Оюутан залуу согтуу жолоочийн хариуцлагагүй үйлдлийг таслан зогсоосон байна

by СолонгосМэдээ posted Apr 01, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

20190401173819277jetx.jpg

   Кванг Жү мужийн Баруун бүсийн цагдаагийн газраас 63 настай “А”-г согтуугаар тээврийн хэрэгсэл жолоодсон хэргээр саатуулснаа өнөөдөр мэдэгджээ. Цагдаагийн газрын мэдээлснээр өнгөрсөн 03.30-ны өдөр “Б” гэгч оюутан залуу найз охины хамт Сакура модны цэцэглэхийг сонирхож яваад нэгэн машин сэжиг бүхий зам хөндөлсөж явахыг ажигласан байна.

   Тэрээр 2км шахуу уг машиныг дагаж явснаар жолооч нь гарцаагүй согтуу болохыг тогтоож цагдаагийн газарт дуудлага өгсөн байна. “Б” нь цагдаагийн ажилтнуудыг ирэх хүртэл ямар нэгэн хүн хохирч болзошгүйг ойлгон машинд дөхөж очоод “Та согтуу байна машинаа зогсоо” хэмээн шаарджээ.

   Харин “А” энэ үгийг үл тоож цааш хөдлөхөөр завдах үед “Б” машин руу үсрэн орж түлхүүрийг нь сугалж авч амжсаны дээр түүнийг хэргийн газраас зугтаалгалгүй цагдаагийн ажилтнуудад хүлээлгэж өгчээ. Цагдаагийн газраас “А”-гийн согтолтын хэмжээг шалгахад 0.214% байсан нь машин барих нь бүү хэл алхаж ч чадахгүй маш их согтолттой гэдгийг тайлбарласан байна.

 

   Цагдаагийн газрын ажилтан мэдэгдэхдээ “Оюутан залуугийн энэхүү үйлдэл нь олон хүн цугласан энэ өдөр маш олон хүний аюулгүй байдлыг хамгаалж чадсан иргэний зориг гэдгийг онцлоод иргэний үүргээ ухамсарлан бидний ажлын нэг хэсэгт тусалсанд дахин дахин талархал илэрхийлье” гэжээ.

 

 

 

WWW.MGLRADIO.COM 

Солонгос мэдээ булан    

Who's СолонгосМэдээ

profile

Articles

15 16 17 18 19 20 21 22 23 24