Умард Солонгосын дүрвэгч эмэгтэйчүүдийг Хятад улсад бараа адил борлуулж байна

by СолонгосМэдээ posted May 21, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

20190520231216850wkfv.jpg

   Умард Солонгосоос зугтан гарч Хятад улс руу очсон дүрвэгч эмэгтэйчүүдийн дийлэнх нь “Бэлгийн боолчлол”-д амьдарч байгаа тухай гадаад дахь Умард Солонгосын Хүний эрхийн хороо мэдэгдсэн байна.

   Умард Солонгосын Хүний эрхийн хорооноос Умардын эмэгтэйчүүдийг хүний наймааны золиос болгон биеийг нь үнэлүүлэх, хүчээр хуримлуулах зэрэг хүний ёсноос гадуур үйлдэлд түлхэж байгаа бөгөөд хохирогчдын дотор 9 настай охин хүртэл байна гэсэн судалгааг гаргасан гэжээ.

   Мөн дүрвэгч эмэгтэйчүүдийг наймаалцан олох ашиг нь жилдээ 150 сая ам.доллараас багагүй байгаа тухай ч мэдээлсэн байна. 

   Өчигдөр буюу 2019.05.20-ны өдрийн АНУ-ын Wall Street Journal(WSJ) сонинд Англи улсын хэвлэлүүд ч үүнтэй адил мэдээлэлтэй байгаа тухай дурьдаад уг мэдээллийн эх сурвалжийг Хятад улсад дүрвэн гарсан Умард Солонгосын 50 гаруй эмэгтэйгээс урт хугацааны турш авсан судалгаанд тулгуурласан хэмээн тайлбарлажээ.

   Умардын дүрвэгсдийн 12-29 насны охидын 60 гаруй хувь нь хүний наймааны зуучлагчаар дамжин бие үнэлэх зах зээлд худалдагддаг бол 30% нь тухайн газрынхаа эрчүүдтэй хүчээр хуримладаг байна.

   Эх сурвалжийн мэдээллийг бэлтгэсэн судлаач Юн Хыи Сүн “Сүүлийн жилүүдэд Умард Солонгосын дүрвэгч эмэгтэйчүүдийн зовлон шаналал хэрээс хэтэрч, хүний наймаачдын золиос болох үзэгдэл энгийн өдөр тутмын амьдрал мэт харагдах нь хурдацтай нэмэгдлээ” гэсэн байна.

   WSJ сонинд “Умардаас Хятад руу зугтана гэдэг бол эмэгтэйчүүдийн хувьд элсэн цөлд хатаж үхэхтэй адил явдал юм” гэжээ. 

WWW.MGLRADIO.COM

Солонгос мэдээ булан   

 

 

 


Articles

4 5 6 7 8 9 10 11 12 13