Хуурамч дүрвэгсдийн “Анкет бөглөсөн” Монгол иргэдийн зуучлагч илчлэгджээ

by СолонгосМэдээ posted Apr 10, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

00502569_20190409.JPG

 

   БНСУ-ын Инчеоны орон нутгийн прокурорын газраас мөнгө олох зорилгоор тус улсын нутаг дэвсгэрт хууль бусаар оршин суугаа гадаадын иргэдэд хуурамч бичиг баримт бүрдүүлэн “Дүрвэгч иргэн”-ий G-1 виз гаргаж өгдөг захиргааны ажилтан, өмгөөлөгч зэрэг БНСУ-ын 25 иргэнийг саатуулаад байгаагаа мэдэгджээ.  

   Эдгээрээс дүрвэгсдийн зуучлагч 13 хүнийг “Цагаачлалын тухай хууль”-ийг зөрчсөн хэргээр гадуур байцаах ба 9 иргэнийг цагдан хорихоор болсон байна. G-1 виз гэдэг нь дүрвэгсдийн зүгээс албан ёсны өргөдөл хүсэлт гаргаснаар хуулийн дагуу оршин суух зөвшөөрөл олгогдохоос гадна хугацаа /6 сараар/ сунгах, амьжиргааны тэтгэмж авах, орон сууц ашиглах, ажлын байр олж ажиллах хүртэл олон талт хөнгөлөлт үзүүлдэг виз юм байна.

   Прокурорын газраас өнгөрсөн оны 10 сараас энэ оны 4 сар хүртэл 6 сарын хугацаанд хуурамч түүх бүрдүүлэх, дүрвэгсдийн хуурамч мэдээлэл цуглуулах зуучлагч байгууллагуудыг холбогдох баримтыг үндэслэн шалгасны дээр сошиал-аар дүрвэгсдийн бүртгэл авах зар тараадаг хэргүүдийг нэгтгэснээр уг гэмт этгээдүүдийг илрүүлжээ.

 

download (1).jpgdownload (3).jpg

   Зуучлагч “А” нь дүрвэгсдийн захиргааны ажилтныг элсүүлэн мэдээлэл цуглуулж өөрийн орчуулгын давуу талыг ашиглан 2017 оны 5 сараас эхлэн энэ оны 2 сар хүртэл Монгол болон Вьетнам улсын 108 гадаад иргэнд хууль ёсны дүрвэгсдийн G-1 визийг төлбөртэйгээр гаргаж өгсөн байна.

   Тэрээр дээрхи улсуудын “Улс төрийн шалтгаан” болон “Шашин шүтэх шалтгаан”-ыг хувийн эрх ашигт нь нийцүүлж хуурамч өргөдөл хүсэлт гарган дүрвэгсдийн үнэн шалтгаан болгон ашигладаг байжээ.

   Өмгөөлөгч “Б” нь 2016.10-2018.11 сар хүртэл Филиппин, Тайланд, Монгол зэрэг гадаадын 183 иргэнд сэжигтэн “А”-тай адилхан аргаар виз гаргаж өгдөг нь илэрсэн байна.

   Харин тэрээр орлогынхоо 30-50%-ийг дүрвэгсдийн асуудал эрхэлсэн захиргааны ажилтанд өгч байснаа хүлээжээ. Үүнээс гадна Казакстан улсын охидыг дүрвэгсдийн визээр суурьшуулан биеийг нь үнэлүүлдэг этгээд ч эдгээрийн дунд байгаа аж.

4176779_140.jpg

 

   БНСУ-ын цагаачлалын албанд сүүлийн жилүүдэд дүрвэгсдийн хүсэлт эрс нэмэгдсэн нь ямар нэгэн байдлаар сэжиг төрүүлсэн бөгөөд 2016 онд 7541 хүсэлттэй байсан  нь 2017 онд 9942, 2018 онд бүр 16173 болтлоо өссөн нь хяналт шалгалтын ажлыг эрчимтэй эхлүүлэх шаардлага тулгарсан байна.

 

 

 

WWW.MGLRADIO.COM 

Солонгос мэдээ булан 

 

 


Articles

11 12 13 14 15 16 17 18 19 20