Хятад улс хоёр хүүхдийн бодлогыг батална

by MglRadioNews posted Oct 29, 2015
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

 

Хятад улс олон жил баримталж ирсэн нэг хүүхдийн бодлогоос татгалзаж магадгүй байна.

Ирэх таван жилийн төлөвлөгөөнд гэр бүлүүдэд хоёр хүүхэдтэй байхыг зөвшөөрөх тухай асуудлыг тусгах тухай яригдаж байна.

Дараа долоо хоногт Бээжинд болох өндөр түвшний хаалттай уулзалтаар уг асуудлыг хэлэлцэх бөгөөд хоёр хүүхдийн бодлого батлагдах магадлал өндөр байна.

Жил ирэх бүр төрөлтийн тоо багасч, мөн ажиллах хүчин дутагдалд орж байгаа юм.

Нэг хүүхдийн бодлогод өөрчлөлт орох аваас дагалдан нийгэмд хэд хэдэн мөрдөх дүрэм гарч ирнэ гэж судлаачид үзэж байна.

Хятад улс 1980 онд нэг хүүхдийн бодлогыг төрийн бодлого болгож хэрэгжүүлсэн ба энэ нь өсөн нэмэгдэж буй хүн амыг зохицуулахын тулд байсан гэдэг.

Гэвч үүнтэй зэрэгцээд албадан ургийг хэвлийд байхад нь хөнөөх буюу абортыг ихэсгэсэн зэрэг сөрөг талууд байсаар ирсэн.

Мөн ойрын жилүүдэд тус улсын ажиллах хүчин дутагдалтай болж ирсэн нь тус бодлогыг эргэж харахад хүргэсэн ажээ.

Хэрэв хоёр хүүхдийн бодлого хэрэгжих аваас том хотуудад амьдардаг гэр бүлүүд төдийлөн дэмжихгүй байх магадлалтай бол хөдөө тосгодын иргэд талархалтай хүлээн авах аж.

Учир нь өдгөө ч зарим нутгаар хоёр хүүхдийг зөвшөөрдөг ажээ. Хятад улсын 19 мужид үүнийг зөвшөөрдөг. Гэхдээ анхны хүүхэд нь охин байсан тохиолдолд удам залгах хүүг төрүүлэхийг зөвшөөрдөг байна.

Хятадын нийгмийн шинжлэх ухааны академийн тооцоолсноор тус улсын хөдөлмөрийн зах зээлд ажиллах хүчин 2020 оноос өмнө жил бүр 1.55 сая хүнээр, 2020-2030 оны хооронд 7.9 сая хүнээр, 2030-2050 онд 8.35 сая хүнээр дутмаг байх тооцоо гарсан байна.

Харин хоёр хүүхдийн бодлого хэрэгжиж эхэлбэл ирэх хорин жилийн хугацаанд ажиллах хүчний хомсдлыг шийдэх нэг шийдэл болно гэж үзэж байна.

И.МӨНХЦЭНГЭЛ

Эх сурвалж: www.TODAY.mn

Articles