Монгол улсын ЭМЯ-Сөүл хотын Ёнг Дын Пу дүүрэгтэй хамтран ажиллана

by СолонгосМэдээ posted May 27, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

2019052705404146389_1558903241.jpg

   Улаанбаатар хотод Монгол улсын Эрүүл мэндийн яам/ЭМЯ/ болон БНСУ-ын Сөүл хотын Ёнг Дын Пу дүүрэг эрүүл мэнд, аялал жуулчлалын салбарт хамтран ажиллах санамж бичигт гарын үсэг зурсан тухай өнөөдөр мэдээлжээ.  

 

   Тодруулбал энэ сарын 24-26-ны өдрүүдэд Монгол улсын ЭМЯ-ны дэд сайд Л. Бямбасүрэн тус яаманд БНСУ-ын ИХ-ын гишүүн Ким Ёнг Жү, Сөүл хотын Ёнг Дын Пу дүүргийн дарга Юүн Жүн Юун болон албаны бусад хүмүүсийг хүлээн авч уулзсан байна.

e9564c326584199dbb5748fb21e4af24eeb449ff.jpg

   Уулзалтад манай улсын талаас Монгол Улс болон БНСУ-ын хоорондын харилцаа, хамтын ажиллагаа жилээс жилд өргөжихийн хирээр БНСУ-д зорчих Монгол иргэдийн тоо, ялангуяа эрүүл мэндийн тусламж үйлчилгээ авах явдал сүүлийн жилүүдэд нэмэгдэж байгаатай холбогдуулан тус улсад эмчилгээ хийлгэж буй монгол иргэдийн эрх ашгийг хамгаалах зарим хөнгөлөлтийг үзүүлэх зэрэг хамтын ажиллагааны асуудлаар талууд харилцан санал солилцсон байна.

   БНСУ-ын талаас Монгол улсын тавьсан саналыг нааштайгаар хүлээн авсан ба цаашид Монгол улс болон Ёнг Дын Пу дүүргийн зүгээс эрүүл мэнд, аялал жуулчлалын салбарт хамтран ажиллахад бэлэн байгаа тухай мэдэгдээд санамж бичигт харилцан гарын үсэг зуржээ.

photo_2019-05-24_17-46-03.jpg

 

   Ёнг Дын Пу дүүрэг нь Инчеоны олон улсын нисэх онгоцны буудалтай хамгийн ойр оршдог бөгөөд санхүү, эдийн засгийн төдийгүй эрүүл мэнд, аялал жуулчлалын төв болон хөгжсөн томоохон дүүрэгт зүй ёсоор тооцогддог байна. 

WWW.MGLRADIO.COM

Солонгос мэдээ булан

Who's СолонгосМэдээ

profile

Articles

2 3 4 5 6 7 8 9 10 11