Радио Нийтлэл

     SOCIAL - СОНИН ХАЧИН







  • ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх

    Байршил: Улаанбаатар, Монгол

    Одоо эрхэлж буй ажил, албан тушаал: ЦЕГ-ийн дэргэдэх Сүлд чуулгын гоцлол дуучин, уран сайхны удирдаач
    Гар утас – iPhone 7 Plus
    Компьютер – МacBook Air
    Сошиал хуудсууд: Ariunbaatar Ganbaatar, Ганбаатарын Ариунбаатар (фэйсбүүк), @g_ariunbaatar (твиттер)

    Улс үндэстнийхээ өмнө онцгой гавьяа байгуулсан алдартанд олгодог "Чингис Хаан" одонг хүртээд буй цөөхөн хүний нэг, дуурийн дуулаач Ганбаатарын Ариунбаатарыг бид "Монгол сонгодог III" тоглолтынх нь босгон дээр ярилцлагын буландаа урилаа. М.И.Глинкийн нэрэмжит олон улсын дуулаачдын уралдаан, П.И.Чайковскийн нэрэмжит олон улсын мэргэжлийн дуурийн дуулаачдын уралдаан, BBC Cardiff Singer of the World зэрэг дуурийн дуулаачдын чадал чансааг шалгадаг дэлхийн топ тэмцээнүүдэд өндөр амжилт үзүүлж байсан тэрээр ердөө 23 насандаа Монгол Улсын Гавьяат Жүжигчин болж байв. Сонгодог урлагийн сод төлөөлөгч Г.Ариунбаатар монгол дуулаачид дэлхийд гайхагддагийн учгийг тайлахаар, манай улсад сонгодог урлаг ямар өндөр түвшинд хүрснийг үзүүлэхээр "Монгол сонгодог III" тоглолтоо ирэх 11 сарын 10, 11-ний өдөр эгшиглүүлэх гэж байна. Дуу хоолойг нь сонсоод огшдог манай уншигчид тоглолтынх нь өмнө түүний ажлын арга барил, амьдралын дадал хэвшилтэй танилцвал тун сонирхолтой байх биз ээ.

    Таны ажлын онцлох арга барил юу вэ?

    Хийж буй, зорьж буй зүйлсээ жигд, тууштай барьж авдаг. Өнөөдөр нэг тэмцээнд орох гэж байж, эсвэл нэг концертод дуулах гэж байж өмнө нь өөр тийшээ сатаараад, өөр юм руу анхаарлаа хандуулахыг ойшоодоггүй. Сайн төвлөрдөг гэж хэлж болно байх.

    Ямар ч ажил дээр өөрөөсөө шалтгаалах зүйлээ тултал нь хийгээд явъя гэж хичээдэг. Бидний ажил маш олон хүний хамтын хөдөлмөрөөр босдог, олон хүний сэтгэл зүрх, хүчин зүтгэл шаардагддаг. Ямар ч зүйлийн ард нь гарчихъя, эцсийг нь үзчихье гээд л дайрна даа.

    Та хамгийн их ашигладаг, ашиглах дуртай ажлын хэрэгсэл, програм, аппликэйшнээсээ хуваалцана уу?

    Хаашаа ч явсан цүнхэндээ байнга авч явдаг "ажлын хэрэгсэл" маань миний нотууд. Ялангуяа онгоцонд, замд сүлжээгүй байхад хэвлээд бэлдчихсэн нотоо эргүүлээд, уншаад явдаг дадалтай.

    Сошиал медиаг яах аргагүй идэвхтэй ашиглаж байна. Өдөр бүрийн ажил маань хамааралтай болчихлоо. Энд тэнд явж байхдаа хүмүүстэй холбогдоно, мэдээллээ авна гээд л фэйсбүүк, твиттер, инстаграмыг хэрэглээд явж байна.

    Та ажлын өрөө, ажлын орчноо дүрсэлнэ үү?

    Цаг хэмнэх хамгийн сайн арга тань юу вэ?

    Нэг дор олон зүйлийг амжуулж болохоор ажлаа төлөвлөж цаг хэмнэдэг. Ялангуяа Улаанбаатарт нэг газраас нөгөө рүү явахад их цаг алддаг, түгжирдэг учир ойролцоо байршлуудад юм уу нэг газарт аль болох олон ажил амжуулахыг хичээдэг. Жишээ нь одоо л гэхэд тоглолтын хувцасны хэмжээ авах хүн үүдэнд ирчихсэн байж байна (инээв).

    Та хийх ажлын жагсаалтаа юун дээр, яаж хөтөлдөг вэ?

    Гар утсан дээрээ Notes ашиглаж тэмдэглэнэ. Өмнө нь тэмдэглэлийн дэвтэр ашигладаг байсан. Гэхдээ энд тэндээс гаргаж ирээд л, бал цаасаа бэлдэх гэж түвэгтэй байсан юм билээ. Одоо бол утсан дээрээ тэмдэглэлээ ч, хийх ажлаа ч, хуваариа тэмдэглээд явж байна.

    Та ямар зүйлсийг хийхдээ гаргууд вэ?

    Өөрийнхөө мэргэжил дээр хамгийн сайн, хамгийн гаргууд нь байхыг л хичээдэг. Дуурийн дуучны онцлог ч энэ. Үргэлж өөрийгөө зүлгэж, өнгөлж явах учиртай гэж боддог. Байнга бэлтгэл сургуулилалтаа хийж, тогтмол сайжирч байх учиртай. Амьдрал дээрээ бол аав ээждээ ачлалтай, үрдээ энэрэлтэй, ханьдаа халамжтай байхыг хичээж явна.

    Намайг найзууд маань, эргэн тойрныхон маань "манлайлагч" гэж хэлдэг юм. Багаасаа л найзуудаа элдэв зүйлд уриалж, зохицуулж, зангидаж явдаг байсан, одоо ч хэвээрээ байх. Найз байхын утга учрыг надад мэдрүүлдэг, ойлгуулдаг хар багын найзууд бий. Тэдэнтэйгээ олон жил хээгүй сайхан нөхөрлөж явна.

    Таны хийж буй ажлын онцлог нь юу вэ? Эерэг сайн ба хэцүү бэрхшээлтэй талууд?

    Мэргэжил бүхэн сайхан гэдэг дээ. Би бол өөрийнхөө хийж буй ажилдаа үнэнхүү дуртай, хайртай. Дуулаач хүнийхээ хувьд дуугаа дуулаад аз жаргалаа бүтээгээд явж байна. Ард түмнийхээ өгсөн итгэл, хүндэтгэлийг дааж, аль болох олон хүнийг баясгаж, эх орныхоо нэрийг дэлхийд гаргахыг эрмэлзэнэ.

    Хамгийн анх 2011 онд Глиникийн нэрэмжит олон улсын тэмцээнд түрүүлж, 23 насандаа гавьяат жүжигчин цол тэмдгээр шагнуулж байлаа. Анх сонсоод их л сандарч, одоо яана аа, цаашдаа юу хийнэ дээ гэж бодлогоширч байснаа санадаг юм. Дараа нь урлагийн бидний хувьд олимпийн наадамтай дүйцэхүйц Чайковскийн нэрэмжит уралдаанаас гран при шагналыг хүртсэн минь үнэхээр дурсгалтай мөч байлаа. Энэ наадмын 60 жилийн түүхэнд хоёрхон удаа л дуучин хүн гран приг нь хүртсэн байдаг юм. Үүний дараа би ямар ч эргэлзээгүйгээр дараагийн сорилынхоо өөдөөс явсан. BBC Cardiff Singer of The World уралдаанд амжилттай оролцсон, дэлхийн топ театруудад топ уран бүтээлүүдийг толилуулаад явж байна. Ийм сорил, шалгууруудыг давахгүй бол дуучин гэж нэрлэгдээд яах билээ. Олон мундаг багш нар, дэмжиж итгэдэг хүмүүсийнхээ урмаар тэтгэгдэж, алгадуулахдаа алгадуулж, илбүүлэхдээ илбүүлж байсны хүчинд өдий зэрэгтэй яваа гэж итгэдэг.

    Хамгийн хэцүү нь энэ сайхан нэр хүндээ дааж явах л байх. Хүн өөрөө тэр сайхан шагнал урамшуулал, олон түмний хайр хүндэтгэлийг яаж хүлээж авахаас тэр нь хамаардаг болов уу. Би бол бэлэг гэж хүлээж авдаг. Энэ сайхан хайрыг дааж явах нь нэн чухал гэдгийг ухамсарлаж байгаа.

     

    Та яг одоо юун дээр төвлөрөн ажиллаж байна вэ?

    Яг одоо "Монгол Сонгодог III" тоглолтоо хийх гээд бэлтгэл ажлаа хангаад явж байна. Хамгийн анх 2012 онд Н.Жанцанноров багштайгаа хамтран хийж байлаа. 2015 онд 2 дахь тоглолтоо хийсэн. Харин одоо 3 дахь тоглолтоо илүү өргөн цар хүрээтэй, төслийн хүрээнд зохион байгуулж байна. Тоглолтоос гадна CD гарна, ном хэвлэгдэнэ. Энэ жилийн хувьд дэлхийн сонгодог бүтээлүүдээс гадна Монголынхоо шилмэл бүтээлүүдээс дуулна гэдгээрээ онцлогтой байгаа. Бид агуу хүмүүстэй нэгэн үед амьдарч байгаагаа, сонгодог бүтээлүүдийг өдөр бүр сонсож буй гэдгээ анзаардаггүй, өөрсдийн гайхалтай бүтээлүүдээ үл тоож байгаа юм шиг сэтгэгдэл надад хааяа төрдөг юм. Үүнийг сонсогчдодоо, залуустаа, бусад дуучдадаа мэдрүүлэхийг хүсэж байна. Тоглолтын дараа харьцуулалт хийх боломж үүснэ байх. Би сүүлийн үед тоглолт, тэмцээн бүртээ монгол бүтээлийг голчлон дуулахыг зорьж байгаа. Сүүлд "Монголын тал нутаг", "Чиний минь нулимс" гээд дуунуудаа дуулсныг олон орны сонсогчид ихэд талархан хүлээж авсан. Тэд монгол бүтээлүүдийг сонссоныхоо дараа тун сонин аялгуутай, өвөрмөц сайхан байна гэж хүлээж авдаг юм.

    Энэ тоглолтоо Монгол Контентийн залуустайгаа, Сүлд чуулгынхаа уран бүтээлчидтэй хамтран хийж байгаа. Нэлээн чансаатай, арай өөр нэг уур амьсгалтай болно гэж найдаж байгаа, тийм зүйл хийхийн төлөө ч зүтгэж байна даа. Энэ төслийнхөө ард гарсныхаа дараа 2019 онд дэлхийн дуучдыг Монголдоо авчирч, монгол бүтээлүүд дуулуулж өрсөлдүүлэх тэмцээн хийхийг хүсэж байна.

    Үүний дараа олон улсаар нэлээн шахуу хуваарьтай тоглолттой байгаа. 23-нд Большой театрт тоглолттой. Энэ жилийн сүүлээр Парис, Лион, Лондон, Эдинбургын филармонид тоглолт хийхээр байна.

    Ямар төрлийн хөгжим таныг эрч хүчтэй болгодог вэ?

    Дэлхийд алдартай дуурийн дуучдаасаа үлгэр авна. Тэднийг сонсоод ингэх хэрэгтэй юм байна, юугаараа дутуу байна, юугаараа илүү байгаагаа мэдэж, судалж, бас биширч явдаг. Н.Жанцанноров, Б.Шарав, З.Хангал гээд олон сайхан зохиолчдынхоо монгол дууг сонсож тайвшрал олж авна. Хааяа сэтгэл гундаж ганцаардах үедээ, хааяа огшиж оргилох үедээ аялгуу сайхан дуунуудаа сонсох дуртай.

    Ер нь бол бүх төрлийн хөгжим сонсоно. Багадаа хип хоп хамтлагтай байлаа. Гоё аялгуу, гоё бүтээл хаа байна, бүгдийг нь хайж сонсоно. Олон хөгжим сонсох нь уран бүтээлчийг задалж, олон талаар хөгжүүлдэг юм билээ.

    Та яг одоо ямар ном/нийтлэл уншиж байна вэ?

    Аав маань арвин их номын сантай, номоос хамааралтай хүн. Гэвч би гэдэг хүн бусдын адилаар нүүр номноос л хамааралтай болж байх шиг байна. Сүүлийн үед үнэндээ ном унших цаг гаргаж чадахгүй л байна. Цаг зав гарахаар Н.Багабанди гуайн "Титэм үг"-ийг эргүүлж хардаг. Ширээний минь ном ч гэж хэлж болно. Сүүлийн үед ном уншиж толгойгоо амрааж, сэргээх хэрэгтэй болсон гэдэг дохиог бие маань өгсөн шүү (инээв).

    Та илүү нээлттэй хүн үү, эсвэл илүү дотогшоо хүн үү? Энэ нь таны ажилд хэрхэн нөлөөлдөг вэ?

    Нээлттэй байлгүй яахав. Мэдэх хүмүүс маань хэлнэ дээ, хэлэх юмаа шууд хэлчихнэ, аль болох өөрийнхөөрөө байхыг хичээдэг.

    Та хэдээс хэдэн цагийн хооронд унтдаг вэ?

    Дуурийн дуучин хүнд амралт их хэрэгтэй байдаг. Нойр миний хувьд тун чухал. Унтах дэглэмээ тогтооход юу идэхээ хүртэл тохируулж, тооцох хэрэгтэй байдаг юм билээ. Би өдөр бүр дор хаяж 6 цаг унтахыг хичээдэг. Өглөөдөө эрт сэрчихээд байдаг талдаа. Гэхдээ олон цагийн нислэгийн дараа нойр солигдож, ядрах тохиолдол гараад л байна. Гэртээ бол шууд харанхуй болдог тохируулга хийчихсэн болохоор орж ирээд л унтаж амардаг.

    Таныг ажиллаагүй үед тань хаанаас олж болох вэ?

    Багаасаа адуу мал дээр өссөн болохоор зав л гарвал хөдөө гэр рүүгээ очиж, адуу малтай ноцолдоно. Аав ээж 2 минь Төв аймгийн Өндөр суманд нутагладаг юм. 130-хан км зайтай учир хагас өдөр яваад ирэхэд сайхан сэргээд л ирнэ шүү. Манайх морь уяж, сум аймагтаа сайхан давхиулан жилийнхээ өнгө хийморийг тодорхойлдог.

    Мөн хааяа найзуудтайгаа заал авч, хөлсөө гаргана.

    Та хэнээс, юунаас урам зориг, эрч хүч олж авдаг вэ?

    Аав ээжийнхээ урмын үгс, хүндэлж биширч явдаг хүмүүсийн дэмжлэг, хамгийн ойрын найзуудынхаа итгэлээр хөглөгдөж явдаг. Тэднээсээ нэг сайхан үг сонсоод л онгироод явчихна шүү дээ. Хүн гэдэг сэтгэлийн амьтан гэдэг дээ, бүтээмж, үзүүлэлт шал өөр болчихдог.

    Тийм ч учраас би өөрөө ч бусад хүмүүст аль болох эерэг хандаж, урмаар тэтгэхийг хүсдэг. Ингэмээр байна, ингэе, тэгье гэсэн хүсэл тэмүүлэл дээр нь урам өгч, дэмжих нь зөв юм болов уу гэж боддог шүү.

    Таны амьдралдаа авч байсан хамгийн сайн зөвлөгөө юу вэ?

    Би ахлах сургуулиа төгсөөд Цагдаагийн академид орох гээд тэнцээгүй юм. Сэтгэлээр уначихсан, яахаа мэдэхгүй явж байхад минь аав ээж минь "Миний хүү дуулдаг юм чинь СУИС-д шалгалт өгөөд үзвэл яадаг юм" гэж хэлсэн юм. Өөртөө эргэлзчихсэн, итгэлгүй байх үедээ гэрийнхний хэлсэн тэр зөвлөгөөг дагасан маань зөв шийдвэр болсон.

    Хожим дуурийн дуулаачийн ангиа хаяад огт өөр ажил хийгээд явж байхдаа багын мөрөөдөл болсон цагдаагийн газартай холбогдож, Сүлд чуулгад орсноор миний 2 дахь амьдрал эхэлсэн гэж боддог. 2009 оны 4-р сарын 9-нд цагдаагийн хурандаа Л.Гаваасүрэн дарга надад итгэл хүлээлгэн чуулгадаа авч, энэ хамт олонтой нийлэх боломжийг олгосонд одоо болтол талархаж явдаг. Дуугаа ч дуулж, цагдаагийн мөрдсөө ч зүүж, хоёр мөрөөдөл хоёулаа биелэхийн ерөөлтэй байж дээ гэж боддог юм.

    Залуу мэргэжилтнүүдэд хандан хамгийн чухал зөвлөгөө өгөөч гэвэл юу гэх вэ?

    Бэлэнчлэх сэтгэлгээнээс салах хэрэгтэй л гэж хэлмээр байна. Яавал амархан мөнгөтэй болох вэ, яавал амархан нэр алдартай болох вэ гэх ахархан бодлууд л хамгийн аймшигтай асуудал байна. Ажил хийвэл ам тосдоно, эзэн хичээвэл заяа хичээнэ гэж үгс утгаараа хэрэгжихээ больсон цаг юм уу даа гэж бодогдох юм. Өөрөө хөдөлмөрлөж, өөртөө байгаа хүчээ ашиглаж, боломжоо нээхгүйгээр бусдаас хэт хамааралтай байх нь хамгийн аюултай.

    Ямар ч тэмцээн уралдаанд орохын тулд би багш нартайгаа, багтайгаа хамт жилийн турш хөдөлмөрлөдөг. Багш нар маань намайг амжилтанд хүргэхийн тулд бүх л зүйлээ зориулдаг тул тэмцээний төгсгөлд түүний хариу л ирж байгаа юм шиг санагддаг. Угаасаа үүний төлөө хөдөлмөрлөсөн болохоор, хөлс хүчээ зарцуулсан болохоор азаар түрүүлчихлээ, ёндоорчихлоо гэсэн түр зуурын сэтгэл хөдлөл огт төрж байгаагүй. Хөдөлмөрийн хариу, үнэ цэн үргэлж ирдэг юм шүү.

    Та энэ буланд хэнийг санал болгож, ажлын арга барилтай нь танилцмаар байна вэ?

    Олимпийн аварга Н.Түвшинбаярыг санал болгоё. Монгол түмнийг эвлүүлэн нэгтгэсэн, гэрэл гэгээ түгээж яваа залуусын нэг гэж, монгол хүний зориг тэвчээрийг нэг талаас нь харуулдаг үндэстний дархлаа сэргээгч, өдөөгч нь гэж түүнийг хүндэлж хайрлаж явдаг юм.

                                                                                                          Эх сурвалж: http://www.unread.today/posts/post/1234

    ?

    1. Судлаач Х.Д.Ганхуяг: МОНГОЛЫН ТАГНУУЛЫН МАНДАЛ БУУРАЛ

      Өнөөдөр Б.Хурцын асуудал монголчуудын “амны зугаа” болж байна. “Мэддэг хүн” байхгүй хэрнээ бүгдээрээ Тагнуулын байгууллагаар өвчилж, шударга ёсыг тэндээс нэхэж байна. Б.Хурцын асуудал, түүгээр дамжин сөхөгдөж буй Тагнуулын асуудал бол Монго...
      Date2017.11.17 ByMөөг Views506
      Read More
    2. Би хэрхэн ажилладаг вэ? - Монгол улсын гавьяат жүжигчин, дуурийн дуулаач Г.Ариунбаатар

      Байршил: Улаанбаатар, Монгол Одоо эрхэлж буй ажил, албан тушаал: ЦЕГ-ийн дэргэдэх Сүлд чуулгын гоцлол дуучин, уран сайхны удирдаач Гар утас – iPhone 7 Plus Компьютер – МacBook Air Сошиал хуудсууд: Ariunbaatar Ganbaatar, Ганбаатарын Ариунбаат...
      Date2017.11.08 ByMөөг Views127
      Read More
    3. Уран зохиол шинжээч Г.БАТСУУРЬ: БАС НЭГ ШҮҮДЭРЦЭЦЭГ БУЮУ ЭРЭЭЧИХ ДОН

      Жил бүр Чингисийн ч билүү, Сүхбаатарын ч билүү талбайд зохион байгуулагдах болсон номын худалдаан дээр зохиолч бүр нэг нэг даавуун сүүдрэвчин дор сууж номоо гарын үсэгтэйгээр борлуулдаг юм байна. Гэтэл зохион байгуулалтаасаа ч юм уу, эсвэл ...
      Date2017.11.06 ByMөөг Views136
      Read More
    4. Нийтлэлч Б.Цэнддоо - Овоо ба хүйс

      Сүүлийн үед өрнөсөн үйл явдлууд монгол дахь хүйсийн тэгш эрхийн талаархи нэгэн далд маргааныг хөндөж байна. Энэ юу вэ гэхээр, манай уламжлалд гүн шингэсэн зарим үйлдлүүд, нэг хэсэг нь гүн итгэлтэйгээр дагадаг, нөгөө хэсэг нь нүд үзүүрлэгдэх...
      Date2017.11.03 ByMөөг Views199
      Read More
    5. Бүх цагийн үеийн 100 шилдэг бизнесийн номын нэг - "Сэтгэх урлаг" номын тухай

      Бид өнгөрсөн долоо хоногийн "Би хэрхэн ажилладаг вэ?" ярилцлагадаа Шведийн илтгэгч, зохиогч Фредрик Харенийг урьж ярилцсан билээ. Бүтээлч байдал сэдвээр дэлхийн улсуудаар тойрон илтгэл тавьж, ном бичихийн зэрэгцээ хувийн арал дээрээ шинийг ...
      Date2017.10.31 ByMөөг Views202
      Read More
    6. Нийтлэлч Н.Батболд: ...“Худал хуурмагийн шидтэн” хэмээх бодит амьдралаас сэдэвлэсэн кино...

      Найруулагч Барри Левинсон болон HBO-ийн бүтээл “Худал хуурмагийн шидтэн” хэмээх бодит амьдралаас сэдэвлэсэн кино 2017 оны 5-р сарын 20 нд нээлтээ хийв. Киноны гол дүрд Роберт Де Ниро Мишель Пфайффер нар тоглосон нь энэ хоёр алдарт жүжигчний ...
      Date2017.10.28 ByMөөг Views193
      Read More
    7. Нийтлэлч ТОМё БОДё - Эерэг хүндрэл: Үнэндээ бол зөв хариулах магадлалыг хялбархан ихэсгэдэг нэг арга бий.

        Ийм нэг алдартай оюуны тест байна. Асуулт1: Бөмбөг цохиур хоёрын үнэ нийлээд 1 доллар 10 цент. Цохиур бөмбөгөөс 1 доллараар үнэтэй бол бөмбөг ямар үнэтэй вэ? A bat and a ball cost $1.10 in total. The bat costs $1.00 more than the ball. Ho...
      Date2017.10.26 ByMөөг Views187
      Read More
    8. Хөлбөмбөг тайлбарлагч, нийтлэлч Батзаяа: Дасгалжуулагчийн цар хүрээ

      Эхлэл   Спортын салбарт боловсрол, шинжлэх ухаан ноёлох болж тоглогчоос илүүтэй дасгалжуулагч хамгийн чухал, ховрын бараа болж байна. 1930 оны үед очвол дасгалжуулагч бэлэгдэл төдий ихэнхдээ тоглогчдоосоо нас залуу байх нь элбэг. Ахмад тами...
      Date2017.10.25 ByMөөг Views202
      Read More
    9. Нийтлэлч Батбаяр: "Хуурнин шуугигчид" - Цаазлах ч багадна гэж үзсэн зарим хүний бодож олсон шийтгэлийг төсөөлөөд өөрийг нь ч бас цаазлагдах хүмүүсийн жагсаалтад оруулмаар санагдав

      Бидэнд шинэ сэдэв гарч ирлээ. Шуугилдаж гарав. Таван настай охиныг хойт эцэг нь хүчиндчихэж гэнэ. Нийгмийн сүлжээнд хаягтай болгон нэр нүүрээ нуусан, нуугаагүй байр сууриа илэрхийлжээ. Бидний дийлэнх хойт эцгийг, ер нь хүүхэд хүчиндэгчийг, ...
      Date2017.10.18 ByMөөг Views322
      Read More
    10. АНУ-ын иргэн, Монголын түүхч, Профессор Алишиа Кампи: МОНГОЛ Улсын өнөөг хүртэл оршин тогтносоор байгаагийн НУУЦ нь юу гээч...

        АНУ-ын иргэн, Монголын түүхч, Профессор Алишиа Кампитай ярилцлаа. Тэрээр монголын түүхийг оюутан байхаасаа эхлэн судалжээ. "Та яагаад хоёр том гүрний дунд орших жижигхэн Монголыг минь судлахад хамаг амьдралаа зориулсан юм бэ" гэж асуухад:...
      Date2017.10.12 ByMөөг Views819
      Read More
    11. Сургуулиасаа хөөгдсөн хятад оюутанд бичсэн америк профессорын захидал...

      Хятадын Шандуны Их сургуулийн докторант Э.Хулангийн орчуулсан нэгэн нийтлэлийг хүргэж байна.    Энэ нийтлэл нь Хятадын цахим орчинд маш их уншигдаж байгаа бөгөөд төгсөлтийн дараах сургалтын явцад тохиолддог асуудлыг бичсэн бөгөөд боловсрол,...
      Date2017.10.11 ByMөөг Views702
      Read More
    12. Нийтлэлч Б.Цэнддоо - Бахархал vs ялархал

      Авснаасаа эсэн юм болдог тус гэж бий. Чамайг гал, уснаас аварсан хүн эхэн үедээ амьд бурхан мэт санагдана. Ер нь үхсэн бурхан гэсэн ойлголт байхгүй болохоор амьд бурхан гэдэг бас жаахан учир дутагдалтай хэллэг л дээ. Бодвол, амьгүй зураг хө...
      Date2017.10.10 ByMөөг Views402
      Read More
    13. “ПИГИЙН АМЬДРАЛ” романаас онцлох философийн 10 санаа

        Канадын зохиолч Янн Мартелын “Пигийн амьдрал” романыг дэлгэцийн бүтээл болсноос хойш ихэнх уншигчид Бенгалийн бар, энэтхэг хүү хоёрын талаарх адал явдалт зохиол төдийхнөөр төсөөлөх болсон. Угтаа эл роман байгаль, шашин, хүний амьдралын та...
      Date2017.09.27 Bymglradio1021news Views702
      Read More
    14. “Мөнхийн Канцлер”-ийн тухай бидний мэдэхгүй баримтууд

      ХБНГУ-ын Бундестагийн сонгуульд ялалт байгуулж 4 дэх удаагаа Германы Канцлераар сонгогдож буй Ангела Меркель хатагтайн улс төрийн замнал, үзэл баримтлалынх нь тухай мэдээлэл олон. Физикч мэргэжлээ улс төрөөр сольж, намынхаа анхны шинэчлэгч,...
      Date2017.09.26 Bymglradio1021news Views685
      Read More
    15. Ирээдүйн ХҮЧИРХИЙЛЭГЧИЙГ таних 8 ШИНЖ

        “Хөөрхөн зүрхнүүд” ТББ-ын тэргүүн, сэтгэлзүйч А.Хонгорзул ирээдүйн хүчирхийлэгчийг таних найман шинжийг нэрлэлээ.  Тэрбээр, "Хүнд хүчирхийлэл үйлдэж болзошгүй гэсэн хэд хэдэн шинж тэмдгүүд байдаг. Олон жилийн туршилтын үр дүнд судлаачид т...
      Date2017.09.25 Bymglradio1021news Views611
      Read More
    16. Би хэрхэн ажилладаг вэ? - Монгол ТВ-ийн гүйцэтгэх захирал Ч.НОМИН

      Бид өнгөрөгч 3-р сарын 21-нд Зориг сантай хамтран эмэгтэйчүүдийн манлайллын сэдвээр арга хэмжээ зохион байгуулж, “Би хэрхэн ажилладаг вэ?” ярилцлагадаа Mongol TV-ийн гүйцэтгэх захирал Ч.Номинг урьсан юм. Тэрээр Их Британи улсад эдийн засгий...
      Date2017.09.20 Bymglradio1021news Views654
      Read More
    17. Ардын хувьсгалын анхны долоон удирдагчийн нэг Дарьзавын Лосолын хүү Д.Өлзийхишиг: БИ ЧИЙДЭН ХОРООНД АМЬДАРДАГ БАЙЛАА

      Ардын хувьсгалын анхны долоон удирдагчийн нэг Дарьзавын Лосолын хүү Д.Өлзийхишиг өдгөө 81 нас сүүдэр зооглож явна. Монгол улсын гавьяат барилгачин, архитектор эл хүндтэй буурайг сэтгүүлийнхээ хойморт урилаа. Тэрбээр Улаанбаатарын унаган хүүх...
      Date2017.09.18 Bymglradio1021news Views688
      Read More
    18. Амжилтын нууц 2: Дотоод сургалт

      Компаниуд ажилтнуудаа сургаж хөгжүүлэхэд байнга анхаардаг. Харамсалтай нь олон тохиолдолд дотоод сургалтууд ХЭЛБЭР болж хувирдаг. Багш нь заах аядаж, хүний нөөц нь зохион байгуулах аядаж, ажилтнууд нь оролцох аяддаг. Өнөөдөр би Голомтбанкин...
      Date2017.09.18 Bymglradio1021news Views309
      Read More
    19. Амжилтын нууц 1: Төгсгөл

        Дэлхийн тавдах том цаас үйлдвэрлэгч Stora Enso 1280 онд байгуулагдсан. Эднийх дэлхийн хамгийн хөгшин компани гэж зүй ёсоор тооцогдоно. Тэгвэл барилгын Kongo Gumi компани анх 578 онд байгуулагдсан. Гэхдээ эднийх ихэнх хугацаандаа гэр бүлийн...
      Date2017.09.18 Bymglradio1021news Views335
      Read More
    20. Мэдүүштэй: Бүтээмжээ нэмэгдүүлье гэвэл энэ 7 зүйлийг хийхээ боль

      Завгүй байх, бүтээмжтэй байх хоёрын хооронд том ялгаа бий. Завгүй байна гэдэг нь бүтээмжтэй байна гэсэн үг биш. Харин бүтээмжтэй байна гэдэг нь цагийн менежмент гэхээсээ энергиэ удирдах тухай асуудал юм. Тэгэхээр бид хэрхэн бага энерги зарц...
      Date2017.09.15 Bymglradio1021news Views348
      Read More
    Board Pagination Prev 1 2 3 4 5 6 7 8 9 10 ... 20 Next
    / 20

         Радио Нийтлэл

         SOCIAL - СОНИН ХАЧИН