Найзыгаа үүрсээр 6 жилийн цас, бороог ажраагүй тэдний үерхэл

by СолонгосМэдээ posted Apr 02, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

20190402151106541qtns.jpg

   

Хятадын Сичуан мужийн нэгэн бага сургуулийн сурагч Шүйбинянг, Жангжу хоёр нэг ангид суралцдаг. Тэд анх бага ангид орохдоо танилцсан хоёр. Жангжу нь 4 настайгаасаа хойш маш ховор төрлийн булчингийн саатлаар өвдснөөсөө болж алхаж гишгэх бүү хэл идэж, уух гэх мэт хүний булчин хаана, юунд ажилладаг тэр бүхэнд шаналж байгаа нэгэн. Гэвч түүнд хэнээс ч, юунаас ч илүү Шүйбинянг гэдэг найз бий.

 

   Шүйбинянг хүү найзтайгаа танилцсан цагаас хойш түүнийг бие засуулах, өдрийн хоол идүүлэх зэрэг бүх үйлдэлд байнга үүрнэ, ямар нэгэн зүйлээс бэртэх вий хэмээн байнга хамгаална. Орчин тойрны хүмүүс чи байнга найзыгаа үүрээд ядрахгүй байна уу? гэсэн асуултанд би өөрөө 40кг-аас илүү найз маань дөнгөж 25кг шүү дээ хэмээн инээмсэглэн хариулна.

 

20190402151111462gqri.jpg

 

   Тэрээр үргэлж найзыгаа үүрэхээс гадна хичээлээ хамтдаа хийнэ, тоглоно. Тэдний багшийн хэлснээр “Эхний 3 жилд манай ангийнхан бүгд л Жангжу-д тусалдаг байсан ч тоглох, хичээлээ хийх цаг гарахгүй байна гээд шантарсан даа. Харин Шүйбинянг 6 жилийн цас бороог ажралгүй тусалсаар байна” гэжээ.  

   Жангжу харин Шүйбинянг-ыг хамаг байдаг чадлаараа харсан хүн бүртээ сэтгэл харамгүй магтан сайшаана. Шүйбинянг-ын энэхүү үйлдлийг саяхныг хүртэл түүний эцэг, эх мэдээгүй явсан бөгөөд мэдсэн даруйдаа “Миний хүү үг дуу цөөтэй, найрсаг дөлгөөн хүү өөрөө мэднэ биз дээ” хэмээжээ.

   Сичуаны сонины газрын сурвалжлагчтай ярилцахдаа Шүйбинянг хүү “Тусламж шаардлагатай хүмүүст туслах нь миний үүрэг” гээд “Цаашдаа үргэлжлүүлэн хэн нэгэнд туслах шаардлага гарвал эргэлзэлгүй туслах болно” гэж хэлсэн байна. 

   Энэхүү явдал Хятад улсын иргэдийн дунд үлгэр дууриалал болох сайн үйлсийн сайшаалыг хүртэж, олон олон талархлын алга ташилтыг зүй ёсоор хүлээгээд байгаа ажээ.  

 

 

     

 

WWW.MGLRADIO.COM 

Солонгос мэдээ булан     

 

Who's СолонгосМэдээ

profile

Articles

15 16 17 18 19 20 21 22 23 24