Хурууны хээгээр зөвхөн хэрэг илрүүлээд зогсохгүй сайн үйлсэд ч бас ашигладаг

by СолонгосМэдээ posted May 10, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

dkryuji20190505102435_P_02_C_1.jpg

   Өнгөрсөн 02.05-ны орой 23:40 цагт Кёнг-Нам мужийн Чангвон хотын Сонгсан дүүргийн нэгэн замын хажууд дотуур хувцаснаас өөр хувцасгүй 5 настай “А” хүү, нэрийг нь ч үл мэдэх, танихгүй эмэгтэйн гараас хөтөлж явсныг тус дүүргийн цагдаагийн ажилтан эргүүл хийж явахдаа илрүүлжээ.

   Цагдаагийн ажилтан тэднийг хэсэг дээрээ авчиран шалгахад хүү амьдардаг газраа бүү хэл өөрийн болон эцэг, эхийн нэрээ ч хэлж мэдэхгүй байсан бөгөөд хөтөлж явсан эмэгтэй түүнийг зам дээр нүцгэн явж байсныг олоод эхлээд дулаацуулсны дараагаар цагдаагийн газарт мэдэгдэх зорилготой байснаа мэдэгджээ.

   Нэр ус, эцэг, эхийн нэрийг мэдэхгүй хүүг цагдаагийн газраас хэсэг хугацаанд хэрхэхээ мэдэхгүй байсан ч юуны урьдаар хурууны хээг нь авч шалгаж эхлэсэн боловч адилхан 60 гаруй хурууны хээ бүртгэлтэй байсан нь тэдэнд бас нэгэн хүндрэл учруулжээ.

   Харамсалтай нь хүүхдээ алга болсон болон хайж байгаа гэсэн зар, дуудлагын аль алинд “А” хүүтэй холбоотой гэх мэдээлэл гарч ирсэнгүй. Гэвч тэд шантралгүй бүртгэлтэй хүүхдүүдийн нэрийг хүүд нэг нэгээр нь дуудаж үзүүлтэл нэгэн нэрэн дээр хүүгийн анхаарал эрс өөрчлөгдснийг анзаарч уг нэрийн бүртгэлтэй хаяг руу утасдсан байна.

20190510063006029pymw.jpg

   Хэсэг хугацаанд ажлын шугмаар гадаад явах болсон “А”-гийн эцэг, эх ойрын танилдаа хүүгээ захиж үлдээсэн байсан бөгөөд танил нь хүүд сайн анхаарал хандуулаагүйгээс шөнө гарч яван зам дээр гарсан байна гээд яаж хайх учраа ололгүй дэмий сандрахдаа цагдаагийн газарт ямар нүүрээрээ мэдэгдэх билээ хэмээн ид шидэнд итгэж суухаас өөр аргагүй болсон тухайгаа цагдаагийн хэлтэс дээр хүрэлцэн ирээд ярьжээ.

   Мөн хүүгийн гэр бүлийнхэн цагдаагийн ажилтангуудад маш их талархаж буйгаа илэрхийлээд “Ямар нэг төлөвлөлтгүй хүүгийнхээ хурууны хээг бүртгүүлснээр ийнхүү санаандгүй явдал болно гэж зүүдэлсэнгүй. Үүний ачаар хүүгээ эсэн мэнд, эрүүл саруул тэвэрлээ” гээд “Хурууны хээг бас сайн үйлсэд ашиглаж болох юм гэж мэддэггүй байжээ” хэмээн гайхснаа илэрхийлжээ.

 

WWW.MGLRADIO.COM 

Солонгос мэдээ булан 

 

Who's СолонгосМэдээ

profile

Articles

5 6 7 8 9 10 11 12 13 14