иймэрхүү зүйлсээс болж амархан няцаад байвал хөл тушигдаад, хол явахгүй.

    Нөгөө талаас энэ бол бизнес. Бид контентоороо мөнгө олдог. Гэхдээ албан газруудын маркетеруудын “хоцрогдсон”, шинийг эрэлхийлдэггүй байдал ажилд маань жаахан саадтай. Анзаараад байхад, маркетерууд мэдээллээ түгээхдээ “залхуу”, анзааргагүй байдгаас хаана шинэ юм хийж байна, хаана сонирхолтой контент гарч байна, хүмүүс юу үзэж, уншиж байна вэ гэдгийг судлахгүйгээр “Alexa”-ийн эрэмбэний эхний тавыг л шууд сонгочихоод байдаг шиг харагддаг. Энэ нэгд бизнест нь муу байх, хоёрт залуусын шинэ зүйлийг хийж, бүтээх оролдлогод саад болдог болов уу.

    Миллениалууд буюу 1980-2000 онд төрсөн хүмүүсийн мэдээлэл хүлээн авах зан төлөв өмнөх үеүүдээс тэс өөр. Их текст уншдаггүй. Хэвшмэл зүйлд дургүй. Тийм учраас маркетерууд өөрсдийн амрыг харалгүй, цаг хугацаагаа мэдэрч, бүтээлчээр ажиллаасай гэж боддог.

    ТА ЯГ ОДОО ЮУН ДЭЭР ТӨВЛӨРӨН АЖИЛЛАЖ БАЙНА ВЭ?

    Манай сайтын контентийн хэв маяг харьцангуй тогтож байна гэж бид үзэж байгаа. Одоо тэгэхээр шинэлэг сонирхолтой контентуудыг нэмж гаргахаар ажил байна. Бидний хувьд одоогоор гурван шинэ контент, нэг төсөл дээр төвлөрөн ажиллаж байгаа. Аль болох текст багатай, зураг, видео ихтэй контентууд байх юм.

    "Гэрэг" дижитал сэтгүүл маань дөнгөж саяхан хүүхэд, эцэг эхчүүдэд зориулсан анхны тусгай дугаараа гаргасан. Удахгүй боловсролын болоод үл хөдлөхийн сэтгүүлүүд дээр ажиллаж байгаа. Дижитал сэтгүүл маань утас, pad, notebook, компьютороос үнэгүй татаж аваад, интэрнэтгүй үедээ ч унших боломжтой болсон болохоор хандалт их сайн байгаа.

    Өөрийнхөө хувьд бол би нэг номон дээр ажиллаж байна. 25 нас хүртэлх үзэж, туулсан зүйлс, мэдрэмжүүдээ дурсамж ном болгон бичиж байгаа. Анзаарахад, хүмүүс голдуу өөрийн намтар, дурсамжийг нас нь яваад ирэхээр, эсвэл амжилтад хүрснийхээ дараа бичсэн байдаг. Тэгэхдээ залуу насаа шоолсон, үл хайхарсан, бүр холоос эргэцүүлсэн маягтай бичигдсэн байх нь олон. Тийм болохоор 25 насаа хожим “шоолохгүй”-н тулд, энэ насандаа, энэ цаг үед юу бодож сэтгэж, юу мэдэрч байгаагаа, эргэн тойронд маань болж өрнөж байгааг энэ чигээр нь буулгахыг хүссэн. Тэгэхгүй бол жил ирэх тусам залуу насны энэ мэдрэмжүүд, дурсамжууд надаас улам бүр холдож, удахгүй өөрийгөө дооглож эхлэх байх. Номоо энэ оны сүүлчээр гаргах санаатай байгаа.

    ТА АЖИЛЛАЖ БАЙХ ҮЕДЭЭ ХӨГЖИМ СОНСДОГ УУ? ЯМАР ХӨГЖИМ ТАНЫГ ЭРЧ ХҮЧТЭЙ БОЛГОДОГ ВЭ?

    Ажиллаж байх үедээ хөгжим байнга сонсоно. Ямар ажил хийх гэж байгаагаас, тухайн үед сэтгэл санааны байдал ямар байгаагаас хамааран сонсох хөгжмөө сонгодог. Ялангуяа ажиллаж эхлэхийнхээ өмнө, тухайн зүйлийн мэдрэмж рүү хөтлөх хөгжим сонсох нь надад чухал байдаг. “Foo fighters”-ийн “Walk”, “Muse”-ийн “Neutron Star Collition” хоёрыг ихэвчлэн сонсдог юм байна. Энэ хоёр дууг чухал уулзалтуудын өмнө, том ажлын өмнө, эсвэл сэтгэл санаа жаахан унасан үед сонсохоор аяндаа л сэргээд ирдэг. Яг ажиллаж байхдаа бол таньж мэдэхгүй, үгийг нь ч ойлгохгүй олон орны дуунууд сонсох дуртай. Итали, испани, хавай, орос, бразил, иран, энэтхэг гээд л явж өгнө. Босанова сонсоод ажил хийх бас сайхан санагддаг. Босанова дандаа жаргалтай хүмүүсийн чихнээс уяатай байдаг бас хэнийг ч зовоодоггүй. Босанова хорвоогийн хамгийн “сайхан сэтгэлтэй” хөгжмийн урсгал. За тэгээд хүмүүсээс шинэ дуу нэхэж олж сонсох, өөрөө олж сонссон сонирхолтой дуу хөгжмийг бусдад санал болгох тун дуртай.

    ТА ЯГ ОДОО ЯМАР НОМ/НИЙТЛЭЛ УНШИЖ БАЙНА ВЭ?

    Сүүлд "Зүүд бол цорын ганц бодит байдал", "Улаан сухай" гэх мэт хэд хэдэн баримтат уран зохиолын ном уншсан. Ойрд ажил ихтэй байгаа тул цаг гаргаж унших ёстой номууд руу сайн орж чадахгүй л байна. “Монсудар”-аас дэлхийн шилдэг туужуудыг цувралаар гаргаж байгааг хараад их олзуурхсан шүү. Манайд нэг бол роман, нэг бол өгүүллэг их орчуулагддаг болохоор иймэрхүү дундаж хэмжээтэй туужууд нэг их гардаггүй байсан. Тэр номуудыг эхлүүлээд явж байгаа.

    Заримдаа хэл найруулга маань саараад, үгсийн сан дутаад байгаа ч юм шиг санагдах үед "Зуун жилийн ганцаардал"-ыг хаанаас ч хамаагүй нээж уншдаг. Тэгэхэд аяндаа сэргээд л явчихдаг юм. Ингэсээр байгаад би энэ номыг амьдралдаа бараг 20 удаа уншсан байх. Хамгийн хайртай ном маань болохоор орчуулагдсан хэл, хэл дээр нь цуглуулдаг. Одоогоор испани, чех, орос, хятад, англи, франц, герман, японыг нь олсон.

    ТА ИЛҮҮ НЭЭЛТТЭЙ ХҮН ҮҮ, ЭСВЭЛ ИЛҮҮ ДОТОГШОО ХҮН ҮҮ? ЭНЭ НЬ ТАНЫ АЖИЛД ЯАЖ НӨЛӨӨЛДӨГ ВЭ?

    Хэтэрхий нээлттэй хүн байж магадгүй. Би шинэ хүмүүстэй танилцах их дуртай. Хүн бүхэн өөр өөр орчин нөхцөлд төрж өссөн, янз бүрийн амьдралыг туулсан байдаг болохоор бүхэлдээ надад сонирхолтой санагддаг. Хүмүүстэй танилцахдаа энэ хүн ингэж байсан байх даа, тийм байх даа гэж тааварлах дуртай. Шинэ хүнтэй танилцахаар тэр хүний үзэж, туулсанаас шалтгаалан маш олон шинэ мэдлэг, мэдээлэл, мэдрэмж дагаад орж ирдэг. Тийм ч учраас дөнгөж танилцсан ч бай, чөлөөтэй янз бүрийн юм асууж, тэр хүнийг илүү их танин мэдэхийг хүсдэг. Ер нь нэлээн хамаагүй асууна шүү (инээв).

    ТА ХЭДЭЭС ХЭДЭН ЦАГИЙН ХООРОНД УНТДАГ ВЭ?

    Хүслээр болдог бол шөнө 03-10 цагийн хооронд унтахыг хүсдэг. Түрүүн хэлж байсанчлан бичихэд бүтээлч цаг маань 23-03 цагийн хооронд байдаг болохоор тэр.

    ТАНЫГ АЖИЛЛААГҮЙ ҮЕД ТАНЬ ХААНААС ОЛЖ БОЛОХ ВЭ?

    Найз нөхөдтэйгээ уулзаж хөгжилдөх дуртай болохоор энд тэндхийн паабуудаас олж магадгүй. Мөн кино, хөгжим зэрэг урлагтай холбоотой арга хэмжээнүүд, тоглолтуудаас олж болно. Хагас сайны үдээс хойш бол “Алтан хальс” киноны холбооны үнэнч гишүүний хувиар Dreamer's Day кино цуврал дээр заавал байж байдаг.

    ТА ХЭНЭЭС, ЮУНААС УРАМ ЗОРИГ, ЭРЧ ХҮЧ АВДАГ ВЭ?

    Би их амбицтай хүн. Гэхдээ тэр амбицаараа бусдыг “зодож”, хүмүүст түвэгтэй байдлаар гаргаад байдаггүй. Өөр дотроо л салют будуулаад, элдэв зүйлс ургуулан бодож, төсөөлж явдаг. Энэ мэдрэмжийг маань ялалтын агшин, бадрангуй хүмүүсийн ааль маяг, баатарлаг хүмүүсийн бахарлын ялгуусан мөчүүд хөглөдөг. Тогтсон хэд, хэдэн кино, бичлэгүүд байдаг. Тэд нарыгаа үзэхээр яг одоо босоод ямар нэг баатарлаг зүйл эхлүүлмээр санагддаг даа.

    ТАНЫ АМЬДРАЛДАА АВЧ БАЙСАН ХАМГИЙН САЙН ЗӨВЛӨГӨӨ ЮУ ВЭ?

    Хүмүүсийн хэлсэн үг гэхээсээ үйл явдлууд надад их нөлөөлсөн. Дотны хүмүүсээ ойр, ойрхон алдах үнэхээр хэцүү юм билээ. Саяхныг хүртэл би дурласан ажилдаа буй бүхнээ зориулдаг байсан. Одоо харин тэр амбиц маань нэлээн дарагдаж, заавал тийм зорилгод хүрнэ гэж улайран зүтгэхээсээ илүү хүрэх цэгээ гэж бодоод аядуухан байхыг боддог болсон. Ажлынхаа хажуугаар “амьдрах” ёстойг ойлгосон. Хүний амьдрал гэдэг хэзээ ч тааварлашгүйгээр зогсож болно. Нэг их том зорилго тавиад түүндээ л бүх насаа зориулсаар байх зуур амьдрал ямар ч сануулга, дохиогүйгээр нэг л өдөр зогсвол хайран. Тиймээс ажиллахын сацуугаар одоо байгаа цаг үедээ амьдарч, хором мөч бүрээс таашаал авч амьдрахыг л хүсдэг.

    ҮЕИЙН ЗАЛУУСТАА ХАНДАН ЮУ ХЭЛЭХИЙГ ХҮСДЭГ ВЭ?

    Би ямар нэг зөвлөгөө өгөхийг хүсэхгүй байна. Угаасаа манай үеийн залууст зөвлөгөө шиг их юм ирдэггүй шүү дээ (инээв). Тэр нь бараг залхаах маягтай. Хүн ийм байх ёстой, энэ ажлыг хүмүүс олон жилийн турш ингэж л хийсээр ирсэн, амьдрал гэдэг ийм, цаг ийм, ажлын орчин ийм гэхчилэн... Тэдгээр зүйлс залуусыг өөрийн хүслээр амьдрахад саад болоод байдаг юм шиг санагддаг. Тэгэхээр өөрт чинь юу чухал гэж бодож, юуг таашааж байна, түүндээ үнэнч байж, бусад хүмүүсээр яаж амьдрахаа заалгалгүй, өөрөө өөрийнхөө амьдралын төв нь болж яваасай.

    Бас үргэлж зөв эргэлзэж байгаасай гэж хүсэж байна. Энэ зүйлийг ингэж хийж болдоггүй юм уу, заавал иймээрээ байх ёстой юм уу, “ингээд тогтчихсон” гэдэг нь яг юу юм бэ, илүү дээр байж болох уу? гэх мэтээр. Ийм эргэлзээ л хуучныг халж шинэчлэлийг авчирдаг. Ажлын талбар дээр жишээ авахад, чамаас ахмад хүмүүс энэ зүйл ийм л байсан юм, ийм л байна, ийм ч байх ёстой гэж хэлэх тохиолдол олон. Хэрвээ тухайн зүйлийг үнэхээр сайжруулж, хөшүүн байдлыг нь засаж болохоор бол байр сууриа зоригтой илэрхийлж, цаг хугацааг буухиалж, шинэчлэх үүргээ дор бүр нь биелүүлж байгаарай л гэж хэлмээр байна.

    ТА ЭНЭ БУЛАНД ХЭНИЙГ САНАЛ БОЛГОЖ, АЖЛЫН АРГА БАРИЛТАЙ НЬ ТАНИЛЦМААР БАЙНА ВЭ?

    “Ийгл”-ийн Ерөнхий продюсер Ж.Хуланг урьмаар байна. Харьцангуй залуу, барууны боловсрол эзэмшсэн хүн маш том мэдээний редакцыг удирдаж байгаа. Тэр редакцын амьд, халуун бүхнийг мэдэж, мэдэрмээр байна даа.

                                                                                                    эх сурвалж: http://www.unread.today/posts/post/951

    ?

    1. No Image

      Дууриамал аз жаргал

      Хүн төрөлхтөн аз амьдралтай амьдрахыг үргэлж хүсэн мөрөөдөж, түүндээ санаа зовинож ирсэн билээ. Нэг хүний аз жаргал нийтийн аз жаргалтай зөрчилддөг учир орлогын түвшин, боловсролын чанар, орон байр, нийгмийн гарал зэргээс хамаарч аз жаргал ...
      Date2017.04.18 ByMөөг Views559
      Read More
    2. нийтлэлч Аанхаа: Зарчимгүй тоо

      Хаврын 17 учрал, 17 чингэлэг спирт, солонгос кинонд 17 залуутай зодолдоно, Дэнзэн 17 тэрбумыг идсэн, офшорт 17 тэрбум доллар гэх мэтээр 17 –ын тоо моодонд орж. 17 он учир 17 –ийн тоо далд ухамсарт хүчтэй нөлөөлж магадгүй гээд ч тэр юмуу. Оф...
      Date2017.04.17 ByMөөг Views221
      Read More
    3. УИХ-н гишүүн асан Д.Энхбат: Ажил бол Бизнес биш

      Уулзалт, лекц дээр бизнесээ хэрхэн эхлүүлэх вэ, зөвлөөч гэж надаас олонтаа асуудаг. Тэд голцуу өөртөө итгэлтэй, ямар нэгэн шинэ санаа олоод харчихсан, заримдаа бүр бүтээгдэхүүнээ бодоод төлөвлөчихсөн, оролдоод эхэлчихсэн залуус байдаг. Яриа...
      Date2017.04.14 ByMөөг Views313
      Read More
    4. УИХ-н гишүүн асан Д.Энхбат: Энтрэпренер, Мэргэжилтэн, Менежер гурав

      Энтрепренер бол шинэ санааг төрүүлэгч, тээгч. Тэр саад бэрхшээл болон асуудлыг, эсвэл хаана юу дутагдаж байгааг олж хараад өөрөө эрсдэл үүрч шийдэх замаар ашиг, орлого олдог бизнес эрхлэгч. Бизнес эрхлэгч бүр Энтрепренер байдаггүй. Жишээ нь...
      Date2017.04.14 ByMөөг Views261
      Read More
    5. нийтлэлч Д.Батбаяр: Монгол удирдагчийн төрх

      Монголд далан мянга орчим захирал бий. 2011 оны Аж ахуйн нэгж (ААН)-ийн тооллогоор нийт 66 500 байгууллага бүртгэгджээ. Үүнээс 56 400 нь хувийн, 4 000 нь төсвийн, 6 000 нь төрийн бус байгууллага аж. Энэ дотор жин дарж буй хувийн ААН-ийн уди...
      Date2017.04.13 ByMөөг Views595
      Read More
    6. Монгол Улсын хөдөлмөрийн баатар, Ардын Уран Зохиолч, СГЗ, Төрийн шагналт, доктор Л.Түдэв: Ишлэлүүд...

      Л.Түдэв : Ишлэлүүд Ойлгохгүй байгаа юмандаа хүн хоёр янзаар ханддаг. Нэг бол үл тоомсорлодог, нэг бол шүтэн би­шир­дэг. Аль аль нь буруутгах аргагүй үзэгдэл. ¨ ¨ ¨ Ташуураар хамгаалсан эх орноо тархиараа хамгаа­лах цаг ирлээ. ¨ ¨ ¨ Манай нө...
      Date2017.04.13 ByMөөг Views586
      Read More
    7. www.trends.mn нийтлэлч Алтан Алим: Иргэншсэн хүн болох нь буюу ИЛҮҮ ба ДУТУУ

      Фэйсбүүкт UB Foodies гэдэг бүлэг бий. Бүгд англиар ярьдаг гадаад, дотоод хүмүүс Улаанбаатар хотын хоолны газрууд, рестораны талаар санал бодлоо солилцдог юм. Хаана ямар аятайхан хоол байгаа талаар мэдэхэд дөхөмтэй. Заримдаа хоолны жор хуваа...
      Date2017.04.12 ByMөөг Views326
      Read More
    8. нийтлэлч Б.Цэнддоо: Давхиж яваа “Найман хөлтэй морь”

      Монголыг хуурах амархан (монголд ойлгуулах хэцүү)-I Нэг.За хө, хуураад байгаарай... Бид төсөөлөх дуртай  ч эргэцүүлэх дургүй.  Мэдээллийг даган шуурах дуртай ч анализ хийх сонирхолгүй гэсэн үг.  Муухайдаа ч биш юм.  Малаа дагасан нүүдэлч ам...
      Date2017.04.10 ByMөөг Views352
      Read More
    9. Battsengel.davaasuren: Люси юун тухай өгүүлнэ вэ?

      Люси юун тухай өгүүлнэ вэ? Люси хэмээх нэртэй кино 2014 оны зун гарч асан...Ингэхэд энэ юун учиртай нэр вэ? Энгийн нэг англи хүний нэр үү? Эсвэл зүгээр л нэг үг үү? Энэ нэр хэзээ алдаршив аа? Энэ Люси юун тухай өгүүлнэ вэ? Олны дунд Люси хэ...
      Date2017.04.07 ByMөөг Views757
      Read More
    10. www.Ub.life сайтын Эрхлэгч Ж.Тэгшжаргал: Хэн ямар үед, ямар нөхцөлд, тухайн ажлыг сайн хийдэг вэ гэдэгт тохируулан ажиллуулбал оффис жаргалын орон болно...

      Цаг үеийн мэдээллийг хүмүүсийн үзүүлж буй хариу үйлдлийн хамт сонирхолтой, хөгжилтэй контент болгон нийтэлдэг Ub.Life сайтыг сүүлийн үед ялангуяа залуучууд нэлээд сонирхож унших болсон билээ. Тэгвэл энэ сайтын ард "Гэрэг" сэтгүүлийг үүсгэн б...
      Date2017.04.06 ByMөөг Views597
      Read More
    11. Нийтлэлч Ц.Доржготов: Монгол сэтгэхүйн цараа

        Нэг. Хардлага Маний үед эх оронч үзлийг Зөвлөлтөд үнэнч, Хятадыг үзэн ядах хоёрхон  хатуу хэмжүүрээр оношилж байв. Энэ хоёр шалгуурын болзлыг хангах гэж эдүгээ хойш харж бялдуучлаад, урагш харж омогддог кадрууд тасрахгүй нь гээч. Тийм бол...
      Date2017.04.05 ByMөөг Views474
      Read More
    12. "Голомт" банкны Ерөнхийлөгч Ө.Ганзориг - Гүйцэтгэх Захирлын эхний 30 хоног

      Хэрэв та шинэхэн гүйцэтгэх захирал бол, эсвэл гүйцэтгэх захирал болохоор зэхэж, өөрийгээ бэлтгэж байгаа бол анхаарлаа хандуулаарай. Юуны өмнө гүйцэтгэх захирлын ажил гэдэг бол аль нэг функц, хэлтсийг удирдахаас тэс өөр гэдгийг ойлгох хэрэгт...
      Date2017.04.05 ByMөөг Views355
      Read More
    13. Зохиолч, сэтгүүлч Б.Галаарид: Монголын үзмэрч төлгөчдийн чансааг 1993 онд нэг сүрхий шалгачихсан

      Зохиолч, сэтгүүлч  Б.Галаарид парапсихологийн чиглэлээр олон нийтлэл бичиж, хэд хэдэн ном гаргасан судлаач хүн. Бид түүнтэй парапсихологи гэж юу болох, хүний увдис чадвар, зөн билгийн талаар ярилцлаа.  - 1990-ээд оноос хойш далд ертөнц, тан...
      Date2017.04.04 ByMөөг Views743
      Read More
    14. Доктор, антропологич Дуламын Бум-Очир: Шинжлэх ухаан хүн төрөлхтний өмнө их нүгэл үйлдсэн

      Оюунлаг эрхмүүдтэй ярилцана гэдэг сэтгүүлчийн хамгийн том кайф байдаг. Үргэлж ярилцагчдаа өндөр босго тавьсаар ирсэн “Гранд”-ын хойморт энэ удаад антропологич Д.Бум-Очир уригдлаа. Бүтэн жил ярилцахсан гэж сэтгэлдээ тээсэн энэ эрхэм миний ам...
      Date2017.04.03 ByMөөг Views1053
      Read More
    15. нийтлэлч Аанхаа: Амьдралд хэрэгтэй хэрэггүйн талаар

      Угаасаа өдөр тутмын амьдралд чинь тоо хэрэггүй, тооны машин л хэрэгтэй. Өдөр тутмын амьдралд хүрдээ мэдэхгүй хүн ч амьдарчихна. Математик амьдралд хэрэгтэй гэдэг нь ахуй амьдралд хэрэгтэй гэсэн үг биш. Ер нь математик чинь өөрөө амьдралаас ...
      Date2017.03.31 ByMөөг Views602
      Read More
    16. Төвд судлаач Г. Ням-Очир: Төвд, Монголоос өөр ард түмэн хадагны тухай юу ч мэддэггүй

      Багш минь сайхан үлгэр хэлдэгсэн. Монгол, Төвд хоёр бол шувууны хоёр жигүүр адил шашны наран мандуулсан... гээд. Огторгуйн цагаан гарди багшийн минь хамгийн сүүлд “Дорно Цаст” хэмээх номоо хэвлүүлчихээд ”Миний бүх номуудыг БНХАУ-д дахин хэв...
      Date2017.03.30 ByMөөг Views1251
      Read More
    17. Д.Энхбат: Бүх зүйл өгөх замаар явдаг. Бизнес ч гэсэн...

      Монголд маш цөөхөн байгаа зүйлсийн нэг бол оюун санааны манлайлагчид...  Маш цөөн байгаа тэдгээр хүмүүсийн нэгийг Д.Энхбат гуай гэдэгтэй мэдлэг/зүг чиг хайгчид санал нэгдэх биз ээ.  Тиймээс ч бид iKon.mn сайтын "Өглөөний Хүн" буланд түүнийг ...
      Date2017.03.28 ByMөөг Views1054
      Read More
    18. Дэлхийн шилдгүүд амжилтыг ингэж тодорхойлов

      Бид “амжилт”-ын талаар ярьж эхэлмэгц банкиндаа олон тэрбум ногоонтой, дэлхий даяар сая сая хувь борлогдсон номын зохиолч эсвэл бүхэл бүтэн үндэстнийг захирч буй хэн нэгний талаар ярьцгаах нь элбэг. Гэвч дээрх нийтлэг тодорхойлолтод багтах н...
      Date2017.03.27 ByMөөг Views1314
      Read More
    19. нийтлэлч М.Саруул-Эрдэнэ: Ичих, буруутгах, эргэлзэх сэтгэлгүй машин буюу Болор дуран 2.0

        Болор дуран 2.0 авч суулгалаа. Дажгүй шүү. Тун зөв засаад байна.Өмнө бас тиймэрхүү програм хэрэглэж үзэж л байлаа. Зарим үгийг буруу засаад байдаг юм. Болор дурангаас одоогоор миний бие алдаа олж хараагүй л байна. Тэгээд үсгийн дүрмийн та...
      Date2017.03.24 ByMөөг Views1028
      Read More
    20. "Голомт" банкны Ерөнхийлөгч Ө.Ганзориг: Боловсрол, мэдлэг, мэдээлэл

      АГУУ ХАННО Карфаген (Carthage BC814-BC146) бол эртний Ромын гол өрсөлдөгч байж ид үедээ Хойд Африк, Испани, Итали, Грекийн хэсгийг хамарсан том улс байв. Карфагений нийслэл одоогийн Тунис буюу Хойд Африкт байсан бөгөөд Ромтой дүйх өндөр хөг...
      Date2017.03.21 ByMөөг Views963
      Read More
    Board Pagination Prev 1 2 3 4 5 6 7 8 9 10 ... 20 Next
    / 20

         Радио Нийтлэл

         SOCIAL - СОНИН ХАЧИН