Жагсагчид руу ус цацаж тараажээ

by ТүмнийНэг posted Nov 16, 2015
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

 

 

 

20151116045047303xqtz.jpg

   Өнгөрсөн Ням гаригт Солонгос улсын Сөүл хотын төв талбайд олон мянган хүн хамарсан эсэргүүцлийн жагсаал зохион байгуулагдлаа.

    Жагсаалыг тус улсын ажилчдын  эрхийг хамгаалах 50 гаруй байгууллагууд хамтран зохион байгуулж, Ерөнхийлөгч Пак Гын Хе-гийн Засгийн газраас ажилчдын цалин хөлсийг нэмэх, эрх ашгийг хамгаалах, Хөдөлмөрийн хуулинд өөрчлөлт оруулахыг шаарджээ.

    Эсэргүүцлийн жагсаалд оролцсон 130-н мянга гаруй хүн жагсаалыг Засгийн газрын байрны гадаа үргэлжлүүлэхийг завдан тийш хөдөлсөн байна. Тэд эмх замбараагүй байдал үүсгэн хамгаалалтад гарч байсан цагдаагийн 50 гаруй автобусны хаалгыг эвдэж, цонхыг хагалсан төдийгүй цагдаагийн ажилчид руу хатуу биед шидэж биед нь гэмтэл учруулсан байна.

    Мөн нийтийн эзэмшлийн эд хогшил, гудамж талбай, хашаа, ойролцоох үйлчилгээний газруудын шилэн хаалгыг эвдэж байсан тул хамгаалалтад гарч байсан цагдаагийн 68-н мянган ажилтан, жагсагчдыг хүч хэрэглэн тараасан байна. Ингэхдээ тэдэн рүү нулимс асгаруулагч болон даралттай хүйтэн ус цацсан ба идэвхтэй оролцпож байсан 49-н жагсагчийг түр саатуулжээ.

    Хамгаалалтад ажиллаж байсан 113-н цагдаагийн ажилтан хүнд болон хөнгөн бэртэл авсан бол жагсагчдаас бэртэл авсан хүн байхгүй байна.

 

WWW.MGLRADIO.COM
Солонгос мэдээ булан.

 


Articles