16a92b2ce62781c7a5e5ef44ec9a6bd4.jpg

           Өнөөдөр дэлхийн эмч нарын баярын өдөр. Энэхүү баяртай зэрэгцэж нэгэн таатай мэдээ дуулгахад “Эрүүл энхийн түүчээ” ТББ, ГССҮТ-ийн түлэнхийн нөхөн сэргээх тасагтай хамтран “Нэг гэр бүл, нэг амь” үндэсний зорилтот сайн үйлсийн хандивын аянг гуравдугаар сарын 23-наас дөрөвдүгээр сарын 5-ны өдрүүдэд зохион байгуулж байна.

Энэхүү аяны зорилго нь Монгол улсын хэмжээнд ганцхан байдаг ГССҮТ-ийн түлэнхийн нөхөн сэргээх тасагт олон улсын стандартад нийцсэн тоног төхөөрөмжийг хандивлах, түлэгдэлт өвчинтэй тэмцэж буй бидний ирээдүйн болон бяцхан хүүхдүүдэд итгэлийн гараа сунгах билээ.

97e8b69c0c71172dc9b3b8d3c3e59d7c.jpg

Сүүлийн үед бага насны хүүхдүүд халуун тогоонд түлэгдэж, ГССҮТ-д хүргэгдэн ирэх нь эрс ихэссэн. Эцэг эхчүүд, асран хамгаалагчын хайхрамжгүй байдлаас болж бяцхан үрс минь эрүүл мэнд, гоо сайхан, ирээдүйгээрээ хохирч үлдэж байгаа нь нууц биш.

Стандартад нийцсэн тоног төхөөрөмж авахад нийт 150 сая төгрөг шаардлагатай гэнэ. Иймд аяны хүрээнд хандив цуглуулан дээрх үнэ бүхий тоног төхөөрөмжийг авах учир эрүүл мэндийн салбарт, тэр дундаа ирээдүй болсон бяцхан үрсийнхээ эрүүл мэндэд хөрөнгө оруулалт хийцгээе.

a6cd1c82c7054d50703ee787bdfaa470.jpg

Эх сурвалж: www.TODAY.mn
 
profile