Утсыг минь дайрлаа хэмээн таксины жолооч нараас 14 сая вон залилан авчээ

by СолонгосМэдээ posted Apr 03, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

20190403101647720nddm.jpg

   Кёнг Нам мужийн Масан дүүргийн цагдаагийн газраас 20 удаагийн залилангийн үйлдлээрээ 14 сая вон завшсан 40 настай “А”-г баривчлан саатуулснаа өнөөдөр мэдэгдлээ.

   “А” нь 2017 оноос эхлэн урьдаас өөрийн бэлдсэн ажилладаггүй гар утсыг таксинд суух хоорондоо хойд дугуй руу нь унагасан мэт хаяад таксины жолоочийг хөдөлсөн даруйд уг жолоочоос гар утсыг минь дайрч эвдсэн засварын мөнгийг гаргаж өг хэмээн хууран мэхлэх аргаар мөнгө авч амташчээ.

   Тэрээр энэхүү үйлдлээ яг адилхан давтаж 2017 оноос өнөөг хүртэл Чанг Вон хотод 10 удаа, Тэжонг хотод мөн 10 удаа тус бүртээ 700 000 вон авчнийт 14 сая вон завшсанаа хүлээсэн байна.

   Мөн “А” нь таксинд суугаад хаалга хааж амжаагүй байхад хөдөлдөг таксинд бухимдахдаа уг аргыг бодож олсон хэмээн үнэнээ өчжээ.

   Харин цагдаагийн газраас түүний хамгийн сүүлийн хохирогчоос авсан гомдлын дагуу тус бүс нутгийн таксины үйлчилгээ эрхлэгчдэд хандан дахин ижил төстэй хэрэг гарсан тохиолдолд шууд мэдэгдэхийг хүссэнээр уг хэргийг үйлдэл дээр нь илрүүлсэн байна.

   Цагдаагийн газраас хэргийг илрүүлэхэд туслалцаа үзүүлсэн таксины жолоочийг шагнахаар шийдвэрлэсэн бөгөөд “А”-гийн хийсэн хэрэгт өөр хохирогч байгаа эсэхийг тодруулахаар ажиллаж байгаа ажээ.  

WWW.MGLRADIO.COM 

Солонгос мэдээ булан 

Who's СолонгосМэдээ

profile

Articles

15 16 17 18 19 20 21 22 23 24