Шингэн алт хэмээгддэг зөөлөн амттай шинэхэн зөгийн бал нь цай, кофе, лемонтой ус, самрын тостой талх тэргүүтэнтэй төгс зохицдог билээ. Савлагаагүй, нэмэлт орцгүй зөгийн бал нь антиоксидантаар баялаг төдийгүй, нян, халдвар, мөөгөнцрийн эсрэг шилдэг бүтээгдэхүүн юм. Мөн өөртөө байгалийн сахар, В2, В3, В12, С витамин болон кальци, төмөр, кали, фосфор, магни зэргийг агуулдаг. Та доорх аргуудаас зөгийн балны гайхамшигт чанар, ач тусын тухай илүү ихийг мэдэж аваарай. 

expand.svg

Зөгийн балны итгэмээргүй 10 ач тус

 

Зөгийн бал бол хамгийн эртний хүнсний бүтээгдэхүүнүүдийн нэг юм. Түүнчлэн зөгийн балыг зуун зууны туршид, олон янзын соёл иргэншлийн үед хүнсний болон эмчилгээний зорилгоор хэрэглэсээр ирсэн юм.Тухайлбал, анх 2400 жилийн өмнө Египетэд зөгий үржүүлж байв.Гоо үзэсгэлэнгээрээ нэр алдраа дуурсгасан Клеопатра хүртэл зөгийн балтай сүүнд орж, хөгшрөлтөөс арьсаа хамгаалдаг байжээ.

 

 

1. Шарх, сорвийг анагаах

 

Хэрвээ та биеийнхээ аль нэг хэсэгт хөнгөн шархадсан бол элдэв янзын эм, цацлагаас урьтаад зөгийн балыг хэрэглээд нэг үзээрэй. Зөгийн бал бол байгаль эхийн бидэнд өгсөн нян, бичил биетийн эсрэг хамгийн шилдэг эм юм. Дэлхийн шинжлэх ухааны сэтгүүлийн 2011 оны нийтлэлд дурдсанаар, зөгийн бал нь шархыг түргэн хугацаанд анихад тусладаг бөгөөд халдвар тарахаас сэргийлдэг байна. 

  • Шархыг эмчлэхдээ цэвэр зөгийн балыг самбайнд түрхэж, ороох хэрэгтэй. Шарх тань гүн бол өдөрт хэд хэдэн удаа иймэрхүү боолт хийх нь зүйтэй. 

 

expand.svg

Шарх, сорвийг анагаах

2. Бага зэргийн түлэгдэлтийг эмчилнэ

 

Гал тогоонд хоол хийх, гал ноцоох гэх мэт үед түлэгдэх тохиолдол цөөнгүй бий. Цэвэр зөгийн бал нь арьсыг зөөлрүүлж, эмчлэх болон халдварын эсрэг хамгийн тустай бүтээгдэхүүн юм. Арьс, гоо сайхны эмчилгээний тухай сэтгүүлд гарсан 2011 оны нийтлэлээс харвал, зөгийн бал нь түлэгдэлтийн болон түлэгдэлтийн дараах шархыг түргэн хугацаанд ариутгаж, эдгэрэх үйл явцыг хурдасгаж, шархыг газар авахаас сэргийлдэг ажээ. 

 

expand.svg

Бага зэргийн түлэгдэлтийг эмчилнэ

3. Хоолой өвдөж, ханиалгасан үед:

 

Хэрвээ таны хоолой өвдөж, ханиалгаж байгаа бол халбага зөгийн бал хамгийн сайн эм байх болно. Дэлхийн эрүүл мэндийн байгууллага болон Америкийн хүүхдийн өвчин судлалын хүрээлэнгээс ханиад томууны үед зөгийн бал хэрэглэхийг зөвлөж байна. 

Зөгийн бал нь ханиалгыг намдаан, хамраас нус гоожихыг зогсоох, хоолой чийгшүүлэх зэрэг үүрэгтэй юм. Унтахаасаа өмнө нэг цайна халбага зөгийн балыг хэрэглэх нь димедролоос ч илүү үр дүнтэй байдаг гэнэ. Мөн нярай хүүхдийн ханиалганы үед ч бас энэ аргыг хэрэглэдэг.

  • Хоолойн өвчнийг эмчлэхийн тулд та халбага зөгийн балыг нэг аяга халуун сүү эсвэл цайнд хийж, өдөрт 2 удаа уувал үр дүнтэй.

 

expand.svg

Хоолой өвдөж, ханиалгасан үед:

4. Нойргүйдлийн үед:

 

Шөнө тайван унтаж амрахад ч бас зөгийн бал үр дүнтэй. Унтахаасаа өмнө зөгийн бал идвэл элгэнд шим тэжээл өгч, тархины үйл ажиллагааг хэвийн явуулахад нөлөөлснөөр таныг сайхан амрахад туслах болно. 

Мөн зөгийн бал нь инсулины ялгаралтыг идэвхжүүлж, тархийг "триптофан" хэмээх амин хүчлээр хангадаг. Ингэснээр хүнийг унтах үед ялгардаг "мелатонин" хэмээх дааврыг ялгаруулаг байна. 

 

expand.svg

Нойргүйдлийн үед:

5. Харшлыг намдаана

 

Хэрвээ танд харшлаас үүдэлтэй нүд загатнах, нулимс гоожих, хамар шуугитнах, хоолой өвдөх, ханиах, толгой өвдөх, хэвийн амьсгалахад хүндрэл учрах гэх мэт шинж тэмдгүүд илэрсэн бол савтай зөгийн бал байхад л хангалттай. Зөгийн бал хэрэглэснээр, харшлыг өдөөж буй ургамлын тоосыг эсэргүүцэх дархлааг бий болдог.

Харшил үүсгэгч ургамлуудаас тоос хүртсэн зөгийн бал нь илүү үр нөлөө үзүүлдэг. Ялангуяа хус модны цэцэгсээс тоос хүртсэн зөгийн бал нь бусдаасаа эмчилгээний чанараараа илүү байдаг байна. Харшлын үед зөгийн балыг өдөр бүр хэд хэдэн халбагаар тогтмол хэрэглэх хэрэгтэй. 

 

expand.svg

Харшлыг намдаана

6. Шарталтын эсрэг

 

Согтууруулах ундаа хэтрүүлэн хэрэглэснээс болж, өглөө сэрэхэд толгой хүчтэй өвдөх нь шарталтын гол шинж тэмдэг билээ. Энэ үед танд аспиринаас илүү зөгийн бал гайхалтай нөлөө үзүүлэх болно. Зөгийн баланд агуулагддаг "фруктоз" (зөгийн бал жимс зэрэгт агуулагддаг байгалийн сахар) нь танд эрч хүч өгч, алхоголийг түргэн хугацаанд бодисын солилцоонд оруулж, гадагшлуулахад тусладаг байна. 

Шарталтын үед зөгийн балыг хэрэглэхдээ шарсан талх, эсвэл сахаргүй жигнэмэгэн дээр түрхэж идсэнээр таны бие алхоголь болон бусад хорт бодисыг түргэн хугацаанд гадагшлуулна. Мөн аяга нимбэгтэй усанд хийж ууснаар үр дүнгээ өгөх болно. 

 

expand.svg

Шарталтын эсрэг

7. Ходоодны шархыг эмчилнэ

 

Зөгийн бал нь хеликобактериас үүдэлтэй ходоодны шархыг эмчилнэ. Ялангуяа цэвэр зөгийн бал нь бактерийн өсөлтийг сааруулж, ходоодны хананаас зайлуулдаг байна. Бид зөгийн балыг бактерийн эсрэг хүчтэй нөлөө үзүүлдгийг дээр дурдсан билээ. 

Султан Кабоос их сургуулийн анагаах ухааны сэтгүүлд бичсэнээр зарим төрлийн зөгийн бал нь хеликобактерийг устгах онцгой нөлөөтэй байдаг байна. 

Мөн зөгийн бал нь ходоодны салст бүрхүүлийн үрэвслийг дарах устөрөгчийн хэт ислийн ялгаралтыг нэмэгдүүлдэг байна. Эдгээр өвчнүүдийг эмчлэхийн тулд та өдөр бүр нэг халбага цэвэр зөгийн бал идэхэд л хангалттай. 

 

expand.svg

Ходоодны шархыг эмчилнэ

8. Хайрст үлдийг эмчилнэ

 

Хайрст үлд бол нийтлэг тохиолддог арьсны өвчин бөгөөд арьсыг улайлгах, цэврүү үүсгэх, загатнуулах, арьс хуулрах гэх мэт шинж тэмдгүүдээр илэрнэ. 

Энэ өвчний үед зөгийн балыг хэрэглэснээр, арьсны өнгөн хэсгийг чийгшүүлж, эдгэрэх үйл явцыг түргэсгэдэг байна. Мөн зөгийн баланд үрэвслийн эсрэг үйлчилгээтэй бодисууд агуулагддаг бөгөөд дархлааны системийг дэмждэг байна. Канука хэмээх зөгийн бал нь хайрст үлдийн үед хэрэглэдэг гелэн түрхлэгтэй ижил нөлөө үзүүлдгийг эрдэмтэд нотолжээ. 

 

expand.svg

Хайрст үлдийг эмчилнэ

9. Үс арчилгаанд:

 

Зөгийн балны чийгшүүлэх үйлчилгээ нь таны үсийг зөөлөн, торго мэт намирахад туслах бөгөөд хуйхны хүчил шүлтийн орчныг тэнцвэржүүлэхэд тусалдаг байна. Савлагаагүй, цэвэр зөгийн бал нь хуйханд тэжээл өгч, үс уналтыг зогсоодог.  Та долоо хоног бүр зөгийн балыг доорх аргаар хэрэглэснээр үс уналттай хэзээ ч дахин нүүр тулахгүй. 

  • Үсээ шампуниар угаасны дараа үснийхээ өнгөн хэсэгт зөгийн бал түрхээд хэсэг байлгасны дараа угаана. Үсээ угаах болгондоо энэ аргыг хэрэглэснээр таны үс хэзээ ч хатуурч, гэмтэхгүй.
  • Өөр нэг арга бол нэг цайны халбага зөгийн балыг нэг сав усанд хийж, үсээ угаасныхаа дараа хэрэглэж, сэнс хэрэглэхгүйгээр хатаах хэрэгтэй.
  • Үс уналтын үед нэг халбага зөгийн балыг нэг халбага сонгины шүүстэй холиод үснийхээ уганд түрхэж, 30 минутын дараа үсээ угаана. Та энэ аргаар долоо хоногт 2 удаа үсээ тогтмол угаавал үс уналтаас үүрд ангижрах болно. 

 

expand.svg

Үс арчилгаанд:

10. Ой санамжийг сайжруулна

 

Зөгийн бал нь хүний богино болон урт хугацааны ой санамжийг сайжруулахад тусалдаг байна. Ялангуяа эмэгтэйчүүдийн цэвэршилтийн үед өндөр үр нөлөөтэй. 

Цэвэршилтийн тухай 2011 оны судалгаанаас үзвэл "туаланг" хэмээх зөгийн балыг 16 долоо хоногийн турш цэвэршилт явагдаж буй эмэгтэйчүүдэд хэрэглүүлж үзэхэд тэдний богино хугацааны ой санамж нь дааврын эмчилгээ хийлгэсэн хүмүүсээс хэд дахин илүү байжээ. 

"Туаланг" зөгийн балыг хэрэглэх арга нь:

- Өглөө бүр 1-2 халбага, мөн өдөр эсвэл орой хагас халбагыг уух гэх мэтээр тогтмол хэрэглэвэл илүү үр дүнтэй байна. 

 

expand.svg

Ой санамжийг сайжруулна

 

Зөгийн бал бол маш олон талын ач тустай байгалийн цэвэр бүтээгдэхүүн юм. Та дээрх аргуудыг ойр дотны хүмүүстээ ч мөн амжиж дуулгаарай!

 

http://www.caak.mn/view/8272126/

profile