Радио Нийтлэл

     SOCIAL - СОНИН ХАЧИН







  • Уншсан 8700 vote 0 Коммент 0
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх

       2010 оны 3 сарын 23-нд бэр маань төрж, би ач хүүтэй болсноор энэ цагаас хойш Өвөө гэж дуудагдах боллоо. Би анх ач хүүгээ үзэхээр, хүүгийндээ очихдоо бэрдээ Сагстай цэцэгтэй очсон юм.

       Би амьдралдаа анх удаа л эмэгтэй хүнд цэцэг бэлэглэж байгаа нь энэ. Үүнээс хойш надад зав л гарвал, би хүүгийнх рүүгээ явдаг ажилтай болсон. Ажилтай үедээ очиж чадахгүй бол сардаа нэг удаа заавал очдог байлаа. 10 сард эхнэр маань Солонгос улсад ирж, ач хүүтэйгээ анх удаа нүүр учран уулзлаа.

       Тэр үед би бас л Юнг ин хотод, нөгөө муу байрандаа амьдарч байсан. Тэгээд 11 сараас эхнэрийн эгчийнх хүүхдүүд гэр бүлээрээ амьдарч буй Чон ан хотод, 2.000.000 воны барьцаатай, сарын 280.000 воны хөлстэй, гурван давхар байрны дээд давхрын нэг өрөө байранд нүүж орлоо.

       Юнг ин хотод миний амьдарч байсан байрны дэргэд Диваажин... Дотроо жорлонтой, түүндээ усанд ордог. Нарийнхан боловч балконтой. Түүн дээрээ хөргөгч, угаалгын машинаа гаргасан. Эхнэр хүүгийнхээсээ манайд ирсэн тул дэлгүүрээс ор худалдаж авсан. Цэцэглэж болно л доо...

       Бид хоёр өөрсдөө хэрэглэх, ач маань ирээд, орон дээр маань хэвтэх учраас хүний хуучин юмаар юу хийх үү гэж бодсон юм. Би дүүгийнхээ хаясан компьюторыг авчраад, гэртээ интернет, кабелийн телевиз, утас тавиулсан.

       Ингэж би орчин үеийн хүн болон өөрчлөгдсөн. Энэ үеэс интернэтээр Монгол радио явдаг гэдгийг мэдэж, байнга сонсч, чатанд нь орж, дэлхийгээр тархсан Монголчуудтайгаа танилцсан даа...

       Манай гэр метроны Пум ан буудалд ойрхон. Метроны буудлын цаана, эхнэрийн хамаатнууд амьдардаг. Чон ан хот Юнг ин хотыг бодвол, манай хүүгийн амьдардаг Чонг жү хоттой ойрхон. Автобус элбэг зардал нь хямдхан.

       Эхнэр маань гэрээсээ ганцаараа хүүгийнх рүүгээ явж, ирээд чадаад байдаг юм. Мөн метрогоор Сөүл дэх найз дээрээ очоод, арбайт хийгээд, ирээд байдаг нь сайшаалтай.

       Хэл, газраа мэдэхгүй хүн анх Солонгос улсад ирэхээрээ яг Нялх хүүхэд шиг гадуур дагуулж явах, унаанд суулгах, тосч авах гээд ажлын хажуугаар их хэцүү. Хамгийн гол нь миний ажил цагтаа тарахгүй юм уу, оройтох гээд надаас шалтгаалахгүй юм их гарна.

       Тэр болгоныг ойлгохгүй. Монголоос дөнгөж ирээд, олон цагаар гэнэт ажиллахаараа хүмүүс их бухимддаг юм билээ. Би гэрийнхээ ойрхон ажил олгогч газар өглөө бүр байнга эрт очоод, тэр болгон ажилд гарч чадахгүй.

       Хааяа хааяа Jonhson Kontrols гэдэг авто машины суудал хийдэг үйлдвэрт гардаг байлаа. Тэр үйлдвэр өдөр, оройн ээлжтэй. Өдөртөө л манай ажил олгогчоос 50-иад хүн авдаг юм билээ. Гэхдээ гадаадын хүмүүсийг авдаггүй.

       Дандаа Солонгосчуудыг тийшээ явуулдаг. Өдрийн ээлж нь 08-20.00 хүртэл ажилладаг. Өдрийн ээлжинд явах хүн дутаад, ажил олгогч нэг удаа намайг явах уу гэхэд би уухайн тас зөвшөөрсөн.

       Эзэн цаад үйлдвэрийнхэнтэйгээ яриад, Солонгос хэл мэддэг Монгол хүн байна. Солонгос хүний нэр дээр явуулна гэж тохироод, надад Солонгос хүний нэр хэлж өгөөд, баахан хүнтэй хамт аваад явсан.

       Тэр үйлдвэр машины суудлаа Америк, Канад, дотооддоо, Европын захиалгаар үйлдвэрлэдэг юм билээ. Намайг анх очиход, суудлын төмөр бүрээсийг суурин машин дээр тавьж, өгөх ажлыг хийлгэсэн.

       Тэрнээс эхлээд л, шат дамжлагаар явсаар, машинд угсрахад бэлэн эцсийн бүтээгдэхүүн болон гардаг юм. Орой ажил тарсны дараа, эзэн бүх хүнээ автобусанд суусан хойно, хүн бүрт 78.000 вон тарааж өгөөд, маргааш өглөө ажилд гарахгүй хүн байна уу? гэж асуудаг байсан.

       Намайг тэр үйлдвэрт хэд хоног ажилласны дараа нэг өдөр арбайтаар хамт очсон Солонгос бид хоёрыг дамжлагын эцсийн шат болох, суудал шалгах хэсэг дээр ажиллуулсан. Анх удаагаа хийж байгаа болохоор, тэнд ажиллаж байгаа Солонгос ажилчин надад Америк, Канад, дотоодод, Европт гаргаж буй машины суудлуудыг яаж шалгах, тухай зааж өгсөн.

       Стандартууд нь өөр өөр учраас шалгах төхөөрөмжөө зөв ажилллуулах л хэрэгтэй юм билээ. Арбайтаар хамт ирсэн Солонгос бид хоёр өөр өөр дамжлага дээр  өөд өөдөөсөө харж зогсон ажилласан. Би ажилдаа улайраад анзаараагүй. Үдийн хоолны үеэр харахад, нөгөө Солонгосыг маань өөр дамжлага руу явуулсан байсан.

       Би машин барьж чаддаггүй болохоор машины маркаас өөр мэдэх юм надад байхгүй. Сүүлийн үеийн суудлын машинуудын суудал нь автоматаар нааш, цаашаа болдог юм билээ. Би тэр бүх автомат ажиллагааг ажиллаж байгаа эсэхийг нь шалгадаг юм.

       Америк, Канад, дотооддоо гаргаж буй суудлаас, Европт гаргаж байгаа суудал нь жолооч хамгаалалтын бүсээ хийсэн тохилдолд, жолоочийн нуруу, суудлын хоорондох зайг автоматаар багасгаж өгдгөөрөө илүү юм билээ. Би орой ажлаасаа ирээд, дүү нартаа Европ машин чинь л машин юм байна. Би энэ үйлдвэрт ажилласнаасаа хойш сайн ойлголоо, гэсэн чинь дүү нар маань намайг шоолцгоогоод байж билээ. Түүнээс хойш намайг тэр үйлдвэрт очих болгонд шалгалтын хэсэгт ажиллуулдаг болсон.

       Хүү 2.5 жилээр Магистрын зэрэг горилж, суралцах ёстой байсан боловч, Олон улсын семинарт илтгэл нь түрүүлж, АНУ-ын Сан франциско хотын Дээд сургуульд очиж, илтгэлээ тавих хүсэлтийг хүлээн аваад бөөн баяр...

       Мөн багш нь хоёр жилээр Магистраа төгсөөд, энэ сэдвээрээ сургуульдаа Докторантурт үргэлжлүүлэн суралц! гэсэн баярт мэдээг эхнэр бид хоёр хамтдаа сонссон нь хамгийн аз хиймортой мөч байлаа. Аав, ээж хоёр нь хүүгээрээ бахархаж... хүн болгонд энэ баярт мэдээг дуулгамаар ч юм шиг... нэг хэсэгтээ л агаарт жингүүдэж явлаа даа...

       Гэхдээ хүүд маань Солонгос улс дахь АНУ-ын элчин сайдын яамнаас: - Та Солонгос улсад Их сургууль төгсөөд, Магистрын цолоо хамгаалсан тул АНУ-д үлдэх боломжтой, гэсэн шалтгаанаар виз олгоогүй юм. Үүнд хүү жаахан сэтгэл дундуур харагдсан. Би хүүдээ хичээл, номоо сайн хийвэл АНУ-аас дахиад урина аа! гэж сэтгэлийг нь засаж хэлсэн.

       Энэ жилийн цагаан сар эхнэрийг маань байгаад, таарсан тул бид халуун ам бүлээрээ гадаадад анх удаа тэмдэглэн өнгөрүүлсэн юм. Эхнэрийн хамаатнууд олон тул энэ жилийн цагаан сар Монголд тэмдэглэдгээс дутахааргүй өргөн болсон.

       Эхнэр бид хоёрын хооронд хэрүүл бас тасраагүй... эхнэр нилээн ууртай, надтай дуугаралгүй... хялалзсаар... нутаг буцсан. Үүнд миний буруу байгаа боловч бүхнийг надад үүрүүлэх учир дутагдалтай баймаар юм даа...

       Би эхнэрийнхээ хамаатан Жаргал, түүний найз Ганаа, Чинбаа, миний найз Төр, Канг дунг-2 хөргөгчинд ажиллаж байсан Даваа нартай хамт FC KOREALAND гэдэг замын компанид ажиллах болсон. Анх Жаргал, Ганаа, Чинбаа нар тэнд ажилд ороод, намайг дуудаж, бид бригад байгуулан ажиллах болсон юм.

       Бригад маань 12 хүний бүрэлдэхүүнтэй. Зуурах хэсэгт -2 хүн, зуурмаг таарахад -2 хүн, 1-3 тонны зам индүүгч барих -1 хүн, тараасан зуурмагийг тэгшлэгч ба анжис барих -1 хүн, төгсгөл хийх -2 хүн, зуурмаг зөөх самосмалын жолооч, “Муур” /KAT гэсэн бага оврын бульдозер/ -ын жолооч, бригадын ахлагч гэсэн бүрэлдэхүүнтэйгээр ажилладаг юм.

       Би эхлээд зуурмаг тараах хэсэгт ажиллаж байгаад, зуурах хэсэгт очсон юм. Тэнд зуурагч, түүний туслах гэсэн хоёр хүн ажилладаг. 380 вольтоор ажилладаг зуурмаг зуурах, хоёр метр диаметртэй, 60 см өндөртэй гурван машин байдаг.

       Зуурагч: Зуурах гурван машинд Муураар элс хутган хийхэд, хажуудаа байгаа туслагчийнхаа савлаж өгсөн, хувинтай цементийг элсэн дээрээ хийж, элс, цементээ сайн холилдсоны дараа, улаан өнгө оруулагч нунтаг Оохорыг хийж, мөн холилдсоны эцэст, усаа тааруулж зуурах үүрэгтэй.

       Туслагч нь: Нэг тонны шуудайнд савлагдсан цементийг 6-9 ширхэг хувинд савлаж өгнө. Том шуудайнаас хүрзээр цемент хутган, хувин руу хийхэд, хүрзээ жаахан хий оруулж барихгүй бол цемент хүрзийг хөхөөд хөдөлгөдөггүй юм. Мөн зуурмаг бэлэн болоход, бууж зуурмагийн машины амыг нээж, хаах үүрэгтэй.

       Би доошоо гоожиж буй зуурмагийг хэр зэрэг өтгөн зуурч вэ гэдгийг нь гараараа базаж үздэг байсан юм. Энэ хэсэг байнгын шороо, тоос, цементтэй холилддог тул хүмүүс ажиллах дургүй байдаг юм. Мөн байнгын амны масктай ажилладаг тул зуны бөгчим халуунд их хэцүү...       Үргэлжлэл бий

    ?

    1. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-39

         Мөн Солонгос эрчүүдтэй суусан, эмэгтэйчүүд гэж, Эмзэг бүлгийнхэн байна аа...    Надтай хамт арбайт хийдэг, гагнуурчин, намхан нуруутай, 50 настай, архин дуртай, Солонгос хүн байсан юм. Тэр Солонгос долоон хоногт хоёр өдөр ажиллаад, мөнгөө...
      Date2016.06.07 ByӨвөө Views14539
      Read More
    2. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-38

                          ...ХАРЬД ОЧСОН БҮСГҮЙН ЗАЯА ХӨӨРХИЙ...      Солонгост ажиллаж, амьдарч буй Монголчууд Пакистан, Бангладеш, Шри-Ланк, Энэтхэг, Филлиппин гэх мэт орнуудын иргэдийг “ХАЛТАР” гэж нэрлэцгээдэг. Дээрхи орнууд Солонгос улс руу г...
      Date2016.06.07 ByӨвөө Views14731
      Read More
    3. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-37

         Хүү сургуулийнхаа оюутны зөвлөлийн дарга болоод, 2013 оны шинэ жилийн баярыг Чонг жү хотод, маш сайхан, өргөн хүрээнд зохион байгуулсан юм. Би Солонгос улсад очоод, 10 гаруй жилийн дараа, анх удаагаа тэр шинэ жилийн цэнгүүнд орж билээ. Яг...
      Date2016.06.07 ByӨвөө Views9455
      Read More
    4. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-36

         Би 2014 оны наймдугаар сарын сүүлээс тус үйлдвэрт ажиллаж эхэлсэн. Огт танихгүй хэдэн залуучууд ажилд орсон байлаа. Би үйлдвэрийнхээ ажилчдын нэрийг мэдэхгүй ч зүсээр нь бүгдийг таньдаг юм.    Хэд хоногийн дараа үдийн хоолны үеэр миний өө...
      Date2016.06.07 ByӨвөө Views9519
      Read More
    5. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-35

         Онгоцныхоо билетийг 50$ төлж, гурав хоногийн дараа явахаар дахин сунгуулаад, тэр өдрөө биш, урд өдөр нь дахин ганцаараа Ин чоны нисэх буудал руу явлаа. Одоо явах замаа мэднэ.    Мөн замын зардлаа бодоод хүү, ач хүү хоёроо үлдээсэн юм. Мөр...
      Date2016.06.07 ByӨвөө Views9533
      Read More
    6. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-34

      Тэд манай гэрийн хаягийг мэдэж байгаа учир би хүүгийнх рүүгээ явав. Автобусанд суугаад нөгөө Солонгос руугаа утасдаад, би таныг хүлээх цаг алга, онгоцны билет худалдаж авахаар Сөүл явж байна гээд утасаа тасалсан. Удалгүй нөгөө Солонгос над ...
      Date2016.06.07 ByӨвөө Views13520
      Read More
    7. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-33

         Өд хурааж байхдаа тэнцвэрээ сайн олж зогсохгүй бол дэнжигнээд, өөрөө унахаас гадна өднүүд нураад их хэцүү... 30-аас дээш жинтэйг нь даахгүй учраас өргөгчөөр хураадаг. Өргөгчөөр хурааж байх үед, бид хажуу талаас нь түших, эсвэл дээшээ гарч...
      Date2016.06.07 ByӨвөө Views17125
      Read More
    8. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-32

         Би туслахын ажлыг хэдэн сар хийж байгаад, өөр бригадад зуурагчаар ажиллахаар болоод, туслагчаарааТөрийг, анжис баригчаар Давааг аваад явсан юм. Би дүү нартаа би зуурагч хийж чадна.    Яагаад гэвэл би гэртээ байнга гурил зуурч хоол хийдэг ...
      Date2016.06.07 ByӨвөө Views8429
      Read More
    9. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-31

         2010 оны 3 сарын 23-нд бэр маань төрж, би ач хүүтэй болсноор энэ цагаас хойш Өвөө гэж дуудагдах боллоо. Би анх ач хүүгээ үзэхээр, хүүгийндээ очихдоо бэрдээ Сагстай цэцэгтэй очсон юм.    Би амьдралдаа анх удаа л эмэгтэй хүнд цэцэг бэлэглэж...
      Date2016.06.07 ByӨвөө Views8700
      Read More
    10. Монголын анхны тусгайгийнхан Сэлэнгийн атамануудыг дийлэлгүй буцсан түүхээс

      Сэлэнгэ аймгийн залуу нийтлэлч Б.Цогтбаярын "Миний мэдэх Сүхбаатар Хот"номын хэсгээс зохиогчын зөвшөөрөлтэйгөөр дээжлэн хүргэж байна. 1990 оны 8-р сарын 28-нд Хэнтий аймагт нууц товчооны 751-н жилийн ойд хэв журам сахиулахаар  анхны тусгай ...
      Date2016.06.04 Bymglradiotelevision6 Views4456
      Read More
    Board Pagination Prev 1 ... 34 35 36 37 38 39 40 41 42 43 ... 64 Next
    / 64

         Радио Нийтлэл

         SOCIAL - СОНИН ХАЧИН