Вашингтоны засаг захиргаа БНАСАУ-ын зүгээс учирч буй цөмийн аюулыг арилгахын тулд дипломатын хийгээд эдийн засгийн арга хэмжээний зэрэгцээ цэргийн хүч хэрэглэхэд бэлэн байна. АНУ-ын ерөнхийлөгч Дональд Трамп францын төрийн тэргүүн Эммануэль Макронтай утсаар ярихдаа ингэж мэдэгдсэнийг Цагаан ордны хэвлэлийн албанаас тараасан мэдээнд ингэж дурджээ.

 

Хоёр ерөнхийлөгч Солонгосын хойгт бий болсон байдлыг хэлэлцээд, байдал улам аюултай болж байгааг дурдаж, НҮБ-ын Аюулгүйн Зөвлөлөөс Пхеньяны эрх баригчдын эсрэг авсан хориг арга хэмжээний горимыг сахиулахаар ажиллахыг холбоотнууд болон түншүүдтэйгээ тохиролцсоныг тэмдэглэж байна.

 

Гуам арал дахь америкийн цэргийн баазад цохилт өгөх юмуу цэргийн шинжтэй бусад ямарваа түрэмгийлэл үйлдэхгүй байхыг Трамп наймдугаар сарын 11-нд БНАСАУ-ын удирдагчид сануулсан юм. “Хэрвээ Ким Чен Унбиднийг дахин сүрдүүлэх юмуу АНУ-ын нутаг дэвсгэрийн эсрэг ямар нэг үйлдэл хийвэл,тэр тун удахгүй үүндээ харамсах болно” гэж Трамп хэлжээ.

 

Умард Солонгосын 3,5 сая оршин суугч АНУ-ын эсрэг тулалдахын тулд цэрэгт татагдах юмуу цэргийн албанд буцаж очихыг хүсч байгаагаа илэрхийлснийг БНАСАУ мэдэгдэж байна.

 

Японы баруун нутагт пуужингийн довтолгооноос эсэргүүцэн хамгаалах систем байрлуулсныг телевизийн NHK компани өнгөрсөн бямба гарагт мэдээлжээ.

 

Умард Солонгос америкийн цэргийн “Андерсен” болон “Апра-Харбор” бааз байрладаг Номхон далай дахь Гуам аралд цохилт өгнө хэмээн сүрдүүлсний дараа Японы тал ийм арга хэмжээ авсаныг тэмдэглэж байна.

 

С.Инда