Радио Нийтлэл

     SOCIAL - СОНИН ХАЧИН







  • Уншсан 8313 vote 0 Коммент 0
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх

    Тэр өдөртөө л тавилгатайгаа, урд нь кофе, пивоны газар байсан, подволын өрөөг түрээслэж аваад, тэд нар долоон хоногийн дараа, "Инээмсэглэл" гэдэг Монгол хоолны газрыг, Юнг ин хотод анх удаагаа ажиллуулсан.

    Би Санаад хэдий найзууд ч гэсэн, цалин мөнгөө сайн тохироорой! Сүүлдээ хүмүүс мөнгөн дээрээсээ тангараг тасардаг шүү гэж анхааруулсан.

    Санаа цалин гэж авахгүй. Орлогоо хувааж авахаар тохирсон л гэж хэлсэн. Байгууллагдаад хоёр сарын дараагаас Санаа найзтайгаа мөнгөн дээрээсээ болоод, муудаад, найз Баасан нь хоолныхоо газрыг ганцаараа ажиллуулж үлдсэн.

    Цээмаагийн хүү Монголоос ирээд, хэл мэдэхгүй, ажил олдохгүй болохоор нь би өөрийнхөө ажиллаж байсан, ресторандаа байртай, хоолтой, сарын 900.000 воны цалинтайгаар ажилд оруулсан.

    Би 2007 оны гуравдугаар сараас Юнг ин хотод байр хөлслөн, ажил олгогчоос ажилд гарах болсон. Өдрийн 70.000 воноор ажилд гараад, ажил олгогчдоо 10%-иа өгдөг.

    Цагаан сар, ургацын баяр, зун бороотой, ажил олдохгүй өдөр, хурдны замын хоолны газруудад, аяга, тавга угаах, цаг урттай, эмэгтэй хүний ажил өдрийн 50.000 воноор хийдэг байсан.

    Ер нь ийм ажилд, Монгол эрчүүд их явдаг байсан. Цаад газрууд нь ч бас дуртай хүлээн авдаг байлаа.

    Энэ үед Монголд надтай Радио Телeвизийн Дамжуулах станцад хамт ажиллаж байсан, инженер Төр над руу утасдаад, 12 сард дүүгийнхээ урилгаар, Монголоос ирээд, Сөүлд цэцэгний үйлдвэрт, цаг наргүй, ажиллаад хэцүү байна.

    Туслах арга байна уу? Наашаа ирэх үед хамт ажиллаж байсан инженер Сийлэг, очоод хэрэг болж магадгүй гээд чиний утсыг өгсөн гэж ярьсан.

    Би Юнг ин хотод байр хөлслөөд, арбайт хийж байгаа. Энд ирээд надтай хамт арбайтанд гар! гэж хэлсэн. Тэгээд Төр ирээд, манайд байрлан надтай хамт арбайт хийсэн.

    Юнг ин хотоос арбайтанд гарах үедээ би нэг удаа оршуулгын газар ажилласан. Солонгосчууд дээр үед ямарч хөшөө босгоогүй, овоолсон шороо бүхий Өвөг, дээдсийнхээ газарт, одоо мөнгөтэй болсон нь Хятад улсаас оруулж ирсэн, гантиг чулуугаар, Бунхан, хөшөө босгож эхэлж байгаа юм байна.

    Худалдаж авсан газрынхаа дээрээс нь эхлэн Өвөгийнхөө, тэгээд үе үеэрээ доошлуулан, Бунханаа байрлуулж, орчин тойрныг нь тохижуулан, үер уснаас хамгаалж, далан босгон, таримал зүлгээр хучдаг.

    Тэр Бунханыг сэргээх ажлыг, гартаа тэмдэглэлийн дэвтэр барьсан, 90 орчим насны өвгөн зааварлаж, үе үе нөгөө дэвтрээ хараад л...газар ухагчаар, Өвөгийнхөө газрыг ухуулсан.

    Тэнд нэг хүн байгаа гэсэн чинь хоёр хүний шарил гарч ирсэн. Нэг нь эмэгтэй хүн бололтой. Хүний гавал, чөмөгний яс нь хэвээрээ, нуруу, сээрний зөөлөн яснууд нь бутарсан байдаг юм билээ.

    Мөн эмэгтэй хүний үс нь үс гэж танигдахгүй. Аалзны шүлс шиг харагдаж байсан. Түүгээр нь би эмэгтэй хүн гэж ойлгосон. Тэд нар ч бас тэгж үзэж байгаа санагдсан.

    Тэр өвгөн хэн гэдгийг нь мэдэхгүй. Тэмдэглэлийн дэвтрээ хараад байгааг бодоход, 200-дээш жилийн өмнөх байх. 20 см өргөнтэй, 120 см урттай, банзан дээр нөгөө хоёр шарилынхаа ясыг тус тусд нь цуглуулж, тавиад цаасаар ороон, эрэгтэйд нь хөх, эмэгтэйд нь улаан өнгийн даавуу хавчуулж, ил байлгаж байгаад, газраа янзлаад, дахин оршуулсан.

    Энэ бүгдийг хоёр халамцуу Солонгос гүйцэтгэж, би хараад л зогсож байсан. Яс барьж, ёслол үйлдэж буй хоёр хүн байсхийгээд л энд мөнгө хавчуул! гээд захиалагчаас мөнгө нэхэх юм билээ.

    Захиалагч эхлээд 5.000, 10.000 вон өгч байснаа сүүлдээ мөнгөгүй болоод, 1.000 вон өгөхөд, нөгөө хоёр хүн их уурлаж байсан.

    Захиалагчаас авсан тэр мөнгөнүүдээ ажил дууссаны дараа нөгөө хоёр согтуу хуваагаад кармаалсан.

    Тийм ажил хийдэг хүмүүс нь Мөнхийн согтуу байдаг юм билээ. Тэд нар өглөө ажилдаа ирэхдээ л согтуу, амрах болгондоо архи ууна.

    Би чулуун бунхан хийх ажилд л тусалдаг. Бусад үед нь хараад л зогсож байдаг. Долдугаар сард Төр надтай хамт арбайт хийж байснаа, гурав хоногийн дараа манай эхнэр Солонгос улсад ирнэ! гэж гэнэт хэлдэг юм байна. Ер нь Төр хүнд юмаа хэлээд байдаггүй. Нууц зантайг нь би мэдэх боловч тэр үед их цочирдсон.

    Бид хоёр хэд хоног байр хайгаад, хоёрдугаар давхарт Төр эхнэртэйгээ, доод давхарт нь Цээмаа, Цээмаагийн хүү,  бид гурав, Төрийн өөдөөс харсан өрөөнд, Цээмаагийн эгчийнх нь охин орсон. Ингээд бид бөөнөөрөө нэг доороо амьдарцгаасан.

    Би арбайт хийж байхдаа, элс, цемент хоёрыг сайн хольж сурсан. Би сардаа нэг удаа нуруундаа зүү тавиулж, физик эмчилгээ хийлгэдэг байсан юм.

    Тэгээд гайгүй юм шиг байхаар нь нэг сар нуруундаа тариа хийлгээгүй өнжсөн. Нэг өдөр ажил хийж байгаад, нуруундаа юм оруулаад, 14 хоног яг хүний гарт орсон.

    Босож зогсож чадахгүй. Тэгээд гэртээ 21 хоног хэвтсэн. Энэ хоорондоо нөгөө нурууныхаа эмнэлэгт очин эмчилгээ хийлгэж байсан. Тэр үед Цээмаа, хүүтэйгээ надад их тус болж байлаа.

    Цээмаагийн хүү намайг үрээд, эмнэлэг явдаг байсан. Хүү маань над дээр ирээд, миний ямар байгааг нүдээрээ хараад, тэр хоёрт их баярлалаа гэж хэлэхэд нь би миний хүү овоодоо гэж дотроо баярлаж байлаа. 

    Тэгээд нуруу арай гайгүй болохоор нь ажилд гарсан чинь машинаар яваад, очоод буух, суух, ажил хийж байхдаа тонгойх, юм зөөх гээд тэр өдөр ёстой үгээ хэлсэн.

    Аргагүй мөнгө хэрэгтэй тулдаа л хичээсээр ажлаа хийж дуусгасан. Өөр үед бол хөдлөхөд ч бэрх...Асарч туслаж байсан хүмүүс л мэдэхээс, энд үгээр яаж ч илэрхийлээд, хүн ойлгохгүй!

    Хүмүүс бол биеэ бодохгүй, мөнгөний хойноос явж байгаа юм хохь! нь гэх биз дээ. Ингэж 14 хоног ажил хийж байж бие арай гайгүй болсон.

    Түүнээс хойш сар бүр нуруу өвдсөн өвдөөгүй,  тариа, физик эмчилгээгээ тогтмол хийлгэдэг болсон. Юнг ин хотод одоо гурван Монгол хоолны газар үйл ажиллагаа явуулж байна.

    Би архи, пиво сайн ууж  чаддаггүй болохоор тэр болгон, хоолны газруудаар яваад байдаггүй. Гэртээ ч хүн амьтан цуглуулдаггүй. Хүмүүс ч тэр ямар юм уух биш гээд ирдэггүй юм.

    Би ажлаа тарж яваад, гудамжинд танидаг хоёр хүүхэнтэй тааралдаад, хамт явж байтал, нэг нь манайд очьё! гэтэл нөгөөх нь Эркагийнд хүн ордоггүй шүү дээ гэж миний нүүрийг улайлгаж билээ.

    11 сараас арбайтын өдрийн хөлс 80.000 болж, 10.000 воноор өссөн. 12 сарын 1-нээс хүйтрээд ажил олдохгүй, арбайт яг зогсдог юм. 

                               Үргэлжлэл бий

    ?

    1. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-30

      ...ЗАЛУУ Ч ХҮН ХӨГШИН Ч ХҮН ХҮН БОЛ ХҮН...Д.ДАРЖАА   2009 оны 11 сард эхнэр маань Солонгост ирсэн. Тэр үед би Юнг ин хотод амьдарч байлаа. Эхнэр Чонг жү хотод, хүүгийндээ байрласан юм. Би долоон хоногийн таван өдөр Канг дунг хөргөгчинд ажилл...
      Date2016.06.04 ByӨвөө Views11028
      Read More
    2. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-29

      Би бас нэг удаа оршуулгын газарт очиж ажилласан юм. Ямар ажилд явж байгаагаа бид нар мэддэггүй. Солонгос хүн гаднаас орж ирэхэд, ажил олгогч нэр дуудаад л тэр хүнээ дагаж очтолоо юу хийхээ мэдэхгүй тохиолдол их... Тухайн үедээ ажилд гарч л б...
      Date2016.06.04 ByӨвөө Views8231
      Read More
    3. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-28

      Юнг ин хотод Гадаад ажилчдын эрхийг хамгаалах төв үйл ажиллагаагаа явуулдаг юм. Энэ төвд цалин, мөнгөө авч чадаагүй, эрх нь зөрчигдсөн гадаад хүмүүс их ханддаг байсан. Би хааяа Монголчууддаа тусалж, заримд нь хэлмэрч хийж өгдөг байлаа. Тэгж ...
      Date2016.06.04 ByӨвөө Views8609
      Read More
    4. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-27

      Би Монголд Радио Телевизийн Дамжуулах станцад хамт ажиллаж байсан Базарыг Солонгост миний дараа ирсэн гэж, Сийлэгээс сонссон цагаасаа эхлээд, таньж, мэдэх хүн байвал сурдаг байлаа. Мөн Мглрадио.комын "Эрэл сурал" буланд түүнийг хайсан зар хү...
      Date2016.06.04 ByӨвөө Views8208
      Read More
    5. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-26

      Зоригт 20 гаруй настай залуу тул түүний гарын хурдыг зүйрлэн хэлэх үг надад олдохгүй байна... Бид хоёр тэр контейнерийг 07.30-09.30 цаг хүртэл хоёр цагт буулгасан юм. Монгол, Солонгос хүн бүр л бид хоёрыг магтаад л... Дараагийн контейнер орж...
      Date2016.06.04 ByӨвөө Views7803
      Read More
    6. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-25

      Би 2008 оны 11 сараас Кёнги аймгийн Юнг ин хотын Ги хун дүүргийн Шин гал хороонд байрлах, Канг дунг-1, Канг дунг-2 гэсэн, нэг эзэнтэй, хоорондоо ойрхон хөргөгчинд, Даваа-Баасан гаригт долоон хоногийн таван өдөр арбайтаар байнга ажиллахаар бо...
      Date2016.06.04 ByӨвөө Views14291
      Read More
    7. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-24

      Гэхдээ би нэг Солонгостой, бага оврын хөргөгчний хавтан хийдэг, үйлдвэрийн техникийн шинэчлэлийг бүтэн өвөлжин хийсэн.  Хоолны газруудын гадаа байх, хөргөгчийг захиалгаар хийж, угсардаг үйлдвэр юм билээ. Хуучин таван метр урттай, хийдэг байс...
      Date2016.06.03 ByӨвөө Views7831
      Read More
    8. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-23

      Тэр өдөртөө л тавилгатайгаа, урд нь кофе, пивоны газар байсан, подволын өрөөг түрээслэж аваад, тэд нар долоон хоногийн дараа, "Инээмсэглэл" гэдэг Монгол хоолны газрыг, Юнг ин хотод анх удаагаа ажиллуулсан. Би Санаад хэдий найзууд ч гэсэн, ца...
      Date2016.06.03 ByӨвөө Views8313
      Read More
    9. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-22

        ...ХҮСЭЛ МӨРӨӨДӨЛ БИЕЛЭХИЙН ЦАГТ ГАЛ ГОЛОМТ БАДАРНА...Д.Намдаг         Долдугаар сард манай эхнэр хүүгийнхээ урилгаар анх удаа Солонгос улсад ирсэн. Бид хоёр хэрэлдэж, салснаас хойш таван жилийн дараа уулзаж байгаа юм. Би тэр үед “Хус модо...
      Date2016.06.03 ByӨвөө Views8404
      Read More
    10. No Image

      АВТО МАШИНЫ ЯВАХ ЭД АНГИЙН АНГЛИ-МОНГОЛ НЭРШИЛ

        / Автомашины нэвтэрхий толь / ЯВАХ ЭД АНГИЙН АНГЛИ-МОНГОЛ НЭРШИЛ Автомашины сэлбэг хэрэгслийг хайх, түүнтэй холбоотой мэдээ материалыг гадаад хэлнээс хайхад англи хэлний нэршлийн асуудал гарч ирдэг. Энэ байдалд туслах үүднээс доорх англи-...
      Date2016.06.03 ByOLNO_DO Views9582
      Read More
    Board Pagination Prev 1 ... 35 36 37 38 39 40 41 42 43 44 ... 64 Next
    / 64

         Радио Нийтлэл

         SOCIAL - СОНИН ХАЧИН