“Иргэн 2014” нэгдсэн системийн нэмэлт ажлын нээлт боллоо

Өнөөдөр /2016.02.25-нд/ Баянзүрх, Чингэлтэй, Сүхбаатар дүүргийн иргэний хэргийн анхан шатны шүүхэд "Иргэн 2014” нэгдсэн системийн нэмэлт ажлын нээлтийн үйл ажиллагаа боллоо. Тус арга хэмжээг Шүүхийн ерөнхий зөвлөлийн Гүйцэтгэх нарийн бичгийн дарга Т.Мэндсайхан нээж, системийн танилцуулгыг Шүүхийн мэдээллийн технологийн хэлтсийн дарга Д.Мөнхзориг хийв.

“Иргэн 2014” нэгдсэн системийн нэмэлт ажлын нээлт боллоо

Баянзүрх, Чингэлтэй, Сүхбаатар дүүргийн иргэний хэргийн анхан шатны шүүхийн Ерөнхий шүүгч, шүүгчид, Монголын хуульчдын холбооны төлөөлөл, Өмгөөлөгчдийн холбооны удирдлагууд оролцсон тус ажиллагаанд иргэд шүүхээс байнга асуудаг мэдээллийг өөрийн кодоор интернэтээр үзэх боломж бүрдсэнийг дэлгэрэнгүй танилцууллаа.

“Иргэн 2014” нэгдсэн системийн нэмэлт ажлын нээлт боллоо

Ингэснээр хэргийн оролцогчид интернетийн сүлжээг ашиглан irgen.civilcourt.mn хаягаар хандаж өөрийн хэргийн талаар доорх мэдээллийг үзэх боломжтой. Үүнд:

  • Хэргийн оролцогч иргэний хэрэг хянан шийдвэрлэх ажиллагааны мэдэгдэх хуудас хүргэгдсэн эсэх;
  • Хариуцагчид нэхэмжлэлийн хувийг хэзээ гардуулсан;
  • Хариуцагч хариу тайлбар ирүүлсэн эсэх;
  • Хэрэг хянан шийдвэрлэх ажиллагааны хугацаа;
  • Хэргийн оролцогчдоос хүсэлт гаргасан эсэх;
  • Хэргийн оролцогчдоос нотлох баримт гаргасан эсэх;
  • Хэрэг хянан шийдвэрлэх ажиллагааг түдгэлзүүлсэн эсэх;
  • Хэрэг хянан шийдвэрлэх ажиллагааг сэргээсэн эсэх;
  • Шүүх хуралдаан товлогдсон эсэх;
  • Хэргийн материалтай талууд танилцсан эсэх;
  • Хэргийн оролцогчдод шүүх хуралдааны тов мэдэгдсэн эсэх;
  • Шүүх хуралдаан дууссан буюу хойшилсон эсэх зэрэг мэдээллийг хэн нэгний туслалцаагүйгээр хүссэн газраасаа мэдэх болж байгаа юм.

Монгол улсын анхан шатны шүүхээр шийдвэрлэгдэж байгаа нийт хэрэг маргааны 80 гаруй хувийг иргэний хэрэг дангаараа эзэлдэг. Шүүхийн үйл ажиллагааг цахимжуулах, түргэн шуурхай болгох зорилгоор нэхэмжлэл хүлээн авахаас эхлээд анхан, давж заалдах болон хяналтын шатны шүүхээр эцэслэн шийдвэрлэгдэх хүртэл бүх процессыг бүртгэдэг нэгдсэн системийг 2014 оноос хойш ашиглаж ирсэн.

“Иргэн 2014” нэгдсэн системийн нэмэлт ажлын нээлт боллоо

Энэ нь иргэний шүүхийн нээлттэй үйл ажиллагааны нэг хэлбэр бөгөөд мэдээлэл лавлагааны ажилтан, шүүгчийн туслахын ажлын ачааллыг бууруулж, иргэдэд ойртсоноороо Монгол улсын шүүхийн мэдээллийн технологийн шинэчлэлийн бодит үр дүн юм.

“Иргэн 2014” нэгдсэн системийн нэмэлт ажлын нээлт боллоо

Шүүхийн хэвлэл мэдээлэл, олон нийттэй харилцах хэлтэс

Эх сурвалж: www.TODAY.mn