Сувон хотын шөнийн цэнгээний газрын үйлчлэгч 18-30 насны Орос охидыг шалгахаар болжээ

by СолонгосМэдээ posted May 02, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

6QONRMXvEFl.jpgFRLrSlQ87Ae.jpg

 

 БНСУ-ын Сувон хотын захиргаа энэ сараас эхлэн тус бүс нутгийн шөнийн цэнгээний газруудад зөөгчөөр ажиллаж буй Орос эмэгтэйчүүдийг шалгах болсноо өнөөдөр мэдэгджээ.

   Одоогийн байдлаар Сувон хотын шөнийн цэнгээний газарт 18-30 насны Орос охидыг зөөгч, үйлчлэгчээр ажиллуулахын зэрэгцээ хууль бус үйлдэлд түлхэн оролцуулж байж болзошгүй тухай 7 иргэний мэдээлэл ирээд байгаа бөгөөд тус хотод “Орос клуб” нэртэй шөнийн цэнгээний газрууд нэмэгдэх төлөвтэй байгаа ажээ.

   Тус хотын зүгээс аяллын визээр орж ирсэн хууль бус бичиг баримт бүхий Орос охидыг цагаачлалын хуулиар шийтгэн нутаг буцаах болон ажлын байрны давуу талаа ашиглан биеэ үнэлсэн тохиолдолд давхар шийтгэх төлөвлөгөөтэй ажиллах юм байна.

   Асуудлын гол нь эдгээр бүсгүйчүүд БНСУ-д ирээд ямар ажил хийхээ мэдээгүй байдаг нь шийтгэл оногдуулахад ихээхэн хүндрэл гарч болзошгүй хэмээн үзэж байгаа юм байна.

   Үүнд цэнгээний газрын үйл ажиллагаа эрхлэгчид хууль бус үйлдэл гэдгийг мэдсээр байж Орос охидыг татан оролцуулж ашиглан зуучилдаг нь тогтоогдсон ба тэдэнд холбогдох хариуцлага шийтгэлийг ч оногдуулах ажээ.

   Сүүлийн жилүүдэд ОХУ-аас ирэх иргэдийн тоо нэмэгдэж буйг харвал 2015 онд 191 214 хүн байсан бол өнгөрсөн 2018 оны эцсийн байдлаар 308 665 хүн болж өссөний дийлэнх нь эмэгтэйчүүд байсан байна.

   Сувоны нэгэн шөнийн цэнгээний газарт ажилладаг 18 настай Орос охин “Бүх юм ОК гэж хэлснээр ирээд дуу дуулж бүжиг хийхийн хажуугаар үйлчлүүлэгчийн гарыг барин илж таална чинээ бодсонгүй” гээд “Бүх муу дурсамжаа энд нь үлдээгээд харихыг хүсч байна” гэж ярьжээ.  

 

 

WWW.MGLRADIO.COM 

Солонгос мэдээ булан

 

 

 

 

 

Who's СолонгосМэдээ

profile

Articles

8 9 10 11 12 13 14 15 16 17