Радио Нийтлэл

     SOCIAL - СОНИН ХАЧИН







  • (*.201.20.156) Уншсан 325 vote 0 Коммент 0
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх

    Тэд хөгжсөөр, харин бид хоорондоо толхилдож, “муусайн” хятадууд хэмээн гоочилж, муулсаар л сууна. Энэ нь үндсэндээ “Бээжин сууж, би явж байна” гэх үгийг эсрэг байранд нь аваачиж дээ гэхээр болжээ. Одоо бол бид сууж, Бээжин явж байна. Тэгэхдээ бүр дэлхийд бүхий л салбарт тэргүүлэгч болохоор зорилт тавьж, төлөвлөгөө гарган тэмүүлж, түүнийгээ нүдэнд үзэгдэж, гарт баригдан, амьдралд үр дүнгээ өгөх хэмжээнд хүртэл нь хөгжүүлсээр байгаа ажээ. Ингэхдээ энгийн хэрэглээг хялбаршуулагч инновацийг хөгжүүлж, дэлхийд тэргүүлэгч болохоор зорилт тавиад байна. Үүнийг мэдэхийн тулд өргөн уудам дундад улсыг бүхэлд нь хэрэн хэсч явах хэрэгтэй болох ч бидэнд тийм боломж хомс. Нөгөөтэйгүүр тэд ч хүссэн бүхнийг яам, тамгын газар, үйлдвэр, технологийн төвүүдээр оруулж, гарган танилцуулаад байхгүй нь лавтай. Гэхдээ сэтгүүлчдэд бол ийм боломж олгосон.

    Бид туршлагыг нь судлаад бүхнийг хуулбарлаж чадахгүй ч тэдний технологийн дэвшлүүдийн багахан хэсэгтээ танилцаж, бас ч үгүй аяны богцоо ахиухан мэдээллээр дүүргэхийг зорьж байлаа. БНХАУ-ын дарга Ши Жиньпин 2014 онд манай улсад айлчилсан. Тухайн үед тэрбээр төрийн тэргүүнтэй Монгол Улсын 250 сэтгүүлчийг таван жилийн хугацаанд эх орондоо урьж айлчлуулахаар ярилцсан нь өдгөө ажил хэрэг болж, гурав дахь удаагийн баг БНХАУ-ыг зориод ирлээ. 

    Манай улсын сэтгүүлчдийн багийн айлчлалыг тус улсын Төрийн зөвлөлийн хэвлэл мэдээллийн албаны урилгаар зохион байгуулдаг бөгөөд анхны 50 сэтгүүлч 2015 онд Ялалтын баярын хүрээнд зохион байгуулагдаж, БНХАУ, хуучин ЗХУ-ын дайчдын дурсгалын цогцолбортой танилцан, Нанжинь хотын дайны түүхийг харуулсан музейтэй танилцсан. Харин өнгөрсөн жил “Ногоон хөгжил” сэдвийн дор байгальд ээлтэй, ногоон хөгжлийн бодлогыг дэмжиж, бодит ажилтай танилцсан. Энэ удаа гуравдугаар багийн сэтгүүлчид өнгөрсөн сарын 31-нээс зургаадугаар сарын 6-ны хооронд “БНХАУ-ын инновацийн хөгжилд анхаарлаа хандуулъя” сэдвийн хүрээнд айлчилж, аяны богцоо дүүргэж ирсээн. Гуравдугаар ээлжийн багт хэвлэл мэдээллийн байгууллагуудын 47 ажилтан, сэтгүүлч багтсан бөгөөд Бээжин хот, Жөжян, Гуандун мужуудыг зорьсон юм. 

     

    Инновацид оруулж буй хөрөнгө оруулалтын жагсаалтаар дэлхийд хоёрдугаарт бичигдэж байна 

    Image result for china innovationИнновацийн хөгжилд анхаарлаа хандуулахаар зорьсон бид эхний өдөр БНХАУ-ын Шинжлэх ухаан технологийн яам, Бээжин хотын Шинжлэх ухаан технологийн хороогоор зочилсон. 
    Шинжлэх ухаан технологийн яам нь шинжлэх ухаан, технологийн хөгжлийн талаар макро стратеги болон шинжлэх ухаан, технологийн эдийн засгийг дэмжих, нийгмийн хөгжлийн чиг бодлого, хууль тогтоомж судлан танилцуулдаг бол Бээжин хотын Шинжлэх ухаан, технологийн хороо нь тус хотын Шинжлэх ухаан, технолгийн бүхий л ажлыг хариуцсан ротын Засгийн газрын бүрэлдэхүүн хэсэг ажээ. Дотроо 13 агентлагтай бөгөөд шинжлэх ухаан технологийн дэвшил менежмент болон бусад зохицуулалтын үүргийг бэхжүүлэхэд анхааран ажилладаг. 

     

    Уулзалтын үеэр Хятад улсын Инновацийн хорооны дарга Зан Шин /Zhang Xin/ "2016 онд Хятадын инновацийн судалгааны санхүүжилт 1 их наяд, 550 тэрбум юаньд хүрч, инновацид оруулж байгаа хөрөнгө оруулалтын жагсаалтаараа дэлхийд дэд байранд орсон. Бид сансрын пуужин бүтээх, хиймэл дагуул нисгэх, газрын гүнийг судлах, далайн ёроолд шумбах шумбагч онгоц зэрэг технологийн шинэ ололт амжилтад суурилсан томоохон төслүүдийг инновацийн хөгжилд суурилан амжилттай хэрэгжүүлж чадсан. Мөн газар тариалан, аж ахуйд инновацийн хөгжлийг нэвтрүүлж, Бээжин, Шанхай зэрэг том хот болон бүх хятадад инновацийн 16, шинжлэх ухааны 157 парк тус тус нээн ажиллуулсан.

    Шинжлэх ухаан, технологи инновацийн хөгжлийн бодлогод зарцуулж байгаа нийт зардлын 70 хувийг бид аж ахуй эрхлэгчидээс, 22 хувийг төрөөс санжүүлэх, үлдсэн 8 хувийн бусад эх сурвалжаас санхүүжүүлэх байдлаар зохицуулж ирсэн. Төрөөс гарах санхүүжилтийн ихэнх нь шинжлэх ухааны суурь судалгааны зардалд зарцуулагддаг. Манай улсын хувьд дэлхийн өнцөг буланд мэргэжил эзэмшин, инновацийн хөгжилд товойм амжилт гаргаж байгаа хятад улсын иргэн залуу эрдэмтэн судлаачдыг эх орондоо ирж ажилахыг уриалан цалин болон ахуй амьдралын баталгаагаар нь ханган ажиллуулдаг. Цаашдаа инновацийн хөгжлийн чиглэлд бид 2016 онд баталсан 13 дугаар V жилийн төлөвлөгөөг батлан ажиллаж байна” гэх мэдээллийг өгсөн юм. 

    Мөн тус хорооны дэд дарга Вэй Жиа Мин “БНХАУ-ын дарга Си Зиньпин “Нэг бүс-Нэг зам” бол бүтээн байгуулалт, инноваци шинэчлэлт, найрамдал, хамтаараа урагш хөгжих зам гэж тодорхойлсон байгаа. Энэ хүрээнд бид Монгол Улстай инновацийн хөгжлийн талаар хэрхэн харилцан ажиллах талаар бодлого гарган ажиллаж байгаа. Бид Монгол Улсын зарим их сургууль, судалгааны байгууллагатай хамтран ажиллах туршлагатай. Үүнд үндэслээд гурван чиглэлээр хамтран ажиллах сонирхолтой байна. Тухайлбал, шинжлэх ухааны салбарын эрдэмтэн судлаач солилцох, өндөр технологи бүхий үйлдвэрүүдэд мэргэжилтэн солилцох, Бээжингийн аж ахуйн нэгжүүд монголын аж ахуйн нэгжүүдтэй хамтран ажиллах, хамтарсан лаборатори байгуулах замаар мэргэжилтэн бэлтгэх, солилцох чиглэлд бодит ажил хийх боломжтой. Бээжингийн сургууль, судалгааны төвтэй хамтран ямар чиглэлд хамтарвал үр бүтээлтэй ажиллаж, жишиг болгон харуулахыг хүсч байна. Хөрш орны хувьд байгаль орчин, мал аж ахуй, газар тариалан, хот төлөвлөлт, хог хаягдлыг дахин боловсруулах үйлдвэр гээд олон чиглэлд хамтран ажиллах боломж нээлттэй байгаа” гэлээ.

    БНХАУ шинжлэх ухаан, технологийн салбарт зарцуулж буй хөрөнгө оруулалтаараа тэргүүлэхийг чухалчилж байгаагаас гадна дэлхийд жишиг болсон шинжлэх ухааны бүс байгуулах зорилготой аж. БНХАУ-ын 13 дугаар V жилийн төлөвлөгөөнд 2017 оны хоёрдугаар сард бүх хятадын инновацийн төв байгуулах асуудлаар холбогдох албаныхан хуралдан, инновацийн төв байгуулах шийдвэр гаргаж, 2017-2020 онд 225 ажил хийхээр төлөвлөгөө гаргаж, шинжлэх ухааны томоохон төсөл хэрэгжүүлэн, шинжлэх ухаан технологийн жижиг паркийн шинэчлэх, тогтолцоог нь сайжруулах, дэлхийн эрдэмтэн судлаачдыг урьж ажиллуулахад анхаарахыг тусгасан байна. Энэ ч утгаараа гадаадын эрдэмтэн мэргэдийг урьж ажиллуулах, судалгааны чанар болон шинээр байгуулж байгаа шинжлэх ухаан технологийн парк, судалгааны үр дүн, инновацийн хөгжилд бэлтгэгдсэн байдал, туршилт, шинжлэх ухааны паркийн хөгжлөөрөө дэлхийд тэргүүлж байгаа талаар ч дурдсан юм. Түүнчлэн 13 дугаар V жилийн төлөвлөгөөг баталснаас хойш тэд гадны бусад оронд ажиллаж амьдарч буй эрдэмтэн судлаачдаа эх орондоо эргэн ирэхийг уриалах болжээ. Гадаадад аьч буй цалин, амьдарч буй орчноос нь илүү амласнаар 1000 гаруй эрдэмтэн, судлаач эргэн ирсэн гэнэ. 

    Бээжин хотын Шинжлэх ухаан технологийн хорооны Олон улсын хамтын ажиллагааны газрын мэдээлснээр тус улс нь одоогоор 50 гаруй улсын 2000 гаруй аж ахуйн нэгжтэй шинжлэх ухааны салбарт хамтран ажиллаж байгаа. Цаашид олон улсын хурал тогтмол зохион байгуулах, тэргүүлэгч улсуудтай хамтран ажиллах, шинжлэх ухааны томоохон үзэсгэлэн зохион байгуулах, шинээр мэргэжилтэн бэлтгэхэд анхаарч байна. Түүнчлэн, Монгол Улстай тодорхой төсөлд хамтран ажиллах сонирхолтой бөгөөд манай ШУА-тай уламжлалт анагаах ухааны чиглэлээр мөн ШУТИС-тай сэргээгдэх эрчим хүч ашиглах талаар судалгаа хийж байгаа нь хамтын ажиллагааны эхний алхмын үр дүн аж.

     

    Муу суралцахаар сайн хуул 

    Бид дараа нь Бээжин хотын Жунь Гухнь Сунь үндэсний инновацийн үлгэр жишээ бүсийн үзэсгэлэнгийн төвтэй танилцсан. Үзэсгэлэнгийн төв нь видео сурталчилгааны чиглэлийн өндөр технологийн аж үйлдвэрийн төв бөгөөд Бээжингийн өнгөрсөн оны эдийн засгийн GDP орлогын дөрөвний нэг хувийг эзэлснийг тайлбарлагч дуулгасан. 

    Энэхүү үзэсгэлэнгийн танхимд инновацийн хөгжил бидний амьдралд хэрхэн нэвтэрч, үр дүн гарах зэрэг, туршилтын материалуудад тулгуурлан үйлдвэрлэлд хэрхэн нэвтэрч байгаа талаар тайлбарлаж байлаа. Үүнд дараа үеийн гар утас, интернэт харилцаа холбоо, хиймэл дагуулын програм, биотехнологи, эрүүл мэнд, эрчим хүчний хэмнэлттэй, байгальд хоргүй цахилгаан машин, зам харилцаа зэрэг давуу талтай аж үйлдвэрийн төв болон нэгдсэн сүлжээний талаар хийсэн үр дүнтэй судалгаа, бодит ажлынхаа талаар мэдээлсэн юм. Жишээ нь 3D принтерийг анагаах ухаанд хэрхэн хэрэглэж байгааг дэлгэцээр харууллаа. Хагалгаанд орохын өмнө хүний амьд эсийг принтлэх, хорт хавдрын эс хэрхэн өсч байгааг харах, далайн усыг физикийн аргаар цэвэршүүлэн ахуйн хэрэглээний болгож байгаа, байгальд ээлтэй материал болох эрдэнэшишийн ишийг хаягдалгүй авч боловсуулан, хар өнгийн ургамлын органик бордоо гаргаж авснаар ургацыг 10 хувиар дээшлүүлсэн технологи байх жишээтэй. Энэ бордоог хятадын тариаланчид өргөн хэрэглэж байгааг үзэсгэлэнгийн тайлбарлагч хэлж байлаа. 

    Мөн хүний мэдрэлийн систем буюу тархины гэмтэл, өвчинд дурангийн хагалгаа хийх төхөөрөмж байна. Уг төхөөрөмж нь өвчтөний тархины хэсгийг скайнардаж, өвчин байгаа хэсгийг нарийвчлан тогтоож, улмаар хагалгаа хийх төлөвлөгөөг зохиодог байна. Энэхүү төхөөрөмжөөр хагалгаа хийхэд нэг цаг гучин минут шаардлагатай бөгөөд толгойны хэсгийг ердөө 2 мм-ийн хэмжээтэй цоолж, бүх төрлийн хагалгаа хийх юм. Төхөөрөмжийг Бээжингийн эмнэлгүүд эмчилгээнд ашиглаж эхэлжээ.

    Өвөрмонголын элсээр явган хүний замын тоосго гаргаж авсан нь борооны усыг шууд шингээж газар доор хуримтлуулах боломжтой технологи мөн усаа өөртөө шингээх зориулалттай цэцгийн сав, ургамал ногооны хальс, хаягдлаас газ гаргаж авсан зэргийг үзэсгэлэнд байршуулжээ.

    Түүнчлэн зайгаар ажилладаг хоёрхон дугуйтай, 120 км/цаг давхих хүчин чадалтай машин, бүхий л мэдээллийг санах ойд нь суулгачихад хүрэх газарт тань саадгүй хүргэх “ухаалаг” автомашин ч байна. Нэг талаас харахад хэт амарчилж, хүн эргээд технологийн боол болох нь гэх хардлага төрөх авч, нөгөө талаас нь бол тэрхүү цагийг өөр ямар нэгэн үр бүтээлтэй зүйлд зарцуулах боломжтой болж байгааг харуулж байлаа. Энэхүү үзэсэгэлэнд интернэтэд холбогдсон замын хөдөлгөөний болон эзгүй орхисон гэрийнхээ талаарх бүх мэдээллийг программчилсан хянах самбар, гэмт хэрэгтэнг илрүүлэхэд цагдаагийн байгууллага ашиглах шинэ технологи зэргийг сонирхууллаа. 

    Энэ бүхэнтэй танилцах зуурт сэтгүүлчид монгол эрдэмтэн судлаачдынхаа чадварт итгэж байгаа ч тэдний ажлыг санхүүжүүлэх, урагшлах замыг нь гэрэлтүүлж өгөх төрийн бодлого хэзээ зөв болох бол хэмээн шогширч байсныг нуух юун. Учир нь бид “Муу суралцахаар сайн хуул” гэдэг. Гэвч шууд хуулбарлахаас илүү бодлогын туршлагаас нь суралцаж, инновацийн салбараа хөгжүүлж чадвал монгол эрдэмтэн судлаач, шинэ эрэлхийлэгч залуус бүх боломжтой нээлттэй гэдэг нь харагдаж байлаа. 

    Үүний дараа нь лед дэлгэц, видео судалгааны чиглэлийн Ли Яа Дэ компанийн үйл ажиллагаатай танилцлаа. Тус компани 2500 гаруй ажилтантай үйл ажиллагаа явуулдаг бөгөөд хамгийн жижиг дэлгэцээс эхлээд бүхий л хэмжээний лед дэлгэц, нүдний шилгүй 3D телевиз, видео тоглоом үйлдвэрлэдэг аж. 

    Газрын диваажинг дэлхийн диваажин болгох нь 

    Өмнөд хөршид “Тэнгэрт диваажин, газарт Ханжоу” гэдэг үг бий. БНХАУ-д айлчилсан сэтгүүлчид хоёр баг болон хуваагдаж МСНЭ-ийн ерөнхийлөгч Б.Галааридаар ахлуулсан 21 сэтгүүлч Жөжян мужийг зорьлоо. Тус мужийн төв нь Ханжоу. Хүн ам нь 8 сая хол давсан, анх торго, цайгаар алдартай байсан энэ хот өдгөө “Алибаба”-гаар алдаршиж, түүгээр гайхуулж, дэлхийн хамгийн том эдийн засагтай 20 орны тэргүүд, сангийн сайд нар, төв банкны захирлууд оролцдог дээд хэмжээний уулзалт буюу G-20-ийн уулзалтыг өнгөрсөн жил зохион байгуулсан гэдгээрээ омгорхож, огшиж, бас түүгээрээ бүх хятадын болон гадны жуулчдыг татах болжээ. 

    Айлчлалын баг тус хотод зочилсон хамгийн анхны газар нь “Алибаба”-гийн төв оффисс. Дэлхийд нөлөө бүхий 30 эрхмийн тоонд зүй ёсоор бичигдэж, энгийнээс энгийн хэмээгдэн хүндлэгдэн ирсэн “Алибаба” группийг үндэслэгч Жек Ма олон хүнд шантрашгүй хөдөлмөрийн үр шим хаана хүргэж болдог жишээг өөрийн биеэр харуулсан нэгэн. Түүний мөрөөдлөөс эхтэй компани одоо групп болж, “Хятадад 24 цагт, дэлхий даяар 72 цагт хүргэнэ” гэх уриатайгаар үйл ажиллагаагаа явуулж байна. Үндсэндээ англи хэлний мэдлэгээ дээшлүүлэхийн тулд гадаадын жуулчдад хөтөч хийдэг байсан хятад залуу “Алибаба”-г 1999 онд байгуулж, дэлхий нийтийн цахим худалдааг бүхэлд нь атгаж чадсныг хүн бүр харах болсон. Тус группийн төв оффист зочлоход үзэсгэлэнгийн танхимд нь Хятадын гөүхуа зургийн аргаар зурсан зургууд эгнүүлжээ. Гөүхуа зураг гэдэг нь Хятадын гурван сонгодог урлагийн нэг. Тайлбарлагч, менежерийн хэлснээр, энэхүү уран зургийн аргаар “Алибаба”-г үүсгэн байгуулагч Жэк Маг болон алдарт Стив Жобс, Цукерберг, Сүн улсын үеийн аж байдлыг харуулан буулгасан байдаг аж. Харин өөр нэгэн танхимд найзуудтайгаа хамт алсыг харан бодлогошрон зогсох Жэк Магийн хөрөг зураг. Ханжоуд ирэхээсээ өмнө авахуулсан гэрэл зургийг нь ийнхүү уран зургийн аргаар зурсан аж.

    Жэк Ма тохилог ажлын өрөөнөөсөө мөрөөдлөө биелүүлж эхлээгүй. Хятадын жирийн хороолол дунд, зай талбай багатай өрөөнд тэрбээр хэсэг нөхдийн хамт “Алибаба”-ийн түүхийг эхэлсэн аж. Энэ бүхнийг өгүүлэх гэрэл зургууд ч “Алибаба”-ийн төв оффист хүндтэй байранд заларсан байдаг. Иймдээ ч өдгөө “Алибаба”-гийн ажилтнуудыг заавал оффистоо сууж ажиллахыг шаарддаггүй. Интэрнэт хаана байна, тэндээс ажлаа явуулж болно гэж үздэг байна. Энэ нь цагийг үр ашигтай зарцуулахаас гадна, ажлын байрны түрээс гэхчилэн бусад зардлыг хэмнэх сайн талтай гэдгийг менежер нь хэлж байлаа. Түүнээс “Танай компанийн хамгийн залуу ажилтан хэдэн настай вэ” гэж асуухад “Хамгийн залуу нь 28-тай. Хөгшин нь 50 настай. Манай Жэк дарга хөгшиндөө орно шүү” хэмээн хошигнов. Дашрамд сонирхуулахад тус групп нийтдээ 30.8 сая хүнийг ажлын байраар хангадаг. Энэ тоогоо цаашид нэмэгдүүлэн 2020 он гэхэд 100 сая хүнийг ажлын байраар ханган, интернэт худалдаагаар дэлхийд тэргүүлэх зорилт тавин ажиллаж байгаа гэнэ.

    Дэлхийн и-бизнесийг “эрхшээлдээ оруулсан” тус групп 2014 оны есдүгээр сарын 19-нд Нью-Йоркийн Хөрөнгийн биржид хувьцаагаа гаргаж, эхний өдрийн арилжаа нь 230 тэрбум ам.долларт хүрсэн удаатай. “Нарт тэнгэрийн дор бидэнд хийж чадахгүй бизнес гэж үгүй” хэмээх үг бол “Алибаба” группийнхний гол философи. Тиймдээ ч тэд энэ ертөнцийг эцэс төгсгөлгүй сүлжсэн цахим ертөнц, тэр дундаа и-бизнест хаанчилж байна. Ганцхан жишээ дурдъя. Жил бүрийн арваннэгдүгээр сарын 11-ний өдрийг тив тивийн сая сая хэрэглэгчид тэсэн ядан хүлээдэг. Монголын цахим худалдаа хэрэглэгчид ч мөн адил. “Алибаба” групп 2016 оны яг энэ өдөр болсон дэлхийн цахим худалдааны их наадмын үеэр 120 тэрбум юанийн орлоготой ажиллажээ. Нэгхэн өдөрт шүү дээ! Тус группээс гаргасан статистик мэдээллээр, энэ их наадамд нийт 235 орон, бүс нутгийн хэрэглэгч, бизнесмэнүүд оролцдог юм байна. Товчхондоо, Жэк Ма бага залуудаа жирийн нэгэн хөтөч байсан бол өдгөө дэлхийн цахим ертөнц дэх Торгоны замын гол хөтчийн нэг болжээ. Зарим хүн “Эмэгтэй хүмүүс дэлгүүр хэсэх үед G цэг нь дээд цэгтээ хүрдэг” гэж хошигнодогчлон газар газрын бүсгүйчүүд дэлгүүр хэсэх дуртай. “Алибаба” группээс гаргасан мэдээллээр, лав л Оросоос 250 мянган бүсгүй өдөр бүр цахим худалдаагаар байнга үйлчлүүлдэг юм билээ. “Алибаба”... Тийм ээ, дорнын “1001 шөнийн үлгэр”-ийг Жэк Ма гэдэг жирийн залуу газрын диваажин болсон Ханжоуд ийн цогцлоож, дэлхийн диваажин болгох эхлэлийг тавьсан нь энэ. 

    Бидний дараагийн маршрут “Мөрөөдөл” гэдэг хотхон байлаа. Мэдээж бидэнд орчуулагч хийж явсан хүн өвөрмонгол. Түүний хэлснээр болон айлчлалын төлөвлөгөөнд бичсэнээр бол бид “Мөрөөдөл” балгастай танилцах байсан юм. Балгас гэхээр хуучны барилгын туурь байгаа болов уу гэж бодож явсан маань очих газартаа хүрэнгүүт эсрэгээрээ байсныг мэдэрсэн. Гол хаалганы өмнөх чулуун дээр “DREAM” Town Internet Village гэж байв. 
    Ингэж бид өвөрмонголчууд хотхоныг балгас хэмээн нэрлээд байгааг ойлгож, бас ч үгүй орчуулагчдаа орчин цагт монголоор хэрхэн нэрлэж буйг ялгаж, зааж өгсөн. Энэхүү хотхон нь товчхондоо Хятадын мэдээллийн технологийн компаниудын инкубатор төв ажээ. Албан ёсны мэдээллээс харвал, “Мөрөөдөл” хотхон 990 гаруй төсөлд 9400 аж ахуйн нэгжийг хамруулжээ. Байшин бүрийнх нь дээвэр амуу будааны сав шиг бөөрөнхий хэлбэртэй “Мөрөөдөл” хотхон өнгөрсөн хугацаанд нэг сая гаруй юанийн санхүүжилтээр 110 гаруй төсөл хэрэгжүүлсэн аж.

    Хотхонд зочлох үеэр бас нэгэн зүйл сонирхол татсан нь Засгийн газраас и-бизнесийг дэмжиж, аж ахуйн нэгжүүдийг үнэгүй байраар хангадаг явдал юм. “Bay west-Best way буюу Баруун эрэг-Хамгийн хүчирхэг зам” гэсэн уриатай “Мөрөөдөл” хотхоны логон дээр АНУ-ын баруун эргийг дүрсэлжээ. Америк, Ханжоу хот олон төсөл дээр хамтарч ажилладгийг ийн бэлгэдсэн болов уу. Тайлбарлагч бүсгүйн хэлснээр, интернэт хөрөнгө оруулалтын компани болох “Мөрөөдөл” хотхон 27-28 интернэт компанийг инкубаторт бойжуулсан аж. Өдгөө бүх Хятадад 40-50 компанийг хөгжүүлж байгаа. Дотроо 30 гаруй салбартай тус хотхон ухаалаг программыг үйлдвэрлэлд нэвтрүүлдэг. “Мөрөөдөл” хотхоныхноос “Та бүхэн компаниудыг ямар шалгуураар сонгодог вэ” гэж асуухад “Тухайн компани нь 50 сая юаниас доош хөрөнгийн үнэлгээтэй бол санхүүжилт үзүүлдэг” гэсэн юм.

                                                                                                   эх сурвалж: http://time.mn/content/201702-8051

    ?

    1. Сонин үйл явдлуудын гэрч, шог зураач, инжаан, Д.Далайдээрхтэй хийсэн адал-сонирхолтой ярилцлагыг танд хүргэж байна.

      Сонин үйл явдлуудын гэрч, шог зураач, инжаан, Д.Далайдээрхтэй хийсэн адал-сонирхолтой ярилцлагыг танд хүргэж байна. - Газар уснаа явагч гэдэг шиг сонин  нэрний чинь учир холбогдол юу вэ? - Энэ их Монгол орныхоо хойморт Хөвсгөл далай дээрээ ...
      Date2017.07.03 ByMөөг Views286
      Read More
    2. НИЙГМИЙН СЭТГЭЛЗҮЙН “СЭТГЭХҮЙ” ТӨВ-ийн захирал, сэтгэл судлаач Л.Эрдэнэцогт: Манай нийгэмд сэтгэцийн өөрчлөлттэй хүмүүс эмгэг өвчин туссанаа мэддэггүй. Мөн өвчний анхан шатны өөрчлөлтөө лам, бөө, засал номонд даатгах нь элбэг байдаг юм.

      Өнгөрсөн ням гаригт Төв цэнгэлдэх хүрээлэнд Чингис хаан тодруулах ёслол боллоо. Мөнх тэнгэрийн оньс хэмээгч И.Мөнхсаруул эзэн тэнгэрийн зарлиг ёсоор энэ цагийн Чингис хааныг тодруулан ард түмнээ аврах даалгавар авчээ. Гэвч ёслол хүндэтгэлд ...
      Date2017.06.30 ByMөөг Views388
      Read More
    3. Нийтлэлч Б.Цэнддоо: “Нам” үхжээ

      -Монголчууд бие биедээ яагаад итгэдэггүй вэ? -Бие биенээ сайн мэддэг болоод л тэр  биз‼ Зохиогчоос: Саяны сонгууль үнэн хэрэгтээ “Фэншү”-гийн сонгууль боллоо. Түүнд тараах мөнгө, өөрийн намын мянга мянган гишүүн гэж үгүй, бас  тууштай дэмжи...
      Date2017.06.29 ByMөөг Views217
      Read More
    4. No Image

      Нийтлэлч Гомбосүрэнгийн Галбадрах: Тэд ѳѳрсдийгѳѳ Монгол Улсын Ерѳнхийлөгчид бэлтгээгүй байна

      2017 оны Монгол Улсын Ерѳнхийлэгчийг сонгох сонгуульд АН-аас нэр дэвшигч Х.Баттулга хамгийн олон санал авч МАН-аас нэр дэвшигч М.Энхболд, МАХН-аас нэр дэвшигч С.Ганбаатар нар удаалж, нэр дэвшигчдийн хэн нь ч 50 хувийн босго даваагүй учраас ...
      Date2017.06.28 ByMөөг Views221
      Read More
    5. Нийтлэлч Жамбалжамц - Өндөр гэгээн Занабазар

      Монголын оюун санааны их самади багш, Монголын шарын шашны тэргүүн Өндөр гэгээн Занабазар нь Боржгин алтан ургийн Түшээт хан Гомбодоржийн удаах хүү ​билээ. Ханхүүгийн нэр Ишдорж. 5 настайдаа тэрбээр Далай лам, Ванчин Эрдэнэ лам нарын тодруу...
      Date2017.06.27 ByMөөг Views453
      Read More
    6. Нийтлэлч Баабар: Түүхийн гашүүн үнэн...үргэлжлэл

        (үргэлжлэл) Шинэ тэжээгч Орос Азийн хамгийн сүүлчийн түшиг тулгуур Хятад XIX зууны дунд үеэс үйлдвэржсэн европчуудын тэлэлтийн бай боллоо. Шинэ империалист Япон 1895 онд Хятадыг, 1905 онд Оросыг дайнаар буулган авчээ. Орос, Япон хоёр 1907 ...
      Date2017.06.26 ByMөөг Views405
      Read More
    7. МОНГОЛ ҮНДЭСТЭН 250 НАСААР ЗАЛУУ ХАРАГДДАГ

        Гэрэл зургийг MPA.mn Эхлэл Бид ерэн оноос өмнө социалист лагер бүтээх үйлсэд “өртсөнөөр” цахилгаан станц, төмөр зам, тээврийн сүлжээтэй болсныг эс тооцвол үйлдвэрлэл технологийн хувьд анхныхаа шатанд явж байгаа. Хүний хөгжлөөр яривал бохь ...
      Date2017.06.24 ByMөөг Views590
      Read More
    8. Өвгөн шувуун хүүрнэл

      ЖАРГАЛТАЙН ДЭЛГЭР ЗУНЫХАА САРД НЬ... Монгол уртын дууны үнэт өв “Өвгөн шувуу хоёр” дуу “Жаргалтайн дэлгэр зуныхаа сард нь...” хэмээх мөрөөр эхэлдэг. Гүн ухааны хүүрнэл дуу болох энэхүү ардын уртын дууг Боржигон аялгуугаар 30 гаруй бадаг түр...
      Date2017.06.22 ByMөөг Views407
      Read More
    9. Би хэрхэн ажилладаг вэ? - Emart-ийн ТУЗ-ийн дарга, Харвардын Бизнесийн Сургуулийн төгсөгч Б.Баттүшиг

      Цаг үеийн байдлаас шалтгаалж, интернэт ертөнцөд эрээн бараан мэдээлэл их тавигдаж байгаа энэ үед бид олон салбарт цаг зав, сэтгэл зүрхээ зориулан, амжилттай ажиллаж, үеийнхэн, дүү нартаа үлгэр жишээ болж яваа яваа нэгэн залуу лидертэй ярилцс...
      Date2017.06.22 ByMөөг Views440
      Read More
    10. Нийтлэлч Б.Цэнддоо: Ойлголтын зөрөө

      Насны зөрөө амаргүй гэж үг бий. Амаргүй гэснээс боломжгүй гээгүй аж. Харин ойлголтын зөрөө гэж бий. Харамсалтай нь, ойлголтын зөрөөг амаргүй гэхэд багадана. Ойлголтын зөрөө биднийг дэлхий ертөнцөөс өөр, дэлхий ертөнцийг биднээс өөр харагдуу...
      Date2017.06.21 ByMөөг Views218
      Read More
    11. Нийтлэлч Индра: “Хятадын аюул” үзэл яагаад дэлгэрсэн бэ?

        Ер нь монголчууд яагаад Хятадыг үзэн яддаг болчихсон юм бол? Дунд сургуульд байхад түүхийн хичээл дээр Монголчууд манжийн дарлалд 300 жил байхдаа гэдэг өгүүлбэр яасан ч их тааралддаг байв. Тэрний улбаа юм уу гэх гэхээр манжууд чинь хятад ...
      Date2017.06.21 ByMөөг Views352
      Read More
    12. Нийтлэлч, Төвд судлаач Г.Ням-Очир: Халхын буян ба монгол тансаглал

      Монголын түүхийг бичихдээ ерөөсөө эдийн засгийн түүхийг нь дандаа орхиж ирсэн байдаг. Тодорхой статистик баримт ховорхон үлдсэнээс гадна баян тансагт нь хорсон тэчъяадаж, муу муухайг нь голчлон харуулахыг зорьдог бусад орны жуулчдын өөдгүй з...
      Date2017.06.20 ByMөөг Views497
      Read More
    13. Нийтлэлч Баабар: Түүхийн гашүүн үнэн

        Монголын өндөрлөг. Газар зүйн ухаанд “Монголын өндөрлөг” гэсэн ойлголт бий. Энэ нь Евроазид Төвдийн өндөрлөгийн дараа орох далайн төвшнөөс их өндөрт өргөгдсөн уудам газрын нэр. Өнөөгийн Монгол улсын нутаг дэвсгэр үүнд хамаарна. 1000-1500 ...
      Date2017.06.20 ByMөөг Views241
      Read More
    14. Зохиолч, нийтлэлч Б.Наминчимэд - Эзэнтэй малд чоно хаанаас халдах билээ...

      Эдийн засгийн хувьд бид нэг л мэдэхэд өмнөд хөршийнхөө бүрэн мэдэлд ороход бэлэн болчихжээ. Хятад хэмээх нь сайнаар харвал аварга том эдийн засаг, муугаар харвал аймшигт мангас... Харамсалтай нь бид түүний аварга том хэмээх давуу талыг өөрт...
      Date2017.06.19 ByMөөг Views191
      Read More
    15. Нийтлэлч: Ажиглагч - Маргаашийн Ерөнхийлөгчийн хүмүүжил

      2017 оны 6 сарын 13 [Уншсан тоо: 18977] 2017 оны Монгол Улсын Ерөнхийлөгчийн сонгуулийн хувь заяаг зөвхөн гурван нэр дэвшигчийн халз мэтгэлцээн шийднэ гэсэн хүлээлт бий болжээ. Хэнээр хөтлүүлэх гээд бөөн шалгаруулалт. Урьд нь МҮОНТ онцгой э...
      Date2017.06.16 ByMөөг Views222
      Read More
    16. Муу суралцахаар сайн хуул...

      Тэд хөгжсөөр, харин бид хоорондоо толхилдож, “муусайн” хятадууд хэмээн гоочилж, муулсаар л сууна. Энэ нь үндсэндээ “Бээжин сууж, би явж байна” гэх үгийг эсрэг байранд нь аваачиж дээ гэхээр болжээ. Одоо бол бид сууж, Бээжин явж байна. Тэгэхд...
      Date2017.06.14 ByMөөг Views325
      Read More
    17. Төвд судлаач Г. Ням-Очир: Богд хааны Улаан ордон ЭВАМГАЧИЛЛИН

      Богд гэдэг үг чухамдаа ямар үг вэ? Энэ үгийн гарлын тухай маш олон таамгууд бий. Хүн бүр л өөр өөрсдийнхөө ухсан мэдсэн сэрсэн ухаанаараа тайлбарладаг. Бугдха буюу Бурхан гэсэн уйгар үгнээс гаралтай гэж хэл шинжээчид хэлдэг. Бөгэт Богат гэс...
      Date2017.06.13 ByMөөг Views426
      Read More
    18. Амьдралыг хялбар болгох АДЛЕР зарчим

          Нийтлэгч: jbc.mn -- 5 өдрийн өмнө -- 0 сэтгэгдэл Алфред Адлер(Alfred Adler 1870 оны  2 сарын 7 нд  Австри улсын Вена хотод төрсөн. сэтгэцийн эмч, сэтгэл судлаач, нийгмийн ухуулагч мэргэжилтэй. Сэтгэл судлаын эцэг гэж нэрлэгдэх Зигмуд Ф...
      Date2017.06.13 ByMөөг Views336
      Read More
    19. Голомт банкны Гүйцэтгэх захирал Ө.Ганзориг: АЖИЛД АВАХ ЯРИЛЦЛАГЫН ШПАРГАЛКА

      Захирлууд байнга л өндөр бүтээмжтэй ажилтан хайдаг. Харамсалтай нь бодит амьдрал дээр тухайн хүн өндөр бүтээмжтэй эсэхийг нь анкет, диплом хэзээ ч нотолж чаддаггүй. Сайн сургууль төгссөн, онц сурсан, олон хэлтэй байж болох ч энэ нь бүтээмжи...
      Date2017.06.12 ByMөөг Views348
      Read More
    20. Нийтлэлч Г.Ням-Очир: Чингис хааны бурханчилсан хөрөг хийгээд тайлбар

      Монгол бахархалын өдөрт зориулав. Энэхүү хөрөг зураг нь Өндөр гэгээн Занабазарын буюу түүний шавь нарын сургууль хийцийн үед хамаарна. Өөрөөр хэлбэл XVII зууны сүүл XVIII зууны эхэн үед хамаарна. Үүнийг доорхи шинжүүдээр баталж байгаа болно...
      Date2017.06.08 ByMөөг Views472
      Read More
    Board Pagination Prev 1 2 3 4 5 6 7 8 9 10 ... 20 Next
    / 20

         Радио Нийтлэл

         SOCIAL - СОНИН ХАЧИН