Алеппо хотод болсон халдлагын дараа сэтгүүлч, аврах албаны багийнхан халдлага болсон газар ирсэн даруйд гэрэл зурагчин, сэтгүүлч Абд Алкадер Хабак дэлбэрэлтэнд өртөөд байсан бяцхан хүүг яаралтай анхны тусламж үзүүлэх байр руу хүргэж өгчээ. Энэ агшин гэрэл зургийн хальсанд буусан бөгөөд хүүгийн амийг аварсан Алкадер Хабак “Би түүнийг хэдэн настайг сайн мэдэхгүй байна. Ямар ч байсан хүү  6, 7 настай болов уу гэж бодсон. Тэр битүү гэмтэл авахын сацуу ухаан алдсан байлаа. Хүүд яаралтай тусламж үзүүлээгүй бол амиа алдах байсан” гэжээ.

Сирид болсон тус халдлагад гол төлөв асрамжийн газрын хүүхдүүд амиа алдсан юм. Автобусны ойролцоо автомашинтай тэсрэх бөмбөг дэлбэлсний улмаас 68 хүүхдийн амь эрсэдсэн билээ.

Т.Бат

profile