Хандивын аянд одуудаас гадна хүүхэд хөгшид, гадаад ажилчдын сэтгэл нэгдлээ

by СолонгосМэдээ posted Apr 11, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

20190411030623398bfhx.jpg

   Канг Вон мужийн ой хээрийн их түймэрт нэрвэгсдэд хандив тусламж өгөх иргэдийн санаачилга өдөр ирэх тусам хүрээгээ тэлсээр байгаа тухай сонин хэвлэлүүдэд мэдээлсээр байгаа ч зөвхөн алдартай одууд, бизнесменүүдийн талаар онцлон бичиж байгаа нь учир дутагдалтай гэж үзжээ. Хэн ч байсан тусламжийн аянд сайн дураараа нэгдэн гамшгийн эсрэг хамтдаа сэтгэл гарган тусалж байгаад тус нутгийн иргэд талархан хүлээн авч байгаа билээ.

   2019.04.09-ний өдөр гамшигт туслах түр байрыг хөвөнтэй куртик, ноосон өмдтэй 40 орчим насны нэгэн эр зорин ирж “Нэгэн бизнесмений хүсэлтээр хандивын мөнгө дамжуулан өгч” байгаа тухайгаа хэлж цаасан тортой зүйл оруулж өгчээ. Хандивын эзнийг хэн гэдэг, юу хийдэг хүн болохыг нь лавлахад тэрээр надад зөвхөн “Гадаадад бизнес эрхэлдэг, гамшгийн хохирлыг сонсоод сэтгэл өвдсөндөө хандив өргөж байна” гэж хэлүүлсэн хэмээжээ. Цаасан торыг онгойлгож үзтэл 50 000 воны дэвсгэрт 20 боодол буюу 100 сая вон байсан байна.

   Мөн энэ өдөр Сөүл хотын Мапу дүүргийн “Солонгос улсын итгэл найдварын гүүр” байгууллагын нэр дээр “Ногоон өнгөтэй мөнгөний гахай” илгээмжээр иржээ. Түүний хамт ирсэн нэгэн захидалд “Би бол Кванг Жү-гийн Квангжү Кванг Мёнг бага сургуулийн 3-р ангийн 4-р бүлгийн сурагч Ким Еи Жин байна. Ирээдүйд баян болох мөрөөдлөөр мөнгөө цуглуулж байсан ч илүү олон хүнийг аз жаргалтай байгаасай гэж хүсээд энхүү гахайгаа хандивлаж байна” гэж мурий сарий бичсэн байжээ. Ногоон гахайг задалж мөнгийг тоолоход 173 790 вон цугларсан байсан байна.

   Бас нэгэн нэрээ нууцалсан 30 настай интернет нэвтрүүлгийн оролцогч 10 сая вон хандивласан байна. Тэрээр “Аялалаар явахад зориулан хадгалж байсан юм. Нэрээ ил хэлбэл өөрийн рейтингээ өсгөх гэж байна хэмээн танидаг хүмүүс хэлэх вий гэхээс эмээсэндээ нэрээ нууцаллаа. Гэвч хохирсон хүмүүст туслах сэтгэлийг минь юу ч өөрчлөхгүй” гэж хэлжээ.

   Чон Намын Ёсү хүнсний захын 150 ажилчид 6 сая вон цуглуулснаа өгөхдөө “Зовлонг зовлон үзсэн хүн л мэддэг. Биднийг хүнд хэцүү үе тулгарахад тусалж байсан ард иргэддээ хариу барих нь бидний үүрэг” гэсэн байна. Тэдний зах 2017 оны 1 сард их галд өртөн шатаж байсан бөгөөд 120 лангууны 116 нь бүрэн шатаж их хэмжээний хохирол амсахад иргэдийн өгсөн хандив сэтгэл санаагаар дэмжиж байсан ажээ.

   Кёнг Ги мужийн Ку янг-ын гадаадын иргэдийн төвөөс Бангладеш, Камбож зэрэг 18 улсын 100 гаруй гадаадын ажилчид 1 сая 434 мянган вон цуглуулан хандивлажээ. Тэд багадаа 2000 воноос 30 000 вон хүртэл чадах ядахаараа цуглуулсан бөгөөд энэ тэдний хувьд нэг өдрийнх нь хоолны мөнгөтэй тэнцэхүйц их мөнгө аж. Ку янг-ын гадаадын иргэдийн төвийн тэргүүн Пак Юү Жонг хэлэхдээ “Гадаадын ажилчдын халаасанд бид хуруу дүрэх эрхгүй ч тэд үнэн сэтгэлээсээ өгөхийн тулд найз нөхөд, танил талаасаа зээлж байхыг нь харахад гайхалтай санагдаж байсан. Тэд 10000 вон өгсөн ч үүнээс өөрөөр илүүчлэх юмгүйд уучлаарай гэдэг үг хамгийн их сэтгэл хөдөлгөж байлаа” хэмээжээ. 

   Мөнгөн хандиваас өөрөөр буюу сэтгэл санаа, эд хөрөнгөөр тумлах иргэдийн тоо өдөр ирэх бүр нэмэгдсээр байгаа ажээ. Үүний нэгэн тод жишээ нь Өмнөд Солонгосын дээд зэргийн үхрийн мах 50 хүний порцоор явуулсан махны дэлгүүрийн эзэн ч хамрагдаад байна.

 

 

 

WWW.MGLRADIO.COM 

Солонгос мэдээ булан 

Who's СолонгосМэдээ

profile

Articles

11 12 13 14 15 16 17 18 19 20