Өмнөд Солонгост хамгийн бохир, хүнд хүчир, аюултай ажлыг гадаадын хөдөлмөрчид нугалдаг

by СолонгосМэдээ posted May 06, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

201905060402_11150924076558_1.jpg

   Ажлын хөлс багатай хүнд хүчир ажлыг хурдан найдвартай буюу нэг үгээр хамгийн бохир, хүнд, аюултай ажлыг хийж буй гадаадын ажилчдын хөдөлмөрийг зохих ёсоор үнэлэх нь зүйтэй хэмээн БНСУ-ын зүгээс үзэж буй ажээ.

   Өнгөрсөн оны байдлаар тус улсад албан ёсоор 91 хоногоос дээш хөдөлмөр эрхэлж буй гадаадын иргэдийн тоо 884 300 гэж бүртгэгдсэн байдаг ба энэ нь 2017 онтой харьцуулбал 51 000-аар нэмэгдсэн үзүүлэлт юм байна.

   Тус улсын статистик судалгаагаар барилгын салбарт 110 700, худалдаа үйлдвэрлэлийн салбарт 163 200, хөдөө аж ахуй, загас, мал аж ахуйн салбарт 49 500 гадаадын иргэн тус тус ажилладаг хэмээн бүртгэгджээ.

Мөн насны ангиллаар 15-39 насны 503 200 гадаад иргэн ажилладаг ба 2 сая хүртэл воны цалинтай гадаадын иргэд нийт ажилчдын 39.4%-ийг эзэлдэг байна.

   Үүнтэй уялдуулан тус улсын Засгийн газрын зүгээс ажлын байранд нийцэх шийдэл, гарцуудыг эрэлхийлэн ажиллаж байгаа боловч одоо болтол дорвитой арга замыг олоогүй байгаа нь тулгамдсан асуудал болоод байгаа ажээ.

   БНСУ-ын Технологийн Их Сургуулийн профессор Юү Кёнг Жүн “Олон улсын эдийн засгийн хамтын ажиллагааны хорооны хурлаар гадаадын ажилчдын энэхүү урсгалыг зогсоох аргагүй өсөн нэмэгдэх нь тодорхой болсон” гээд “Угтаа бол гадаадаас нарийн мэргэжлийн өндөр ур чадвартай иргэдийг цөөн тоогоор урин ажиллуулах бодлого шаардлагатай байтал одоогийн Засгийн газрын гадаадын ажилчдын талаар баримталж буй үзэл бодол гэх юм нэг ч харагдахгүй байгаад харамсаж байна” гэжээ.  

 

 

WWW.MGLRADIO.COM 

Солонгос мэдээ булан

 

 

Who's СолонгосМэдээ

profile

Articles

8 9 10 11 12 13 14 15 16 17