Өмнөд Солонгосчуудад Алтан бурханаа эргүүлэн авахад 15 тэрбум вон санал болгожээ

by СолонгосМэдээ posted May 08, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

20190508080142843yhzn.jpg

 

БНСУ-ын Соёлын өвийг хамгаалах хорооноос Пэк-Жэ хааны үеийн алтан бурхан өнгөрөгч 5-ны өдөр Хятадын Шанхай хотод очсон тухай өчигдөр мэдэгджээ.

   Пэк-Жэ хааны үеийн алтан бурхан нь VII зууны үед хамрагдах Солонгос улсын эртний үнэт олдвор бөгөөд тус улсын Буддын шашны гарал үүслийг тодорхойлогч хэмээн эрдэмтэд үздэг ажээ.

   Анх уг алтан бурханыг 1907 онд БНСУ-ын Чүнг-Нам мужаас нэгэн тариачин өөрийн тариан талбайгаасаа олсон гэх мэдээлэл байдаг ба Японы колончлолд байсан Солонгос улсын өмчийг тухайн үед Японы нэгэн судлаач нутагтаа аваачсан гэхээс өөр мэдээлэлгүй үлдсэн байжээ.

   Гэтэл 2 жилийн өмнө буюу 2017 онд эргэн гарч ирэхдээ Солонгос улсыг орхин Япон-Хятад улсын хооронд хэлцэл хийн маш өндөр үнээр буюу 15 тэрбум воноор худалдах, худалдан авах тухай яригдаж эхэлсэн байна.

   Уг олдворыг Хятадын эртний түүхийн музей худалдан авах сонирхолтой байгаа бөгөөд тус улсын зүгээс үзмэрийг Шанхайн музейд байрлуулан дэлхий нийтэд түрүүлж танилцуулах зорилготой байгаа аж.

   Харин БНСУ-ын Соёлын өвийг хамгаалах хорооноос дээрхи үнийг дэндүү хөөргөдсөн үнэ байна гээд уг үзмэр нь 4.2 тэрбум воноос хэтрэхгүй гэсний дээр Солонгосын соёлын өвийг эх нутагт нь бус Хятад улсад эхлэн олон нийтэд танилцуулна гэдэг зүйд үл нийцэх асуудал хэмээн үзэж буйгаа илэрхийлээд байна.

 

 

WWW.MGLRADIO.COM 

Солонгос мэдээ булан 


Articles

8 9 10 11 12 13 14 15 16 17