Абу Дабигийн “Их дуулга” өнөөдөр эхэлнэ

by МОНЦАМЭ posted Oct 30, 2015
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

 

Абу Даби хотноо жүдо бөхийн "Гранд Слам" өнөөдөр эхэлж байгаа бөгөөд тус тэмцээнд Монгол Улсаа төлөөлөн 16 бөх хүч үзэхээр АНЭУ-ыг зорьсон юм.

Тэмцээний эхний өдөр эрэгтэйчүүдийн 60 кг, 66 кг, 73 кг, эмэгтэйчүүдийн 48 кг, 52 кг, 57 кг, 63 кг жингийн барилдаан болно. Манай тамирчдаас эрэгтэйчүүдийн 60 кг-д Дэлхийн аварга, гавьяат тамирчин Г.Болдбаатар "D" хэсгийг тэргүүлэн барилдана. Тэрбээр эхний тойрогтоо гоц мөргөж, Мексик, Хонконгийн бөхчүүдийн хожсонтой эхний барилдаанаа хийхээр оноолт таарчээ. Мөн 60 кг-д Залуучуудын ДАШТ-ий хошой мөнгөн медальт Ц.Цогтбаатар хүч үзнэ. Манай бөх "В" хэсэгт оржээ. Болгарын Я.Герчевтэй эхний барилдаанаа хийнэ.

Эрэгтэйчүүдийн 66 кг-д залуу тамирчин Н.Мөнхбаяр хүч үзнэ. Тэрбээр эхний барилдаанаа Канадын бөхтэй хийхээр сугалаа таарчээ. 73 кг-д барилдах Г.Балсанлхүндэв Колумбын бөхтэй эхний тойрогт учраа таарчээ.

Харин эмэгтэйчүүдийн 48 кг-д залуучуудын ДАШТ-ий хүрэл медальт Г.Наранцэцэг ОХУ бөхтэй, Э.Гэрэлмаа БНХАУ-ын бөхтэй эхний тойрогт барилдах оноолт таарсан. 52 кг-д барилдах П.Буянхишиг Францын П.Гнетотой хүч үзэх бол Б.Алтанцэцэг АНУ-ын бөх Анжелика Дельгадотой барилдана.

АНЭУ-ын Абу Даби хотноо ирэх сарын 1-нийг хүртэл үргэлжилэх " Их дуулга" тэмцээнд 88 орны эрэгтэй 300, эмэгтэй 189 тамирчин аваргын төлөө хүч үзэх юм. Манай тамирчдын дасгалжуулагчаар гавьяат дасгалжуулагч Ш.Цэцэгмаа болон Монголын жүдо академийн багш Д.Батсайхан нар оролцож байна.

Д.Өлзий


Articles