Цагдаагийн ажилтанд тусалснаар та эрүүл мэнд, эд хөрөнгөөрөө хохирно гэжээ

by СолонгосМэдээ posted May 28, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

01.19706391.1.jpg

   Өнгөрсөн оны сүүлчээр иргэн “А” хэн нэгэн этгээдийг хөөж яваа 3 цагдаагийн ажилтныг хараад туслахаар шийдэн сэжигтэн этгээдийг замд нь тосож дэгээдэж унаган саатуулж цагдаагийн ажилтанд хүлээлгэн өгчээ. 

   Дараа нь зугтаж явсан этгээд цагдаагийн хэсэгт саатуулагдаж байгаад байцаалтын дундуур оргосон хууль бус гадаадын иргэн байсныг олж мэджээ. 

   Гэвч биеийн байдал нь муу тэтгэвэр/групп/-т байдаг иргэн “А” уг үйлдлийг хийх үедээ огцом хөдөлгөөн, хүч гаргасны улмаас нурууны 3 зэргийн гэмтэл авсан байна.

   Хэдийгээр цагдаагийн газраас түүнд “Иргэний цагдаа” өргөмжлөл, 200 000 вон олгосон боловч 1 сар гаруй эмчлүүлэх эмчилгээний зардлыг гаргаж өгнө гэж амласан амлалтаа өдийг хүртэл биелүүлэхгүй байгаад “А” сэтгэл дундуур байгаа ажээ.

   Тэрээр эмчилгээний зардалдаа дэмжлэг хүсэн оршин суугаа хороо, дүүрэг, муж, цагдаагийн газруудаар яваад, нэгдүгээрт баригдсан хууль бус гадаадын иргэн нь хурааж хуримтлуулсан мөнгөгүй, хоёрдугаарт эмчилгээний зардлын 10% болох 200 000 воныг аль хэдийнээ олгосон гэдэг хариу сонсжээ.

   Иргэн А "Ард түмний цагдаа хэмээх хоосон нэрээр өөгшүүлдэг, мөлхөөд ч болов тусалсан иргэнийхээ эрүүл мэндийг үл хайхрах цагдаагийн ажилтнуудад туслах шаардлага бидэнд байхгүй юм байна" гээд "Хэрэв та бүхэн тэдэнд туслаад ямар нэг бэртэл, гэмтэл авбал над шиг эрүүл мэнд, эд хөрөнгөөрөө хохироод үлдэнэ гэдгийг санаж яваарай" гэж хэлжээ.

 

WWW.MGLRADIO.COM

 

Солонгос мэдээ булан

 

 

 


Articles

3 4 5 6 7 8 9 10 11 12