choir%2012475.jpg

Монгол Улсын Ерөнхийлөгчид Монгол Ардын Намаас нэр дэвшигч Миеэгомбын Энхболд өнөөдөр Говьсүмбэр аймаг дахь Чойр зангилааны хамт олон, иргэд, сонгогчидтой уулзлаа.

Чойр зангилаа нь таван аймгийн нутгийг хамардаг. 253 км төмөр зам үргэлжлэх бөгөөд 1026 төмөр замчин ажиллаж хөдөлмөрлөж байгаа юм. Монгол Улсын экспортын голлох түүхий эд болох төмрийн хүдэр жонш, нүүрсний ачилтыг мөн энэ хамт олон зохион байгуулж ажилладаг ажээ. Тэд 2017 он гарсаар 30 мянган вагонд хоёр сая тонн орчим ачаа ачиж тээврийн орлогыг 22 тэрбумд хүргэсэн байна. Энэ хамт олонтой Монгол Улсын Ерөнхийлөгчид Монгол Ардын Намаас нэр дэвшигч Миеэгомбын Энхболд уулзаж мөрийн хөтөлбөрөө танилцуулж, санаа бодлыг нь сонслоо.



Төрийн зүгээс төмөр замчдаа дэмжих бодлогуудыг мөн авч хэрэгжүүлж ажиллаж байгааг хэлсэн юм. Монгол Улс тав дахь Төрийн тэргүүнээ сонгох хариуцлагатай энэ сонгуульд ганзамчид Монгол Ардын Намаас нэр дэвшигч Миеэгомбын Энхболдыг дэмжиж байгаагаа илэрхийлж, уулзалтын төгсгөлд нэр дэвшигчийн сонгуулийн ажилд нь өндөр амжилт хүсэхийн зэрэгцээ “Эвтэй Монгол ялж, Миеэгомбын Энхболд Монгол Улсын тав дахь Ерөнхийлөгч болно гэдэгт бид огтхон ч эргэлзэхгүй байна” гэлээ.



 

profile