Радио Нийтлэл

     SOCIAL - СОНИН ХАЧИН







  • Уншсан 724 vote 0 Коммент 0
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх

     

    Архи уусаар байгад элэгний циррозтой болчихсон гэнэ ээ гэх яриаг та лав энд тэнд явж байгаад

    сонсож байсан биз. Үнэхээр ч согтууруулах ундаа, түүний дотор архийг хэтрүүлэн хэрэглэх нь элэгний циррозд хүргэх аюултай юм. Гэвч хүмүүс энэ аймшигтай өвчний талаар сайн мэддэггүй, аюулыг нь ойлгодоггүй болохоор “Сүх далайтал үхэр амар” гэдгээр анхаардаггүй. Гэтэл судалгаанаас үзвэл элэгний хатуурал буюу цирроз нь үхэлд хүргэх аюулаараа ДОХ, зүрхний шигдээсний дараа ордог гэдгийг хүмүүс тэр бүр мэддэггүй.

    Энэ өвчинд дунд болон ахимаг насны эрэгтэй хүмүүс өртөх нь элбэг байдаг.

    Eрөнхий

    Цирроз гэдэг нь грекээр нимбэгэн шар гэсэн утгатай үг юм. Эрүүл хүний элэг улаан өнгөтэй байх ёстой атал циррозоор өвдсөн хүнийг тод шар өнгөтэй болдог тул ийнхүү нэрлэжээ. Элэгний эрүүл эс нь холбогч эдээр солигдон бүтэц нь алдагдаж эхэлдэг элэгний өвчнийг цирроз гэнэ.

    Шалтгаан

    Энэ өвчин үүсэхэд нөлөөлдөг гол хоёр хүчин зүйл байдаг. Нэгт нь вирусын гаралтай шар өвчин, тэдгээрээс В ба С гепатит. Ялангуяа нялх багадаа В гепатитаар өвдөж байсан хүмүүсийн циррозоор өвдөх эрсдэл нь маш их болдог. Иймд эцэг, эхчүүд хүүхдүүддээ онцгой анхаарал тавьж байх хэрэгтэй юм. Дараагийн шалтгаан нь согтууруулах ундаа, түүний дотор хатуу архийг хэтрүүлэн хэрэглэх явдал. Гэхдээ дараах нөхцөлд дээрх хоёр шалтгаан үгүй байсан ч циррозоор өвдөх эрсдэл ихэсдэг, Үүнд:

    – хорт бодисуудаар хордох ( мөөгний хор, зарим эм)

    – удаан хугацаагаар шарлалт өгсөн цөсний хүүдийн болон цөсний цоргоны өвчин удамшлын хүчин зүйлүүд (ховор тохиолддог)

    – дархлалын тогтолцооны хямрал /бие махбод гэнэт элэгний эдийг гэмтээгч бодис ялгаруулах/ зэрэг нь тодорхой нөлөө үзүүлдэг байна.

    Явц

    Халдварт шар өвчний үед элэгний бүтцэд өөрчлөлт гарснаар эрүүл эсүүд нь гэмтэж, бие махбодид шаардлагатай уураг г.м. бодис ялгаруулж чадахаа байхаас гадна хортой бодисыг саармагжуулах чадвараа алдана.

    Шинж тэмдэг

    – Элэгний хэмжээ өөрчлөгдөнө. Элэг томрох, эсвэл жижигрэх.

    – Хэвлий хөөж цүдийнэ. Энэ нь хэвлийн хөндийд шингэн хуралдсантай холбоотой.

    – Гэдэс дүүрч, дотор эвгүйрч, ам халуун оргих, хэхрүүлэх, шээс ялгаралт удааширна.

    – Биеийн ерөнхий байдал суларч, турна.

    – Хэвлийн урд хананы хөх судаснууд өргөсөж, хүйс тойрон наймаалжны толгойг санагдуулсан хөхөвтөр дүрс бий болно.

    – Цээж, нуруу болон мөрөн дээгүүр од шиг, эсвэл жижигхэн аалзтай төстэй улаан толбонууд үүснэ.

    – Гарын алга улайна.

    – Эрэгтэй хүний хөхний булчирхайнууд томорч, суга, духны үс унан бэлэг эрхтэний хөвчрөлт суларна.

    – Эмэгтэй хүний сарын тэмдэг тасалдана.

    – Элэгний шүүх чадвар алдагдсанаас цусанд хорт бодис хуралдаж, байнга толгой өвдөх, ой тогтоолт, анхаарал сулрах шинж ажиглагдана.

    – Ходоод дурандахад улаан хоолойн судас өргөссөн харагдана.

    – Арьс шарлах, загатнаж болно.

    Циррозын үед хүчтэй өвдөлт байдаггүй. Хаяа биеийн хүчний ажил хийж, хоолны дэглэм алдагдсан үед хэвлийн баруун дээд хэсэгт хүндэрч, төөнөж өвдөх зовиур илэрч болно. Цирроз бүтэн эмчлэгддэггүй, олон жилийн даамжирсан явцтай бөгөөд хүндэрсэн үедээ онц аюултай өвчин юм.

    Оношлогоо

    Зөв оношлохын тулд, ходоод гэдэсний эмч үзлэг хийсний дараа доорхи шинжилгээнүүдийг бичнэ;

    – Цусны биохимийн шинжилгээ

    – Элэгний вирусын гаралтай үрэвсэл үүсгэгчийг тодорхойлох цусны шинжилгээ

    – Элэгний болон бусад эрхтэний хэт авианы шинжилгээ

    – Улаан хоолойн венийн судасны байдлыг хянах ба цус алдах магадлалыг тодорхойлох ходоод дурандах шинжилгээ

    – Элэгний сцинтиграф буву цацраг идэвхит шинжилгээ

    – Компьютерийн томограф шинжилгээ.

    – Элэгний ба хэвлийн хөндийн бусад эрхтнvvдийн өөрчлөлтийг харна

    – Зарим тохиолдолд элэгний эдийн шинжилгээ хийнэ.

    Эмчилгээ

    Энэ өвчнийг бүрэн эмчлэх боломжгүй. Зөвхөн эхний шатанд нь түр зогсоох боломж байдаг. Өвчин даамжирсан үед эмч- гепатолог зөвхөн таагvй шинж тэмдэгийг арилгаж, хүндрэл vvсэх явцыг удаашруулж чаддаг.

    Үндсэн эмчилгээ:

    – Хоолны дэглэм барих. Энд өөх тостой, шарсан хуурсан, халуун ногоотой хоолноос татгалзах.

    – Архийг тэвчих.

    – Давс болон уургийн хэмжээг хязгаарлах.

    – Шээс хөөх эмүүд

    – Вирусын эсрэг эмчилгээг ховорхон хэрэглэнэ. Гэвч заримдаа өвчнийг удаашруулдаг талтай

    – Плазмоферез. Цусыг хортой бодисоос шүүж цэвэрлэх. Элэг өөрөө энэ vvргээ биелvvлж чадахаа больсон нөхцөлд энэ эмчилгээг хийнэ.

    – Өвчин улам даамжирч хvндэрсэн vед өвчтөнийг эмнэлэгт хэвтvvлнэ. Мэс заслын эмчилгээний шаардлага гарч болзошгvй;

    – Парацентез. Хэвлийн хөндийд хуримтлагдсан шингэнийг хэвлийн хананд хатгалт хийж гаргах.

    – Цусны гүйдлийн өөр зам бий болгох хагалгаа хийх. Энэ нь гэмтэл ихтэй маш хүнд хагалгаа бөгөөд судасны мэс засалчийн нарийн ур чадвар шардагдана.

    – Элэг нөхөн суулгах.

    ?

    1. Та стресстэй байгаа юм биш биз?

      1. Вашингтон хотын их сургуулийн эрдэмтэд “ажлын өдрүүдэд илүүтэй өвдөх нь таныг стресстэй байгааг илтгэх шинжүүдийн нэг” гэж үзжээ. Хэрэв танд уг шинж илэрч байвал ажлын өдрүүдэд нойроо хангалтай авч, илчлэг, эрдэс бодисоор баялаг хоол хүн...
      Date2015.10.27 ByOLNO_DO Views177
      Read More
    2. Элэгний хатуурал буюу цирроз гэж юу вэ?

        Архи уусаар байгад элэгний циррозтой болчихсон гэнэ ээ гэх яриаг та лав энд тэнд явж байгаад сонсож байсан биз. Үнэхээр ч согтууруулах ундаа, түүний дотор архийг хэтрүүлэн хэрэглэх нь элэгний циррозд хүргэх аюултай юм. Гэвч хүмүүс энэ аймш...
      Date2015.10.27 ByOLNO_DO Views724
      Read More
    3. Урьдчилан сэргийлье

      Монгол хүний нас баралтын тэргүүлэх шалтгааны эхний гуравт элэгний өвчлөл орсон. Жил ирэх тусам элэгний өвчнөөр өвдөж,  улмаар амиа алдах хүмүүсийн тоо буурахгүй байгаа энэ үед та сайн дурын дархлаажуулалтад хамрагдсанаар аюулаас өөрийгөө а...
      Date2015.10.27 ByOLNO_DO Views332
      Read More
    4. Өтгөн хаталтыг гэрийн нөхцөлд эмчлэх энгийн аргууд

      Цардуул ихтэй шарсан хуурсан хурц хоол хүнс ихээр хэрэглэснээр бүдүүн гэдсэнд аажмаар хуралдсан хаг хусам нь  ус, тос, спирт, эфирийн тосны алинд ч үл уусдаг байна. Ямар ч хүнсний зүйл 24 цагаас цааш хэт ялзарч улмаар бүдүүн гэдсийг өвчлүүл...
      Date2015.10.27 ByOLNO_DO Views1582
      Read More
    5. Цагаан идээ хүний биед ихээхэн ач тустай. Элэгний аливаа өвчинд хонины сүүний ээзгий идэх,

      Цагаан идээ хүний биед ихээхэн ач тустай. Элэгний аливаа өвчинд хонины сүүний ээзгий идэх, эзгийний өтгөн шар сүүг байнга уухад эмийн дээд болдог аж. Мөн уг өвчинд цагаан ямааны тараг сүү, хөхний сүү өндөр ач тустай байдаг аж. Мөн ямар ч мал...
      Date2015.10.27 ByOLNO_DO Views1161
      Read More
    6. Сексээр эмчилж болох 15 өвчин

        Толгойны өвчнөөс эхлүүлээд даралт ихсэхийг хүртэл эрүүл мэндэд тохиодог олон эмгэгийг сексээр эмчилж болно гэдгийг та мэдэх үү. Гэтэл эрдэмтэн судлаачид удан хугацааны судалгаа,  туршилт, ажиглалтын явцад үүнийг баримтаар нотолсон байна. ...
      Date2015.10.27 ByOLNO_DO Views1394
      Read More
    Board Pagination Prev 1 ... 21 22 23 24 25 26 27 28 29 30 Next
    / 30

         Радио Нийтлэл

         SOCIAL - СОНИН ХАЧИН