Аяга сүү, зүсэм талхаар амь зогоодог өдөр өнжүүлэх бүлгийнхэн эцэг эхээ ирэхийг тэсэн ядан хүлээдэг

by СолонгосМэдээ posted Apr 05, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

20190405060122131kefz.jpg

   Сөүл хотын бага сургуулийн 280 000 сурагч өдөр өнжүүлэх бүлэгт хамрагддаг байна. Өдөр өнжүүлэх бүлэг нь эцэг эхчүүдийн ажиллах нөхцлийг бүрдүүлэн, сурагчдад хичээл заах, хооллох үүргийг хүлээдэг ч энэ үүргээ хөсөрдүүлж байгаа тухай эцэг эхчүүдийн зүгээс гомдол тасрахаа больжээ.   

   Учир нь өдөр өнжүүлэх бүлэг нь өдрийн цайны мөнгийг өдөртөө 3000 вон байхаар тогтсон байдаг ч үүнийг зөрчиж илүү мөнгө хурааж авахаас гадна хүүхдүүдэд хэрэгцээтэй амин дэмийг дэмжсэн цай хоолны материалаар хангахгүй байгаа гэж үзсэн байна.  

   Сөүлийн “А” бага сургуулийн өдөр өнжүүлэх бүлэгт Сөүл хотын боловсрол сургалтын газраас гаргасан нэг удаагийн шалгалтаар дараах зөрчлүүдийг илрүүлжээ.

   Үүнд тус бүлэг нь 37 сурагчийн 10 хоногийн цайны мөнгөнд хүүхэд тус бүрээс өдрийн 4500 воноор бодож 1 сая 665 мянган вон авснаас 1 сая 373 900 воныг зарцуулж 291 100 воны үлдэгдлийг завшсан байна.

 

   Энэ нь хүүхэд бүрээс 7867 вон илүү авч байсан нь илэрсний дээр цайндаа цаасан аягатай сүү 1 удаа, 1 ширхэг талх өгдөг нь тогтоогджээ. Өгч байгаа талх нь ч гарал үүсэл нь тодорхойгүй хямдхан хувийн үйлдвэрийн бүтээгдэхүүн байсан нь илэрчээ.  

   Сөүл хотын боловсрол сургалтын газраас гаргасан судалгаагаар зөвхөн дээрхи сургууль гэлтгүй Сөүл хотын ихэнх өдөр өнжүүлэх бүлгийн цайны асуудал энэ түвшинд явааг анхаарах асуудлын нэг болсныг харуулж байна гэж үзжээ. 

 

 

WWW.MGLRADIO.COM 

Солонгос мэдээ булан  

 


Articles

16 17 18 19 20 21 22 23 24 25