Хуурамч дүрвэгсдийн орогнол олгоход тусалдаг мөнгө хүүлэгч илчлэгджээ

by СолонгосМэдээ posted Apr 08, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

20190408162558382urfd.jpg

   

Тайландын иргэн “А” эхнэрээ нууц амрагтай гэдгийг мэдээд сэтгэлийг нь эргүүлж авахаас өнгөрсөн хэмээн бодон салах бэлтгэлээ сэмхэн базааж байлаа. Гэтэл эхнэрийн нууц амраг нь түүнийг хар тамхины хэрэгтэн хэмээн гүтгэн цагдаагийн газарт мэдэгдэн баривчлуулсан байна. Хэдийгээр буруугүй ч хилсээр баригдсан “А” өөрийн байцаагчдаа хахууль өгч суллагдаад Өмнөд Солонгос руу зугтан иржээ.

   *Шинэ жилийн баяраар найзындаа уригдсан “Б”-г найзынхаа охиныг хүчиндсэн хэргээр цагдаагийн газраас баривчилжээ. Энэ нь “Б”-д атаархаж явдаг хамтран ажиллагчын гүтгэлэг байсан бөгөөд тэрээр цагдаагийн газарт барьцаа хөрөнгө байршуулан суллагдмагцаа мөн Өмнөд Солонгос руу оргон зайлж ирсэн.

   Энэ мэтчилэн баталж нотлохын аргагүй хэрэгт холбогдсон учраас гэм буруугүй ч дахин нутаг буцаж чадахгүй гэх шалтгаанаар “Дүрвэгсдийн орогнол” хүсдэг Тайланд улсын иргэн зуучлагч “Д”-гийн мэдэгдэл хуурамч болох нь тогтоогджээ.

   “Д” нь 2017.07 сараас эхлэн 2018.11 сар хүртэл хуурамч “Дүрвэгсдийн орогнол” хүсэлтээр Тайланд улсын 33 иргэнд тус бүрээс нь 4 сая вон авч байсан нь илэрсэн байна.

   Түүнээс гадна өөрийн ойрын төрөл төрөгсөд болох 11 хүнд дээрхи аргаар визний хүсэлт гарган оруулж ирсэн бөгөөд мөн хүн тус бүрээс нь 1.6 сая вон авсаны дээр 6 сарын дараа визний сунгалт хийлгэх бүрдээ 500 000 вон нэмж авч байхаар тохиролцсон байжээ.

   Сөүл хотын тусгай албанаас түүнд 38 иргэнд хуурамч дүрвэгсдийн орогнол хүссэн өргөдлийн материал өгч зөвшөөрөл авсан хэргээр энэ оны 02.25-нд эрүүгийн хэрэг үүсгэн баривчлан шалгаж байгаа ба дахиад өөр хуурамч өргөдлөөр визний зөвшөөрөл авсан гадаадын иргэн байгаа эсэхийг нарийвчлан мөрдөн шалгахаар ажиллаж буй ажээ.

WWW.MGLRADIO.COM 

Солонгос мэдээ булан  

 


Articles

15 16 17 18 19 20 21 22 23 24