Та хүүхдээ хэр өмөөрдөг вэ? Аав нь загнаж байх үед, зодож байхад нь эсвэл ээж нь зэмлэж байхад урдуур нь орж хүүхдээ өмөөрч байсан уу? Тэгвэл нэг сонин мэдээлэл хэлье.
Ээж аав нь өмөөрдөг ( нэгнийхээ урдуур орж өмөөрөх тохиолдол) хүүхдийн сэтгэл зүйн байдал бусад хүүхдийнхээс 2 дахин хурдан өвчлөмтгий болсон байна. Аливаа зүйлд өөрийн гэсэн үзэл бодолгүй, олонхийг дагагч, хатуу үгэнд хэт их нөлөөлж гомдож шархалж, үгнээс болж их шаналдаг болдог гэнэ. Солонгос улсад аав нар хүүхдээ хүмүүжүүлж байхад ээж нар нь байнга урдуур нь орж нөхөртэйгөө хэрэлддэг тул энэ асуудал их хурцлагдмал болоод тусгай судалгааны баг хүртэл гарсан байна. Гэр бүл болгонд хүүхдээ өмөөрөх хандлага их байдаг тул 200 гаруй хүүхдийг судалгаанд хамруулжээ. 40 өдөр эцэг эхийн зөвшөөрөлтэй гэрт камер суурилуулж эцэг эхийн гаргаж байгаа өмөөрөх үйлдлийн дараа хүүхэд юу хийж байгааг бичиж авчээ.
С гэдэг 14 настай хүүг аав нь хичээлдээ муудаж гадуур тэнэх болсон гэсэн шалтгаанаар загнажээ. энэ үед ээж нь өөрөө олигтой сурдаг байсан юм шиг гэж үглэн аав хүү 2ын яриаг таслан хүүгээ өрөөнд нь оруулсан байна. Хүү өрөөндөө ороод юу хийсэн бол? Нэг найз уруугаа үхмээр байна гэсэн утгатай мэссэж бичив. Энэ үхмээр санагдах шалтгаан мөн үү? Биш. Яагаад ингэж санагдав? Ээж аав нь үргэлж нэг нэгнээсээ хүүгээ өмөөрч хэрэлддэг тул хүүхдэд аав ээждээ загнуулах нь аймшигтай зүйл мэтээр ой тоонд нь шингэсэн байна. амьдрал утгагүй мэдрэгдсэн гэсэн үг.4 настай хүүг ээж нь шийтгэв. Бүх гурилыг нь шалаар асгасан ус цацсан хэргээр. Харин аав нь хүүхдүүд ингэж л байдаг шдээ. Юун сүртэйн хэмээн хэрэлдэж хүүхдээ өвөр дээрээ авч суужээ.Энэ үед хүү яасан бээ. Ээжийгээ арагшаа харсан байхад нь хэлээ гаргаж өөрийгөө дийллээ хэмээн бахархаж суув. Ээж нь шалаа цэвэрлэсээр. Энэ хэвийн үзэгдэл үү? Үгүй. Энэ хүүхдэд ээжийн үг одооноос ямар ч хүчгүй. Хэзээ ч сонсохгүй. Аав байгаа юм чинь намайг дор нь өмөөрнө. Иймэрхүү олон жишээ байна. Хүүхдээ тухайн үед өмөөрлөө гээд таны сэтгэл л тайвшрахаас хүүхдийн хүмүүжил доройтож, эхнэр нөхрийн харилцан бие биеэ хүндлэх хүндлэл улам багасна. Аав ээж нь хичнээн буруу загнаж, шийтгэж байсан ч хамаагүй та өөр өрөөнд ор, энэ асуудалд битгий оролц. Дуусан дуустал нь. Дараа нь харин нөхөртэйгөө 2 уулхнаа байх үедээ яамаар байгаагаа хэл. Ээж аав 2ынх нь үзэл бодол нэг гэдгийг ойлгуул. Тэгэж байж хүүхэд өөрийн гэсэн үзэл бодолтой түүнийгээ яаж хамгаалахаа мэддэг, бие даасан болж өснө. 2 өөр үзэл бодлын дунд хүүхэд үсрэмтгий, өөртөө итгэлгүй, өөрт нь сайн хандсан хүнийг дагамтгай болдог гэнэ шүү.