Сайн санаат иргэн “Хүн амины хэрэгт манлайлан оролцсон” хэмээн буруутгагдах магадлал өндөр байна

by СолонгосМэдээ posted May 17, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

download (8).jpg

  БНСУ-ын Со Кюү Пу хотын нэгэн талхны дэлгүүрийн хаалгыг онгойлгож дийлэхгүй зогсох 76 настай эмгэнд туслахдаа түүнийг нас барах эрсдэлд оруулсан 33 настай “А”-г шалгаж байна хэмээн тус хотын цагдаагийн газраас өнөөдөр/2019.05.17/ мэдэгджээ.

   Энэ явдал нэг сарын өмнө тус хотын нэгэн талхны газрын хаалгыг 2 удаа онгойлгох оролдлого хийгээд чадаагүй эмгэнд сайн санааны үүднээс туслах гэсэн “А”-гийн буруу болон хувирснаар эхэлжээ.

   “А” нь эмгэнийг талхны дэлгүүрийн үүдэнд хүч мөхөсдөн зогсохыг хараад очиж туслахаар шийдэн хаалгыг онгойлгож өгсөн бөгөөд бариулаас барьж байсан эмгэн гэнэт хаалга онгойсонд цочихдоо тэнцвэр алдан толгойгоороо газар унан гэмтжээ.

   Хэдийгээр эмгэн түргэн тусламжаар Чэжү хотын нэгэн эмнэлэгт хүргэгдэн эмчлүүлж байсан ч 7 хоногийн дараа нас барсан байна.

   Уг явдалд эмгэний гэр бүлийн зүгээс “А”-г буруутай хэмээн шүүхийн байгууллагад хандан гомдол гаргасны дагуу цагдаагийн газраас талхны дэлгүүрийн тухайн үеийн камерын бичлэгийг шалгахад эмгэн хаалганы бариулаас барьж байсан нөхцөлд “А”-г хаалга онгойлгох тэр мөчид унаж буй нь тогтоогджээ.

   Харин “А” нь “Туслах үүднээс хаалга онгойлгож өгснөөс өөр санаа агуулаагүй юм. Гэвч ийм харамсалтай явдал болсонд уучлал хүсэж байна” гэжээ.

   Тус хэргийг хариуцсан цагдаагийн ажилтан “Хэдийгээр туслах үйлдэл хийсэн нь үнэн боловч үйл хөдлөлөө зөв тооцоогүйгээс үр дүнд нь хариуцлага хүлээх шаардлагатай боллоо” гээд “Энэ хэргийг дараа 7 хоног гэхэд шүүхэд шилжүүлнэ” гэж мэдэгдсэн байна.

   Хэргийн гол нь эмгэний нас баралтын шалтгаан унахдаа толгойдоо авсан шархнаас болсон нь нотлогдсон тохиолдолд сайн санаат нэгэн иргэн “Хүн амины хэрэгт манлайлан оролцсон хэмээн буруутгагдах магадлал өндөр байгаа юм байна.

 

 

WWW.MGLRADIO.COM

Солонгос мэдээ булан  

 


Articles

5 6 7 8 9 10 11 12 13 14