Далай лам хойд дүрээ Энэтхэгээс тодорно гэдэгт итгэлтэй байна

by СолонгосМэдээ posted Apr 12, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

download (1).jpg

   Төвдийн буддын шашны тэргүүн Далай лам Энэтхэг улсын Нью Дели-гийн нэгэн эмнэлэгт уушгины хатгалгаагаа хэвтэн эмчлүүлээд гарсан ба биеийн байдал нь сайжирч хойд дүрээ тодруулах ажилд яаравчилж байгаа бололтой.

   XIV-р Далай лам нь өөрийн залгамжлагч хойд дүрээ одоогоор улс төрийн орогнолоор амьдарч буй Энэтхэг улсаас тодрох магадлалтай хэмээн хэлсэн нь Хятад улсын зүгээс ихээхэн эсэргүүцэлтэй тулгараад байгаа юм байна. Хятад улс нь Далай ламын хойд дүрийг тогтсон уламжлалын дагуу дотоодоосоо тодруулах ёстой хэмээн мэдэгдээд байгаа ажээ.  

   Далай лам нь 1935 онд төрсөн бөгөөд өдгөө 84 настай ба 24 насандаа XIV-р Далай ламаар тодорсноос гадна 1959 онд Хятадын эсрэг Төвдийн бослогод ялагдан Энэтхэг улс руу дүрвэн гарснаас хойш эдүгээ тус улсад улс төрийн орогнолоор 60 жил амьдарч байгаа юм байна.

   Тэрбээр энэ оны 03.14-ний өдөр улс төрийн орогнолын 60 жилийн ойн үеэрээ хэлсэн үгэндээ “Хятад улс нь Далай ламын залгамжлагчтай болохыг ихэд хүсэн мөрөөдөж ирсэн нь надаас илүү өөрсдийн гэсэн Далай ламтай байх эрмэлзлэл юм” гэжээ.

   Мөн Далай лам “Удахгүй энэ хорвоод хоёр Далай ламтай болох нь тодорхой бөгөөд нэг нь над шиг эрх чөлөөтэй, жинхэнэ нь Энэтхэг улсад тодорч нөгөөг нь Хятадууд өөрсдийн хэн нэгнийг сонгох болно” гээд “Гэвч Хятадаас сонгосон Далай ламыг хэн ч хүлээн зөвшөөрөхгүй тул тус улсад бас нэгэн асуудал үүсгэнэ” хэмээн онцлон хэлжээ.

 

 

WWW.MGLRADIO.COM 

Солонгос мэдээ булан

Who's СолонгосМэдээ

profile

Articles

4 5 6 7 8 9 10 11 12 13