Радио Нийтлэл

     SOCIAL - СОНИН ХАЧИН







  • Уншсан 9415 vote 0 Коммент 0
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх

       Би эх орондоо ирээд, хуучин хамт ажиллаж байсан болон өөрийнхөө удирдлаган доор ажиллаж байсан, олон хүмүүстэй уулзаж, ажлын байр байгаа эсэхийг асуусан юм.

       Тэд бүгд ямар нэгэн албан тушаалд очицгоосон байна билээ. Тэд нар надад: - Таны нас тавь гарсан тул улсын болоод, төсвийн байгууллагад ажилллах боломжгүй! Бид өөрсдөө яаж хөөгдчихгүйхэн шиг байж байгаад, тэтгэвэрт гарахаа л бодоцгоож байна гэж хариулцгааж байлаа.

       Надтай Цэргийн Нэгдсэн Дээд Сургуульд дөрвөн жил хамт суралцаж байсан, Хэнтий аймгийн Өмнөдэлгэр сумын харьяат Пүрэв уулзаад, Дорноговь аймгийн Улаанбадрах суманд, Ураны олборлолт хийж буй, Франц улсын “Areva” компаний харуул хамгаалалтыг хариуцдаг, Еврофё-азиа харуул хамгаалалтын компанид, менежерээр ажилладаг гэж өөрийгөө танилцуулаад: - Чи гэртээ ажилгүй, хий дэмий байхаар, тэнд галын дохиоллыг нь хариуцсан хамгаалагчаар ажиллах уу? гэсэн санал тавьсан.

       Би ч ажилгүй, хий дэмий гэртээ цаг нөгцөөж байхаар, энэ өвөлдөө харуул хамгаалалтын ажил хийж үзье! гэж бодоод зөвшөөрсөн юм. Бид наймуулаа, 8 сарын 31-ний өглөө Улаанбаатар-Сайншанд чиглэлийн суудлын галт тэргэнд 09.00-д суугаад хөдөллөө.

       Бид нар орой 19.15 минутанд Сайншанд өртөөн дээр буухад, манай бууж буй ээлжийнхнийг хүргэж ирсэн, бага оврын автабус бид нарыг хүлээгээд зогсож байлаа.

       Менежерүүд ирсэн, буцах суудлын тасалбарууд, хүмүүсийнхээ замын хоолны мөнгөний тооцоог хийж байх зуур, шинэ, хуучин хүмүүс хоорондоо танилцаад амжих хугацаа өнгөрсөн юм.

       Бид нар автобусандаа суугаад, Зүүнбаян өнгөртөл засмал замаар явж байгаад, шороон замаар явсаар, 22.00 цаг өнгөрөөгөөд, Дулаан-Уулын хээрийн ангид очсон.

       Тэндээ хоол идэж хоноод, өглөө 07.00 цагаас өөрсдийн хуваарилагдсан постууддаа ээлжинд гарсан юм. Бид нарыг очихоос өмнө ээлжийн ахлагч нь хэн, хэн аль постонд гарах, томилгоог урьдчилан хийсэн байсан.

       Дулаан-Уулын анги нь гурван посттой. Төв шалган нэвтрүүлэх постон дээрээ гурван хүн, нөгөө хоёр постон дээр хоёулаа гардаг юм билээ. Би галын дохиолол хариуцсан тул төв шалган нэвтрүүлэх дээр хуваарилагдсан.

       Гал болон галын дохиолол хариуцсан хамгаалагч нар нь төвдөө байнга байх шаардлагатай юм байна. Зарим тохиолдолд нөгөө постууддаа ээлжээр гардаг.

       Дулаан-Уул ангийн харуул хамгаалалтын менежерүүд, ээлжийн ахлагч нар нэг сар ажиллаад, нэг сар амардаг. Харин хамгаалагч нар, нэг сар ажиллаад, 15 хоног амраад, ээлжилж байдаг юм.

       Би Солонгос улсад ажиллаж, амьдарч байхдаа, Франц улсын “Areva” компани болон Дорноговь аймгийн Улаанбадрах сумын нутгийн иргэд, хоёрын хоорондын зөрчилдөөний талаар интернетээс их уншдаг байсан.

       XXI зууныг шинжлэх ухаан, техник-технологийн "Эрин зуун" гэдэг. Тиймээс Франц улсын “Areva” компани нь сүүлийн үеийн тоног төхөөрөмжөөр, Ураныг газрын гүнээс өрөмдлөгийн аргаар олборлодог юм билээ.

       Мөн Зүүнбаянгаас урагш гармагц, БНХАУ-ын хөрөнгө оруулалттай компаниуд, бас нефтийг тухайн цооног дээр нь өрөмдөөд, хэрвээ ойрхон цооногууд байвал дунд нь 15-20 тонны багтаамжтай том сав байрлуулаад, түүнээсээ шатахууны машинаар зөөвөрлөн, Зүүнбаянгаас нефтийн вагонд ачих замаар олборлож байгааг харсан.

       Дорноговь аймгийн Улаанбадрах сумны нутагт зүүнээс баруун тийш тогтож байрласан, Дулаан-Уул хэмээх хар уулын дундуур, Дорноговь аймгийн Хөвсгөл сум руу явах замд, Говийн Y Ноён хутагт Дулдуйтын Данзанравжаан төрсөн гэрийн буйр, нэгэн толгойн хажууд байх юм билээ.

       Гэрийн буйрнаас хажуу талын толгой руу өгссөн, шат хийгээд, толгойн орой дээр, “XIX ЗУУНЫ МОНГОЛЫН СОЁН ГИЙГҮҮЛЭГЧ, ЯРУУ НАЙРАГЧ ДУЛДУЙТЫН ДАНЗАНРАВЖААГИЙН МЭЛМИЙ ГИЙСНИЙ 185 ЗОРИУЛАН БОСГОВ” гэсэн хөшөө байв.

       Түүнээс цааш байгалийн үзэсгэлэнт, Загийн шугуй, Тоорой модны төгөл гээд үнэхээр сэтгэл хөдөлгөм газрууд тааралдсан.

       Түүний цаахна 1937 онд устгагдсан, Цувираагийн хийдийн туурь бий. Цувираагийн хийдийн тууриас харвал, тухайн цаг үедээ нилээн томоохонд тооцоогдохоор сүм, хийд болох нь нурсан сүм, дуган, хийдийн хашаа, хаалганы үлдэгдлээс харахад илэрхий юмаа.

       Цувираагийн хийдийн зүүн талд дугуй хэлбэртэй, их том "Суварга" босгож байна билээ. Одоохондоо арай дуусаагүй, дотор заслын ажлаа гүйцэтгэж байгаа юм байна.

       Тэр том Суваргыг хэнд юунд зориулж босгож буйг мэдэж чадаагүйдээ одоо их харамсдаг юм. Тухайн үедээ их сайхныг нь магтаад, өөр зүйл асуухаа таг мартсан байж билээ!

       Харуул хамгаалалтын менежер Пүрэв, Коже говь компаний жолооч Амар, хамгаалагч Цэдэн, Магнай, Гарав, Отгон бид нар дарга нарынхаа зөвшөөрлөөр үдээс өмнө, ойр хавийнхаа түүхийн дурсгалт газруудаар аяласан юм.

       Бид нарыг очсон өдөр, Намрын дунд сарын шиний 16, Дашням, Балжинням давхацсан сайн өдөр байлаа. Суваргыг хариуцан бариулж байгаа хүмүүс, бид нарт Суваргын засал бүрэн хийгдээгүй, хүмүүсийг дотор нь оруулдаггүй боловч бид нарт дотор талыг нь үзүүлсэн.

       Тэнд буй Энэтхэг улсаас авчруулсан, 120-130 см-ийн өндөртэй, нэг м орчим өргөнтэй, 4-5 Бурханы хөрөгний өмнө, сан тавиулсанд тэд нарт маш их талархаж явдаг юм аа...

       Би даанч тэр Бурхадын нэрийг мэдэхгүйдээ харамсч байлаа. Би хэдийгээр Зүүнбаянд төрсөн боловч, Говийн тийм сайхан үзэсгэлэнтэй газруудыг урьд нь огт үзээгүй билээ.                     Үргэлжлэл бий

    ?

    1. No Image

      ЭХ ОРОНДОО ЭРГЭН ИРСЭН НЬ - 8

         Би чи энэ компаний дотоод асуудлыг надаас илүү мэдэж байгаа учир би бас шалтаг хэлээд явахгүй гэж хэллээ.    Би буухаасаа хэд хоногийн өмнөөс нуруугаар хатгуулж өвдөөд, Менежерээрээ “Коже говь” компаний “Дулаан хаан”-ы хээрийн ангийн ажил...
      Date2016.06.16 ByӨвөө Views10118
      Read More
    2. No Image

      ЭХ ОРОНДОО ЭРГЭН ИРСЭН НЬ - 7

       “Еврофё-ази” харуул хамгаалалт компаний талаар Өдрийн сонинд гарсан нийтлэлийн мөрөөр тус компанитай хамтран ажилладаг, “Коже говь” компани гэрээгээ цуцлах санал тавьсан бололтой!    “Еврофё-ази” компаний удирдлага бүтцийн өөрчлөлт хийж, Ха...
      Date2016.06.16 ByӨвөө Views5670
      Read More
    3. No Image

      ЭХ ОРОНДОО ЭРГЭН ИРСЭН НЬ - 6

         Намайг анх 9 сарын 1-нд галын дохиолол хариуцсан хамгаалагчаар ажилд ороод очиход, тэнд ажиллаж байсан хамгаалагч нар долдугаар сарынхаа цалинг аваагүй гэцгээн ярьдаг байсан. Тэгсэн мөртлөө хүн дутуу ирэх тохиолдолд, улирч ажилладаг гэнэ!...
      Date2016.06.12 ByӨвөө Views14263
      Read More
    4. No Image

      ЭХ ОРОНДОО ЭРГЭН ИРСЭН НЬ - 5

         Би эх орондоо ирээд, хуучин хамт ажиллаж байсан болон өөрийнхөө удирдлаган доор ажиллаж байсан, олон хүмүүстэй уулзаж, ажлын байр байгаа эсэхийг асуусан юм.    Тэд бүгд ямар нэгэн албан тушаалд очицгоосон байна билээ. Тэд нар надад: - Тан...
      Date2016.06.12 ByӨвөө Views9415
      Read More
    5. No Image

      ЭХ ОРОНДОО ЭРГЭН ИРСЭН НЬ - 4

         Чойрын 10-н жилийн сургуулийг төгссөний 35 жилийн ой тохиогдож, манай ангийн Ч.Батдорж ангийнхнаа Сэлэнгэ аймагт урьж, Говийн бид нар Хангайг үзэж, гайхширав...     Дорноговь аймгийн Айраг сумаас Н.Нарангэрэл, О.Мөнгөнцэцэг, Чойроос Т.Энх...
      Date2016.06.11 ByӨвөө Views9909
      Read More
    6. No Image

      ЭХ ОРОНДОО ЭРГЭН ИРСЭН НЬ - 3

         Хөвсгөл аймагт манай гэр бүлийг надтай Цэргийн Нэгдсэн Дээд Сургуулийг хамт төгссөн Сүх хүлээн авч уулзсан. Би 1996 онд Радио Телевизийн Техникийн компанид ажиллаж байхдаа ажлын шугамаар Хөвсгөл аймагт очихдоо анх уулзаж байсан. Түүнээс х...
      Date2016.06.11 ByӨвөө Views9337
      Read More
    7. No Image

      ЭХ ОРОНДОО ЭРГЭН ИРСЭН НЬ - 2

         Бид Богд уулын араар тавьсан, шинэ замаар явж ирсэн юм. Эх орон маань бүтээн байгуулалт явагдаад, өнгө, төрхөө өөрчилсөн байна билээ. Би Солонгосын бүгчим агаараас, өөр Эх орныхоо цэнгэг агаараар амьсгалж, сэтгэл сайхан байлаа.    Солонго...
      Date2016.06.11 ByӨвөө Views10624
      Read More
    8. No Image

      ЭХ ОРОНДОО ЭРГЭН ИРСЭН НЬ - 1

         Онгоцондоо суусны дараа ингээд эх орондоо эсэн мэнд эргэн ирлээ гэж бодохдоо би 14 жилийн хугацаанд ганц ч удаа нутагтаа очоогүй шүү дээ. Би ямар их тэвчээр гаргав аа гэж л бодож явлаа...    Эх орон, эхнэр хүүхэд, ах, эгч, төрөл төрөгсөд,...
      Date2016.06.11 ByӨвөө Views11053
      Read More
    9. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-41

         2015 оны 5 сарын 31-ний Ням гариг. Ин чоны цагаачлалын албаны мөрдөн байцаах газар. Би өглөө 07.40 минутанд болзсон газраа ирэхэд, захирал бас дөнгөж ирж таарлаа. Бид хоёр уулзаад, гуравдугаар давхарт гараад, үүдний жижүүрт би нэрээ хэлэн...
      Date2016.06.10 ByӨвөө Views13719
      Read More
    10. No Image

      БНСУ-Д АЖИЛЛАЖ, АМЬДАРЧ БАЙСАН ОН ЖИЛҮҮД-40

         Би Ин чоны нисэх буудлын цагаачлалын албаны мөрдөн байцаах газар, хоёр удаа очоод буцсанаас  хойш, хууль зүйн зөвөлгөө өгөх байгууллагаас тусламж авах нь хэрэгтэйг ойлгоод, Мгл радио.комын Зарлал булангаас Солин гэдэг цагаачлалын албанд б...
      Date2016.06.10 ByӨвөө Views9271
      Read More
    Board Pagination Prev 1 ... 33 34 35 36 37 38 39 40 41 42 ... 64 Next
    / 64

         Радио Нийтлэл

         SOCIAL - СОНИН ХАЧИН