Радио Нийтлэл

     SOCIAL - СОНИН ХАЧИН







  • Уншсан 9270 vote 0 Коммент 0
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх

       Би Ин чоны нисэх буудлын цагаачлалын албаны мөрдөн байцаах газар, хоёр удаа очоод буцсанаас  хойш, хууль зүйн зөвөлгөө өгөх байгууллагаас тусламж авах нь хэрэгтэйг ойлгоод, Мгл радио.комын Зарлал булангаас Солин гэдэг цагаачлалын албанд бүртгэлтэй, хууль зүйн товчоог сонгосон юм.

       2014 оны 10 сарын 12-ны Ням гариг. 15.00 цагийн үед би тус товчооны хаягаар нь явж очоод, орчуулагч Буянаа болон захиралтай нь уулзан, би хэрэг явдлаа ярин тэд нараас туслалцаа авахыг хүссэн юм.

       Захирал бид хоёрын яриаг орчуулагч Буянаа орчуулж байлаа. Захирал надад: -   Mанай товчооны дээр бас том компани бий. Тэд цагаачлалын албатай хамтран ажилладаг тул та хэзээ хүссэн цагтаа, Солонгос улсын хилээр  гарч болно.

       Энэ бүх асуудлыг манай товчоо хариуцна. Та манай товчоотой гэрээ байгуулаад, 3.000.000 вон төлөх ёстой. Мөн таны гэмтэл авсан, зүүн гарын чигчий хурууны нөхөн төлбөрт бид 5.000.000 вон авч өгөхөөр ажиллана. Хэрвээ тэр мөнгийг авч өгч чадвал түүнээс чинь 1.000.000 воныг манай товчоо авах юм.

       Бидний санал танд ямар санагдаж байна вэ? гэж надаас асуусан. Би таны саналыг зөвшөөрч байна. Гэхдээ манай хүү Солонгос улсын их сургуульд Докторантурт суралцаж байгаа. Ач нар цэцэрлэгт явдаг учраас би танай товчоонд төлөх, 3.000.000 воноо нэг мөр төлөх боломжгүй.

       Иймээс сар бүр 500.000 вон төлөх саналтай байна гэж хариулсан. Захирал миний саналыг хүлээн аваад, бид маргаашаас ажлаа эхлэх тул та бидэнд урдчилгаа 1.000.000 вон төлөх учиртай гэлээ.

       Би маргааш орой ажил тараад, 500.000 вон, энэ долоон хоногийн эцсээр 500.000 вон шилжүүлж өгье! гэсэн.Би хэлснээрээ сард 500.000 воноо шилжүүлээд л... орчуулагч Буянаа хааяа надад таны асуудлыг бид хөөцөлдөж байгаа гэж яриад л...

       Миний гэмтсэн хурууны нөхөн төлбөрийг төлөх, компани тодорхойгүйгээс надад мөнгө олдохгүй юм байна! гэж Буянаа хэлсэн.

       Би 2015 оны дөрөвдүгээр сард, тэд нарт 5 сарын 31-нд буцах, онгоцны билет авснаа хэлсэн. Хэсэг хугацааны дараа Буянаа над руу яриад: - Та захиралтай хамт 5 сарын 8-нд Ин чоны нисэх буудлын цагаачлалын албаны мөрдөн байцаах газар очиж уулзах тул өглөө 09.00 цагт манай товчоон дээр бэлэн байна уу? гэлээ.

       Би хэлсэн цагт нь очиход, Буянаа ирээгүй, захирал нь ганцаараа байсан. Захирал нь надтай мэндлээд, та түр суугаад хүлээж байгаарай! гэсэн. Буянаа ирээд надтай уулзаад, нөгөө л ярьдаг юм аа ярьсан.

       Буянаад: - Би 7 сарын өмнө танай товчоонд дээр ирж, гэрээ байгуулснаараа сар бүр тогтмол 500.000 воноо төлсөөр, одоо 500.000 вон л үлдсэн байгаа. Та нар анх надад ямар гоё юм ярьлаа.

       Одоо байгаагаа хар! Тэр цагаас хойш юу ч өөрчлөгдсөнгүй. Иймд би үлдэгдэл 500.000 воноо явах өдрөө бэлнээр төлнө. Хэрвээ та нар намайг 5 сарын 31-нд явуулж чадахгүй юм бол би тэр мөнгөнөөс чинь онгоцны билетээ, сунгах, хоол, байрны зардлаа суутгах болно.

       Яагаад гэвэл миний буруугаас биш танай товчоо гэрээгээр хүлээсэн үүргээ хангалтгүй биелүүлснээс болж байна гэж хэллээ. Буянаа та битгий санаа зов! бид таныг хугацаанд чинь гаргаж өгнө гэлээ. Гэхдээ чи миний хэлснийг захиралдаа хэлээрэй! гэсэн.

       Захиралын машинаар бид хоёр Ин чоны цагаачлалын албаны мөрдөн байцаах газар очсон. Тэнд очоод захирал маань хаашаа явах, хэдэн давхарт гарахаа мэдэхгүй байлаа. Би түүнд газарчилж явлаа.

       Бид гуравдугаар давхарт гартал, “Өст хүн өлийн даваан дээр” гэдэг шиг намайг хоёр жилийн өмнө буцаагаагүй, нөгөө байцаагчтайгаа тааралдсан. Би захиралд энэ байцаагч намайг хоёр жилийн өмнө буцаагаагүй юм гэж хэллээ.

       Захирал тэр хамаагүй өөр хүнтэй уулзна! гэлээ. Би дотроо эд нар өөр хүнтэй яриад, тохирсон юм байхдаа гэж бодоод өнгөрлөө. Гэтэл нөгөө байцаагч маань гарч ирээд, захиралтай уулзлаа.

       Намайг удаан хугацаанд ирээгүй алга болсон гээд нилээд ширүүн байна билээ. Тэр байцаагчид: - Захирал энэ хүн манай Хууль зүйн товчоонд хандсан учраас Солонгос улсын хилээр гаргах, ямар арга байна вэ? гэдэг талаар бид та нартай ярилцахаар ирлээ! гэж хэлсэн.

       Байцаагч Монгол руу хэзээ явах уу? гэж асуусан. Би 5 сарын 31-нд явах онгоцны билет авсан гэж хариулсан. Байцаагч явах өдрөө ир! гэж хэлчихээд буцаад орсон.

       Би байцаагчийн бидэнд хандаж байгаа харьцаа, над руу харж буй харцыг ажиглаад, тэр хэрвээ намайг ганцаараа ирсэн бол шууд барьж аваад, явах хугацаа хүртэл минь хорих байсан байхдаа гэж бодож явлаа...

       Захирлын байцаагчтай ярьж байгаа байдал, замаа мэдэхгүй байгааг хараад, би захирлыг өмнө нь энд ирж байгаагүй юм байна гэж ойлгосон. Миний бодлыг мэдсэн үү, эсвэл өөрөө эвгүй байдалд орсноо гадарласан уу, захирал надад: - Би урд нь нэг удаа энд ирсэн юм аа. Тэгээд явах замаа мартсан байна гэж билээ.

       Бид хоёр 5 сарын 31-ний өглөө мөрдөн байцаах газар уулзахаар тохирч, захирал намайг Сөүлд буулгаж өгөөд, би тэндээсээ метронд сууж, нилээн яваад, Юнг ин хот руу явах, автобусанд дамжин суулаа.     Үргэлжлэл бий

    ?

    1. No Image

      ЭХ ОРОНДОО ЭРГЭН ИРСЭН НЬ - 8

         Би чи энэ компаний дотоод асуудлыг надаас илүү мэдэж байгаа учир би бас шалтаг хэлээд явахгүй гэж хэллээ.    Би буухаасаа хэд хоногийн өмнөөс нуруугаар хатгуулж өвдөөд, Менежерээрээ “Коже говь” компаний “Дулаан хаан”-ы хээрийн ангийн ажил...
      Date2016.06.16 ByӨвөө Views10111
      Read More
    2. No Image

      ЭХ ОРОНДОО ЭРГЭН ИРСЭН НЬ - 7

       “Еврофё-ази” харуул хамгаалалт компаний талаар Өдрийн сонинд гарсан нийтлэлийн мөрөөр тус компанитай хамтран ажилладаг, “Коже говь” компани гэрээгээ цуцлах санал тавьсан бололтой!    “Еврофё-ази” компаний удирдлага бүтцийн өөрчлөлт хийж, Ха...
      Date2016.06.16 ByӨвөө Views5669
      Read More
    3. No Image

      ЭХ ОРОНДОО ЭРГЭН ИРСЭН НЬ - 6

         Намайг анх 9 сарын 1-нд галын дохиолол хариуцсан хамгаалагчаар ажилд ороод очиход, тэнд ажиллаж байсан хамгаалагч нар долдугаар сарынхаа цалинг аваагүй гэцгээн ярьдаг байсан. Тэгсэн мөртлөө хүн дутуу ирэх тохиолдолд, улирч ажилладаг гэнэ!...
      Date2016.06.12 ByӨвөө Views14262
      Read More
    4. No Image

      ЭХ ОРОНДОО ЭРГЭН ИРСЭН НЬ - 5

         Би эх орондоо ирээд, хуучин хамт ажиллаж байсан болон өөрийнхөө удирдлаган доор ажиллаж байсан, олон хүмүүстэй уулзаж, ажлын байр байгаа эсэхийг асуусан юм.    Тэд бүгд ямар нэгэн албан тушаалд очицгоосон байна билээ. Тэд нар надад: - Тан...
      Date2016.06.12 ByӨвөө Views9413
      Read More
    5. No Image

      ЭХ ОРОНДОО ЭРГЭН ИРСЭН НЬ - 4

         Чойрын 10-н жилийн сургуулийг төгссөний 35 жилийн ой тохиогдож, манай ангийн Ч.Батдорж ангийнхнаа Сэлэнгэ аймагт урьж, Говийн бид нар Хангайг үзэж, гайхширав...     Дорноговь аймгийн Айраг сумаас Н.Нарангэрэл, О.Мөнгөнцэцэг, Чойроос Т.Энх...
      Date2016.06.11 ByӨвөө Views9908
      Read More
    6. No Image

      ЭХ ОРОНДОО ЭРГЭН ИРСЭН НЬ - 3

         Хөвсгөл аймагт манай гэр бүлийг надтай Цэргийн Нэгдсэн Дээд Сургуулийг хамт төгссөн Сүх хүлээн авч уулзсан. Би 1996 онд Радио Телевизийн Техникийн компанид ажиллаж байхдаа ажлын шугамаар Хөвсгөл аймагт очихдоо анх уулзаж байсан. Түүнээс х...
      Date2016.06.11 ByӨвөө Views9336
      Read More
    7. No Image

      ЭХ ОРОНДОО ЭРГЭН ИРСЭН НЬ - 2

         Бид Богд уулын араар тавьсан, шинэ замаар явж ирсэн юм. Эх орон маань бүтээн байгуулалт явагдаад, өнгө, төрхөө өөрчилсөн байна билээ. Би Солонгосын бүгчим агаараас, өөр Эх орныхоо цэнгэг агаараар амьсгалж, сэтгэл сайхан байлаа.    Солонго...
      Date2016.06.11 ByӨвөө Views10623
      Read More
    8. No Image

      ЭХ ОРОНДОО ЭРГЭН ИРСЭН НЬ - 1

         Онгоцондоо суусны дараа ингээд эх орондоо эсэн мэнд эргэн ирлээ гэж бодохдоо би 14 жилийн хугацаанд ганц ч удаа нутагтаа очоогүй шүү дээ. Би ямар их тэвчээр гаргав аа гэж л бодож явлаа...    Эх орон, эхнэр хүүхэд, ах, эгч, төрөл төрөгсөд,...
      Date2016.06.11 ByӨвөө Views11052
      Read More
    9. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-41

         2015 оны 5 сарын 31-ний Ням гариг. Ин чоны цагаачлалын албаны мөрдөн байцаах газар. Би өглөө 07.40 минутанд болзсон газраа ирэхэд, захирал бас дөнгөж ирж таарлаа. Бид хоёр уулзаад, гуравдугаар давхарт гараад, үүдний жижүүрт би нэрээ хэлэн...
      Date2016.06.10 ByӨвөө Views13718
      Read More
    10. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-40

         Би Ин чоны нисэх буудлын цагаачлалын албаны мөрдөн байцаах газар, хоёр удаа очоод буцсанаас  хойш, хууль зүйн зөвөлгөө өгөх байгууллагаас тусламж авах нь хэрэгтэйг ойлгоод, Мгл радио.комын Зарлал булангаас Солин гэдэг цагаачлалын албанд б...
      Date2016.06.10 ByӨвөө Views9270
      Read More
    Board Pagination Prev 1 ... 33 34 35 36 37 38 39 40 41 42 ... 64 Next
    / 64

         Радио Нийтлэл

         SOCIAL - СОНИН ХАЧИН