Радио Нийтлэл







  • Тарковский.jpg

    Андрей Арсеньевич 1986 оны 4 сарын 28-ны өдөр Парис дахь байрандаа хэвтэн эмчлүүлж байхдаа энэ ярилцлагыг “Nouvelles Clés” сонинд өгчээ. Урлагийн түүхэнд асар хүнд нөхцөл байдалд өөрийн гэсэн дуу хоолойгоо хүчтэй илэрхийлсэн сод кино бүтээлүүд туурвисан түүн шиг уран бүтээлч тун бага.

     

    Хүн төрөлхтөн таны урмыг хугалж буй бололтой. Бид таны киног үзэх үедээ өөрсдийгөө хүн гэдгээс бүр ичих ч шиг болох юм. Худгийн гүнд гэрэл өчүүхэн ч чинээ гялбалзаж байгаа болов уу?

    Өөдрөг болон гутранги үзлийн талаар маргалдах нь мунхаг хэрэг. Зүгээр л бидний гаргаж ирсэн хий хоосон ойлголтоос өөр юу ч биш. Улстөрийн болон бусад идеологийн шалтгаанаас болоод өөрсдийгөө өөдрөг үзэлтнүүд гэх хүмүүс олон. Гутранги хүн гэгч нь мэдээлэл сайтай өөдрөг үзэлтэн гэдэг орос үг бий. Өөдрөг үзлийн байр суурь нь идеологийн хувьд тэр чигтээ хорон, худал өнгө үзэмжээр халхлагч, шударга үнэнийг үгүйсгэгч. Харин үүний эсрэгээр хүн байхын нэг давуу тал бол итгэл найдвар. Хүн итгэл найдлагаар дүүрэн төрдөг. Иррациональ шинжээс нь болоод итгэл найдвараа бодит байдлын өмнө гээж хэрхэвч болохгүй. Ямар ч учир шалтгаалцлын эсрэг хүнд урам зориг өгөх чадалтай зүйл бол найдвар. Тертуллиан нэгэнтээ хэлсэн юм, түүний зөв ч гэж бодож байна: “Би найдах ямар утгагүй гэдгийг мэддэг болохоор л найддаг”. Итгэл найдвар өнөөгийн олиггүй нийгмийн өмнө улам л хүчээ авах хандлагатай байгаа. Учир нь гоё сайхан биш аюумшигт гай зовлон гэгч нь хүний итгэл найдварыг өрдөгч гол хүчин зүйл юм.

    Та яагаад өөрийн “Солярис” кинондоо дургүй байдаг юм бэ? Энэ кино таны хувьд үйл зовлон тээгээгүй учраас тэр үү?

    Уг кинонд ухамсрын биежих ойлголтыг сайтар илэрхийлсэн гэж би боддог. Асуудлын гол нь орчин үеийн багаж хэрэгсэл, технологи нь миний хувьд хүн төрөлхтний алдаа мадгийн бэлгэ тэмдэг. Орчин үеийн хүн өөрийн бүтээсэн материаллаг зүйлст хэт их автаж, бодит байдлын прагматик талд анхаарлаа хандуулалгүйгээр амьдрах чадалгүй болж. Юу барьж идэхээ мэдэхээ байсан махчин араатан адил. Трансценденталь ертөнцийг сонирхох хүмүүс эрс буурсан нь харамсалтай. Хүмүүн гэгч ердөө чийгийн улаан хорхой мэт боломжит бүхнээ хэрэглээд ардаа ялгадас үлдээдэг өт болон хувираад байна. Хэзээ нэгэн цагт дэлхий нийтийн нөөц дууслаа гэвэл гайхаад байх зүйл алга. Бодол оюун хийгээд байгалийн материаллаг эд зүйлсийн хоорондын шүтэн барилдлагыг гээсэн анхдагч асуудлаа шийдэхгүй бол ирээдүйд огторгуйн хаа нэг тийш нүүгээд ч ямар хэрэг байх билээ...

    Орчин үеийн хөгжил дэвшил гээд байгаатай хэр санал нийлж байна?

    Хоёр завины аль алин дээр хоёр хөлөөрөө тэгнээд зогсож байгаа хүнтэй ижил байдалд хүн төрөлхтөн ороод байна. Эхний завь чигээрээ явж байхад, өнөөх нь баруун тийш явна. Ийм тохиолдолд хоёр завийг тэгнэсэн хүн удалгүй усанд унах нь ойлгомжтой. Хүн төрөлхтөн өөрсдийгөө хуурч байна гэдгээ ухаарахгүй л юм бол ихээхэн баргар ирээдүй биднийг хүлээж байна. Унтахаасаа өмнө мэдэлгүй гараа шалбалсан гемофиль өвчтэй хүн нойрондоо цус алдаж үхдэг гэдэг. Үүнээс  сэргийлэхийн тулд урлаг хүмүүсийг сэтгэл оюуны бодгаль гэдгийг нь ойлгуулах учиртай. Эд бараан дунд толгойгоо мэдүүлэлгүй оюун санааг дээдлэх асуудалд санаа зовж эхлэх л юм бол хүн төрөлхтөн аврагдана. Хариулт нь ямар байх хамаагүй. Дээрх асуудлыг л олон нийтээрээ анхаарч эхлэвэл бид хэзээ ч өмнөх шигээ амьдрахгүй.

    Хачирхалтай санагдаж магад, таны кинонд дуртай хүмүүс Спилбергийн зөгнөлт кинонд дуртай байх нь бий. Спилберг хүүхдүүдэд их хайртай. Та түүний зарим киног үзсэн үү? Тэр хүний талаар юу гэж боддог вэ?

    Энэ асуултыг тавьснаараа та кино найруулагч л бол хэн нь ч хамаагүй юм гэж байх шив. Спилберг, Тарковский... таны хувьд бүгд л адилхан юм байна. Буруу! Хоёр төрлийн кино найруулагч байдаг юм. Киног урлаг гэж ханддаг хүмүүс буюу өөртөө байнга хувийн асуулт тавьж байх нэгэн. Үйл зовлонг бэлэг, бүр үүрэг гэж үздэг тэр нэгэн уран бүтээлчид. Харин нөгөө төрлийн найруулагчид нь киног мөнгө олох хэрэгсэл гэж боддог юм. Арилжааны кино буюу жишээ нь “Харийн хүн“ киноны хувьд аль болох олон хүнд таалагдах хүүрнэлийг олж судалж бичээд, зургийг нь авсан хэрэг. Спилберг мөнгө олох зорилготой байсан тэрэндээ ч хүрсэн. Харин миний хувьд ийм зорилгын талаар ярина гэдэг утгагүй хэрэг.

    Нэг жишээ татъя, Москвад 10 сая гаруй хүн амьдардаг. Гэвч Чайковскийн танхим, Консерваторийн том болон жижиг танхим гэсэн сонгодог хөгжмийн гуравхан танхим бий. Москвагийн хувьд дэндүү цөөхөн ч гэлээ хүн бүр л сэтгэл хангалуун байна. ЗХУ-д хөгжим маш том үүрэгтэй байдгийг үгүйсгэх хүн байхгүй. Бодит байдал дээр энэ том урлаг оршин байгаа нь л хангалттай байгаа юм. Миний хувьд олон нийтэд зориулсан урлаг гэдэг шиг утгагүй зүйл үгүй. Дээд урлаг хэзээд дээд сэхээтнүүдэд зориулсан зүйл байсаар ирсэн. Хөгжим анх ард түмний дунд үүссэнийг бодолцох нь зүй хэрэг. Гэхдээ хүн бүрийн ойлгодог урлагийн тухайд яривал тал дээр ургадаг өвстэй л адил үнэ цэнэгүй. Урлаг дундаа ийм ялгаа байсны хүчээр шинэ хөдөлгөөний суурь тавигддаг юм.

    Гэхдээ ЗХУ-д та үнэхээр алдартай шүү дээ. Таны киног үзэхийг хүсвэл кассан дээр тулаан хийж байж үздэг гэх юм.

    Нэгдүгээрт, ЗХУ-д би бол “хориглогдсон” уран бүтээлч. Энэ нь л үзэгчдийн сонирхлыг татаад байгаа юм. Хоёрдугаарт, миний хөндөхийг хичээдэг сэдэв бүр хүний сэтгэлийн гүнээс угшилтай. Гуравдугаарт, миний кино бүтээлүүд зүгээр нэг хувийн илэрхийлэмж биш харин залбирал байдаг. Миний хувьд кино хийнэ гэдэг бол асар их баяр хөөрцөглөл, нэг ёсны амралт маань болдог. Үзэгчид өөрсдөд нь худал хуурмагаар бус шударгаар хандаж байгааг ямар нэг байдлаар мэдэж таардаг. Би энгийн харагдах, илүү сүрлэг мэдрэмж төрүүлэх, эсхүл ухаалаг царайлах гэж хичээсэн ямар ч хэл, хэллэгийг ашигладаггүй. Худал хуумгай кино үзэгчидтэй холбоо тогтоож чаддаггүй юм. Кинонд цаг хугацаа л гол үүрэгтэй. Би үзэгчдийг мангуу тэнэг амьтад гэж бодолгүй шударга, илэн далангуй кино хэлээр харилцаж, өөрийн тунгаасан бодол санааг л тэдэнд хүргэх гэж зорьж байгаа цагт үзэгчид ч миний хийж байгаа бүтээлд тэмүүлэх нь гарцаагүй.

    Та Солженицыны “Барууны ертөнц мөхөж байна, бодит байдал дорноос цэцэглэнэ” гэдэг үзэлтэй санал нийлдэг үү?

    Би энэ мэтийн элдэв зөгнөлөөс хол байдаг хүн. Үнэн алдартны шашинтны хувьд би Орос эх орноо сэтгэл оюуны гэгээрлийн эх нутаг гэж хайрладаг. Хэдий Орос нутгаа ахин харахгүй байлаа ч би эх орноо үгүйсгэхгүй. ЗХУ-д одоо шашны болон оюун санааны их сэргэлт тохиож байна. Энэ нь сайн үр дагавар дагуулах нь тодорхой. Харин гурав дахь арга замыг олох хэтэрхий хол байгааг би мэднэ.

    Та хэзээ өөрийнхөө хийх ёстой зүйлийг мэдэж, хүн төрөлхтний өмнөх хариуцлагаа ухамсарласан бэ?

    Бурхны өмнөх миний үүрэг хамгаас чухал. Дараа нь хүн төрөлхтний өмнөх хариуцлагыг үүрэх ёстой. Олон хүмүүсийн үзэл санааг уран бүтээлч л цуглуулж, нягтаршуулах нь бий. Өөрөөр хэлбэл уран бүтээлч бол хүн төрөлхтний дуу хоолой. Бусдаар бол уран бүтээлчийн амьдрал хүн төрөлхтний өмнөх хүч хөдөлмөр, боолчлогдол. Миний гоо зүйн болон ёс суртахууны байр суурь энэ үүргийн минь дагуу л тодорхойлогддог.

    Хэрвээ энэ хорвоогоос халихдаа тулвал хүмүүст хандаж юуг хэлэхийг хүсэх байсан бэ?

    Миний хэлэхийг хүссэн бүхэн кино бүтээлүүдэд минь шингэсэн байгаа. Мөн хэн ч бариагүй тавцан дээр заларч үг хэлнэ гэдэг миний хувьд боломжгүй зүйл.

    Та өөрийн “Цаг хугацаагаар урлахуй” номондоо “Барууныхан зогсоо зайгүй ийн орилно: хараач, би энэ байна, би хэрхэн тарчилж байгааг хараач, би өөртөө хайртай, би, би, миний..” хэмээсэн байдаг. Нэр хүндтэй уран бүтээлчийн хувьд бардамнал хэмээх асуудлаа хэрхэн шийдвэрлэсэн бэ?

    Би энэ асуудлыг шийдэж чадаагүй л явна. Гэхдээ надад дорнын соёл урлагийн нөлөө ихээхэн илэрч байгааг би өөрөө мэдэрдэг. Жинхэнэ дорнын хүн оршин буй бүхэнд өөрөөсөө чимээгүйхэн “бэлэг” хайрлан амьдардаг гэдэг. Гэтэл баруунд бол хэн нэгэнд хийсэн буянтай үйлээ хүмүүст харуулж, хэлж дуулгахыг илүүд үздэг. Ийм хүмүүсийг сэтгэл оюун дорой, хүн гэхэд хэцүү, хэтэрхий өрөвдөлтэй, гэнэн амьтад л гэж нэрлэвэл илүү тохиромжтой.

    Та яагаад “Хоффманны амьдрал” киног найруулахаас татгалзсан юм бэ?

    Би бүрмөсөн татгалзаагүй. Аанай хойшлуулсан хэрэг. “Амин тахилга” бүтээлийн зургийг авах нь надад илүү чухал байсан юм. “Хоффманны амьдрал” бол романтик бүтээл болж бүтэх тавилантай кино. Романтизм гээд байгаа энэ зүйл нь барууны үзэгдэл. Энэ бол халдварт өвчлөл. Романтицист эрин үе бол сэтгэл оюуны хувьд асар баян үе байсан. Гэхдээ романтикууд өөрсдийн хүч чадлаа зохистой хэрэглэж чадаагүй. Өнөөгийн романтизм нь харин юмс үзэгдлийг чимэглэхээс огт хэтэрдэггүй. Өөрөөр хэлбэл өөрөө өөртөө сэтгэл хангалуун бус байж, аргаа барсан үедээ л ийм кино хийх байх. Угтаа бол би шинэ бүтээл дээрээ ажиллах бүртээ өөрийгөө мөн шинээр бүтээдэг. Би ямар нэгэн ертөнц бүтээгээгүй, өөрийгөө л бүтээдэг.

    “Амин тахилга” киноны эцэст яагаад “Ертөнцийн үүслийн эхэнд үг оршин байсан юм” гэж хэлдэг билээ?

    Бид үйл үгийг үнэхээр доромжилж байна. Үйл үг үнэн үедээ хэзээ ч ид шидийн хүчийг агуулдаггүй. Өнөө үед бодлоо нуухын тулд үйл үгийг их ашиглах болж. Африкт худал хэлэх тухай огт мэддэггүй омог байгааг нээсэн баримт бий. Цагаан арьстнууд худал хэлэх талаар хичнээн тайлбарлаад ч тэд ойлгоогүй гэдэг. Тэрхүү омгийн оюун сэтгэлийг ойлгох гээд хичээ л дээ. Тэгвэл яагаад бүхний эхэнд үг байсныг ойлгох болно. Үйл үгийн нөхцөл байдал тухайн үеийнхээ хүн төрөлхтний нөхцөл байдлыг илтгэдэг. Өнөө цагт үйл үг болон илэрхийлэх утга санааны хоорондын ялгаа улам ихэссээр л байна. Үнэхээр хачирхалтай. Миний хувьд энэ бол оньсого.

    Бид дэлхийн төгсгөлийн үед амьдарч байна уу эсвэл хүн төрөлхтний төгсгөл ирж байна уу?

    Цөмийн дайн дэгдвэл яах билээ гэж үү? Ялалт чөтгөрийнх ч биш болж таарна. Үнэндээ шүдэнзээр тоглож байгаад гэрээ шатаасан хүүхэд адил нөхцөлд л унах болно. Оюун санааны хувьд хүн цөмийн бөмбөгөө хариуцах чадалгүй түвшинд байна. Өөрсдөд нь ахадсан хариуцлага шүү дээ. Хүн төрөлхтөн өнгөрсөн түүхээсээ суралцах хэрэгтэй. Гэвч түүхээ сөхөн харвал хүн төрөлхтөн хэзээ ч түүхээсээ суралцаж байгаагүй гэдгийг ойлгодог. Ихээхэн гутранги дүгнэлт ч гэлээ хүмүүс өөрсдийн алдаагаа дахин дахин давтсаар л байх юм. Үнэхээр аймшигтай бөгөөд ойлгомжгүй үзэгдэл. Бидний өмнө сэтгэл оюуны хувьд дээд түвшний урлагийн бүтээл туурвиснаар хүн төрөлхтний түүхийг шинэ түвшинд хүргэх шаардлага тулгараад байна. Мөн хамгийн чухал нь мэдээллийн эрх чөлөө. Зөв мэдээлэл хүн төрөлхтнийг соён гэгээрүүлэх хамгийн эерэг хэрэгсэл. Үнэн мөнийг хааж хавчихгүй байх нь эрх чөлөөний эхлэл.

     

                                                                                 эх сурвалж: http://artfilm.mn/journal/article/113/

    ?

    1. Нийтлэлч М.Саруул-Эрдэнэ - Гэйвин О’Коннор: Цус инээдэм хоёрыг кинонд хослуулж болно, Гэхдээ...

      Найруулагч Гэйвин О'Коннор, жүжигчин Бэн Аффлек хоёр, "Нягтлан бодогч" киноны зураг авалтын үеэр. Холлиувүүдийн нэрт найруулагч Гэйвин О’Коннор өнгөрсөн Пүрэв гараг буюу 10 сарын 7-ны өдөр Вашингтон Ди Си хотноо хүрэлцэн ирж, сэтгүүлч голду...
      Date2017.06.08 ByMөөг Views195
      Read More
    2. "Де Факто" эдийн засагч, нийтлэлч Д.Жаргалсайхан: “Монголчилсон” засаглалын гацаа

      Хүн бүр ижил тэгш эрхтэй, аз жаргалтай амьдрахын төлөө төрдөг. Ямар ч хүн ажил хийгээд, бүтээснээ борлуулаад, орлогоороо хэрэгцээгээ хангаж, боловсорч хөгжөөд, дуртай газраа аялаад, үр хүүхдээ мөн л тэгж хүмүүжүүлж аз жаргалтай амьдрах учир...
      Date2017.06.07 ByMөөг Views292
      Read More
    3. Нийтлэлч Баабар: Монголчууд нийтээрээ мутацид ороод хомо сапиэнс биш болжээ.

      ХЭҮК-оос “Хүүхдийн эрхийн хэрэгжилтэд ахиц дэвшил гаргах нь” сэдэвт зөвлөлдөх уулзалт зохиожээ. Тус байгууллагын комиссын гишүүн доктор профессор нэгний илтгэснээр монгол хүүхдүүдийн 82,8 хувь нь ямар нэг байдлаар хүчирхийлэлд өртсөн ба най...
      Date2017.06.06 ByMөөг Views347
      Read More
    4. Зохиолч, нийтлэлч Б.Наминчимэд: Зузаан түрийвчтэй ч оюун санааны хувьд гуйлгачин хэсгээ бид элит гэдэг

      20 боть роман бичнэ гэдэг миний хувьд боломжгүй, бас солиотой явдал - Саяхан хэвлүүлсэн “Аугаа эрин: Хөх илдний очис” роман тань уншигчдын төдийгүй мэргэжлийнхний ч анхаарлыг татаж байна. Энэ романаа бичих санаа хэзээ гарав?  - 2004 онд “Ху...
      Date2017.06.05 ByMөөг Views308
      Read More
    5. www.unread.today - Номын хэсгээс булан: Кал Ньюпортын "Гүн төвлөрч ажиллах нь" номын тухай

        Жоржтауны Их Сургуулийн компьютерийн шинжлэх ухааны профессор, зохиогч Кал Ньюпортын бичсэн Deep Work бол бүтээлч сэтгэлгээ шаардсан ажилд гүн төвлөрч, илүү бүтээмжтэй ажиллах тухай өгүүлсэн ном билээ. Deep work буюу гүн төвлөрч ажиллах ч...
      Date2017.06.02 ByMөөг Views250
      Read More
    6. www.unread.today - Номын хэсгээс булан: "Tools of Titans" номын хэсгээс: Бусдад тусалснаар өөртөө туслах "Зотон даавуун стратеги"

        Өнөөдөр бид Тим Феррисийн "Tools of Titans" номоос нэгэн өгүүллийг орчуулан хүргэж байна. Энэ бол "The Obstacle Is the Way", "Ego Is the Enemy" номуудын зохиогч Райан Холидэйн бичсэн "Зотон даавуун стратеги" (Canvas Strategy) юм. 19 наста...
      Date2017.06.02 ByMөөг Views194
      Read More
    7. Марк Цукерберг Харвардын төгсөгчдөд хандаж хэлсэн үг БҮРЭН ЭХЭЭРЭЭ

      Өчигдөр Марк Цукерберг Харвардын их сургуулийн 2017 оны төгсөгчдөд хандан үг хэлж, докторын зэргээ гардан авлаа. Өдгөө 33 настай тэрээр дэлхийн хамгийн баян таван эрхмийн нэг бөгөөд 12 жилийн өмнө Харвардын их сургуулийг хаяж, Facebook-ийг б...
      Date2017.05.30 ByMөөг Views567
      Read More
    8. Зохиолч, нийтлэлч Б.Наминчимэд: Үр хүүхэддээ ном авч өгөхдөө юуг анхаарах вэ

      Хүүхдийн баяр дөхөж буй тул эцэг эхчүүдэд зориулан нэгэн бяцхан зөвлөгөө хүргэе. Манай эцэг, эхчүүд хүүхэддээ ном сонгохдоо зарим нэг нийтлэг алдаа гаргах нь байна. Жишээ нь: 1. НАСАНД НЬ, ОЮУНЫ ЧАДВАРТ НЬ ТААРЧ ТОХИРСОН НОМ СОНГО... Манай э...
      Date2017.05.30 ByMөөг Views268
      Read More
    9. Голомт банкны Гүйцэтгэх захирал Ө.Ганзориг: КОМПАНИУД СУРГУУЛЬ БИШ

      Анх дээд сургууль төгсөхөд хүмүүс “ажил дээр л гарч юм сурна,  сургуульд юу сурах вэ дээ” гэж ярихыг сонсоод бага зэрэг гайхаж билээ. Мэдээж хүн үхэн үхтлээ л суралцдаг.  Практик дээр сурсан мэдлэг, чадвар юунаас ч илүү үнэ цэнэтэй. Америкт...
      Date2017.05.29 ByMөөг Views299
      Read More
    10. Нийтлэлч Баабар: Харин өнөөгийн хятадуудад фэншүйгээс эхлээд бүх шашин чөлөөтэй боловч "орны байрлалаа өөрчилж биш орноосоо босож хөдөлмөрлөж байж баялаг олно" гэсэн ойлголт илүү нэвтэрчээ.

        Фэн Шүй Фэн гэж "салхи", шүй гэж "ус" гэсэн хятад үг. Фэншүй бол өөрөө хятадын маш эртний шашин шүтлэг ажгуу. Фэншүй шашин нь Хятадын үндсэн философи, шүтлэг болох күнзийн болон даогийн (бумба) шашин үүсэхэд томоохон хувь нэмрээ өгчээ. Хр...
      Date2017.05.29 ByMөөг Views328
      Read More
    11. Сэтгэл хөдлөлийн оюун ухаан буюу ​EQ-г нэмэгдүүлэх 9 арга

        TalentSmart -н сая гаруй хүнээс авсан судалгаагаар өндөр гүйцэтгэлтэй ажилчдын 90% нь сэтгэл хөдлөлийн оюун ухаан буюу EQ өндөр байдаг гэдгийг тогтоожээ. Тэд тайван, сэтгэл хангалуун, хяналтаа алдахгүй байхын тулд сэргийлдэг хэд хэдэн зүй...
      Date2017.05.26 ByMөөг Views746
      Read More
    12. Нийтлэлч А.Баатархуяг: 400 монгол 10000 гаминг ялна

      Хиагтыг чөлөөлөх тулалдаанд 400 монгол цэрэг, 10 000 гамингийн өөдөөс давшаад ялсан нь огт худлаа. Буу, сэлэм барьж үзээгүй 400 малчин орчин үеийн зэвсэгтэй, бас ч гэж байнгын армийн 10 000 цэргийг ялах ямар ч боломж байхгүй, энэ бол “домог...
      Date2017.05.26 ByMөөг Views410
      Read More
    13. Нийтлэлч Баабар: Ганбаатарыгаа дэмжиж Ерөнхийлөгч болгосон нь зөвдөнө дөө

      Муу гэсэн болгон өөрийн эерэг талтай байдаг. 65 сая жилийн өмнө 15 км голдочтой том солир өнөөгийн Мексикийн буланд унажээ. Унах ч юу байхав мөргөсөн хэрэг. Бараг л дэлхийг дундуур нь хуваачихсан юм байх. Асар их хүхэр агаар мандалд гарч ам...
      Date2017.05.25 ByMөөг Views329
      Read More
    14. No Image

      Философич, доктор С.Молор-Эрдэнэ: Чингис хаан эх орондоо юу ч бүтээгээгүй

        Философич С.Молор-Эрдэнэтэй ярилцлаа. -Та нэгэн лекцийнхээ үеэр Чингис хааны үед төр гэж байгаагүй, тэр бүү хэл хууль ч гэж байгаагүй талаар дурдсан. Таныг ингэж хэллээ гэж олон хүн дургүйцлээ илэрхийлж, өөр өөрийнхөөрөө шүүмжиллээ? -Шүүм...
      Date2017.05.24 ByMөөг Views1421
      Read More
    15. Яруу найрагч, зохиолч, СГЗ Г.Аюурзана: Миний ном түүнд л амттай уншигдахгүй бол бусад хүн хэзээ ч олж үзэх ёсгүй

      Та бидний цаг үеэс 100 гаруй жилийн өмнө Монголд хүмүүс хэрхэн амьдарч байсныг урнаар өгүүлсэн нэгэн шинэ номыг зохиолч, яруу найрагч Г.Аюурзана саяхан хэвлүүллээ. Уламжлал ёсоор Г.Аюурзанын ном худалдаанд гарсан эхний сардаа эрэлт ихтэй бай...
      Date2017.05.23 ByMөөг Views545
      Read More
    16. Нийтлэлч Аанхаа: Гол нь сэтгэлээрээ

      Нэг танил багш төрсөн өдрөөрөө хичээл орж таарч. Оюутнууд нь түүнийг мэдчихээд хичээл эхлэхээс өмнө бөөнөөрөө босч зогсоод “Багшдаа төрсөн өдрийн мэнд хүргэе ээ.. ” гэснээ “Өнөөдөр бидний баярын өдөр..” гээд л хоороор дуулаад эхэлсэнд мань ...
      Date2017.05.23 ByMөөг Views182
      Read More
    17. ОХУ-ын /хуучнаар ЗХУ/ домогт кино найруулагч Андрей Тарковскийн сүүлчийн ярилцлага: Нэгдүгээрт, ЗХУ-д би бол “хориглогдсон” уран бүтээлч. Энэ нь л үзэгчдийн сонирхлыг татаад байгаа юм.

      Андрей Арсеньевич 1986 оны 4 сарын 28-ны өдөр Парис дахь байрандаа хэвтэн эмчлүүлж байхдаа энэ ярилцлагыг “Nouvelles Clés” сонинд өгчээ. Урлагийн түүхэнд асар хүнд нөхцөл байдалд өөрийн гэсэн дуу хоолойгоо хүчтэй илэрхийлсэн сод кино бүтээл...
      Date2017.05.22 ByMөөг Views394
      Read More
    18. Нийтлэлч ТОМё БОДё: Хувирдаггүй хүмүүс

      Хадны сүг зураг шиг амьдралаар амьдрах хүмүүс гэж бас байх. Нүцгэн хөлөөрөө их газрыг тийрэн, нум сум агсаж ан гөрөө хийнэ. Африк тивийн өмнөд хэсэгт нутаглах Сан омгийн тэдгээр хүмүүс хэдэн мянган жил гэлтгүй, яг л тэгж амь зууж иржээ. Урь...
      Date2017.05.19 ByMөөг Views275
      Read More
    19. Breaking Bad

      Та бүхэнд 2008 онд 1 дүгээр сараас AMC кабелийн сувгаар гарсан таван бүлэг 62 ангитай BREAKING BAD киног санал болгоё. BREAKING BAD кино наадмуудаас нийт 137 шагнал хүртсэн. Metacritic сайтад 100-аас 99 оноо авч Гиннессийн номд үзэгчдээс ха...
      Date2017.05.18 ByMөөг Views293
      Read More
    20. Дэниэл Пинкийн "Drive" номын тухай: Биднийг юу урамшуулж, юу хөдөлгөдөг вэ?

      Drive гэх үгийг хүсэл эрмэлзэл, хөдөлгөгч хүч гэж хөрвүүлж болно. Энэхүү номонд Дэниэл Пинк ямар ямар зүйлс хүмүүсийг мотивацижуулж, зөв зүйтэй зүйлсийг хийхэд, ажилдаа илүү сайн байхад юу юу нөлөөлдгийг судлан, маш сонирхолтой үр дүнг гарга...
      Date2017.05.17 ByMөөг Views234
      Read More
    Board Pagination Prev 1 2 3 4 5 6 7 8 9 10 ... 20 Next
    / 20

         Радио Нийтлэл