БНСУ-ын гадаад дахь ЭСЯ-дад Монголоос гадна олон орон сэтгэл дундуур байдаг аж

by СолонгосМэдээ posted May 20, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

12141040_1121173304579358_3161761079795759469_o.jpg

   Дэлхийн 115 оронд байрлах БНСУ-ын Элчин сайдын яам/ЭСЯ/ болон дипломат корпус/ДК/-ын газруудын ажил, үйлчилгээ, хүнд суртал зэрэгт гадаад орны иргэдийн зүгээс гаргах гомдол санал сүүлийн жилүүдэд эрчимтэй нэмэгдээд буй ажээ.

   БНСУ-ын нэр хүндийг өргөж явах үүрэг хүлээсэн тус улсын ЭСЯ, ДК-ын газрын үйл ажиллагааны тухай гомдлыг 2017.06 сараас хойш “Гүүгле тойм” /Google Review/-оос хайлт хийн үзэхэд сөрөг үр дагавартай мэдээллүүд гарч байгаа нь тус улсын гадаад харилцаа, дипломат үйлчилгээнд эрс шинэчлэл хийх шаардлага тулгарч байгааг харуулж байна хэмээн тус улсын албаны хүмүүс мэдэгдээд байна.

   Жишээлбэл: Монгол улсын иргэдээс тус улсад суугаа БНСУ-ын ЭСЯ-ны үйл ажиллагааны тухай “Гүүгле тойм”-д омголон, бардам зангаар шүүмжилсэн сэтгэгдэл бичиж үлдээсэн байсан ба тус улсын “Хөх ордон”-д хүртэл санамж бичиг илгээсэн зэрэг үйлдэл нь санаанд багтамгүй хэрэг боловч Монгол хүний тухай баримталж ирсэн хандлага, байр суурийг Солонгос улсын талаас өөрчлөх цаг нь болсон гэдгийг сануулсан явдал боллоо гэжээ.

   “Гүүгле тойм”-д хуримтлагдсан мэдээллээр БНСУ-ын ЭСЯ-ны зүгээс ажлын цаг баримталдаггүй, хүнд сурталтай, өөрийн үзэмжээр хүнийг ялгаварлаж харьцах, дур зоргоороо хууль зохиодог зэргийг илэрхийлсэн байна.

   Нэгэн Сингапур улсын иргэн “Визний мэдүүлэг авах цаг нь Даваа-Баасан гарагын 11:30 цаг хүртэл хэмээн заасан ч 11:20 цаг гэхэд ирсэн байхыг шаардсаны зэрэгцээ 1 минут хоцрох аваас материалыг дараагийн ажлын өдөр хүртэл хүлээн авахгүйг хатуу анхааруулж гайхашыг нь барсан тухай бичсэн” байна.

   Бас нэгэн Вьетнам иргэн “Ямар нэгэн шийтгэлээр ирсэн хүмүүс шиг ажиллаж ирсний дээр эдэнд хүн чанар, нинжин сэтгэл огт байхгүй. Дээр нь тус улсын ЭСЯ-наас шударга ёсны тухай дурсаад ч хэрэггүй” гэсэн бол Испани улсын иргэд БНСУ-ын ЭСЯ руу явахаа “Тэмцэлээ үргэлжүүлье” хэмээн нэрлэдэг бөгөөд “Визний хариунд е-майл ч ирдэггүй ба утсаар холбогдох гэдэг бол тэмцэл” гэсэн байна.

   Мөн Монгол улсад суугаа БНСУ-ын ЭСЯ нь манай улсын иргэдийн визний зөвшөөрөл олгох хугацааг 70-90 хоног болгосон явдалд эсэргүүцэл үзүүлэн БНСУ-ын ерөнхийлөгчид хандан захидал илгээсэн тухай бид сайн мэдэх билээ.

2019051701070321084001_b.jpg

   

Сүүлд нь хэлэхэд АНУ-ын Вашингтон хотын Массачусетс-ын өргөн чөлөөнд байрлах БНСУ-ын ЭСЯ-ны тухай тус улсын иргэдээс “Дипломат ажлын ямарч үйлчилгээ байхгүйн дээр ажилтнуудын чиг хандлага нь маш бүдүүлэг” гэсэн ба “Утсаар хэдэн удаа яривч тус болох хариулт өгдөггүйн дээр Англиар асуусан асуултад Солонгосоор хариулдаг” гэх мэт олон шүүмжлэл ирүүлжээ. 

 

 

 

WWW.MGLRADIO.COM

Солонгос мэдээ булан  

Who's СолонгосМэдээ

profile

Articles

5 6 7 8 9 10 11 12 13 14