Хууль бус гадаад иргэдийг мэдэгдэх үүргээс чөлөөлөх системд идэвхитэй оролцоорой

by СолонгосМэдээ posted May 29, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

article.jpg

   Өмнөд Солонгост хууль бусаар оршин суугч гадаадын иргэд хохирсоор байгаа тухай нэгэн жишээг өнөөдөр мэдээлж түүнээс урьдчилан сэргийлэх хөтөлбөрт нэгдэхийг уриалжээ.

   Чэжү хотод 2017 онд мү са жөн буюу визгүй орж ирсэн Хятад улсын иргэн “А” тус хотод өнгөрсөн 1 сар хүртэл барилгын засварын ажил хийсэн ба ажлын хэсгийн даамал “Б”-гээс хойшлогдсон цалин болох 17 сая воноо өгөхийг шаардсан байна.

   Харин “Б” түүний мөрнөөс базан ямарч мөнгө өгөхгүй гээд “Цагаачлалын албанд мэдэгдэж албадан нутаг буцаахаас өмнө арилж үз” хэмээн сүрдүүлжээ.   

   Энэ мэтчилэн хуулийн өмнө үзүүлэх бичиг баримтгүйн улмаас нэхэмжлэл, зарга мэдүүлэх эрхгүй гадаадын иргэдийг мөлжих гэмт хэргийг таслан зогсоох арга нь “Хууль бус гадаад иргэдийг мэдэгдэх үүргээс чөлөөлөх” системт хөтөлбөр ажээ.

   Уг хөтөлбөр нь 2013.03 сараас БНСУ-д хэрэгжиж эхэлсэн бөгөөд гэмт хэргийн золиос болсон гадаадын иргэдийг хамгаалах, гэмт хэргээс урьдчилан сэргийлэх, гарсан хохирлыг буруутай этгээдээр нөхөн төлүүлэх зэрэг хүний эрхийг хүндэтгэх үүрэг хүлээсэн хөтөлбөрийн нэгээхэн хэсэг юм байна.

   Чэжү хотын цагдаагийн газраас энэ оны 5 сарын байдлаар “А”-гийн жишээний адил хохирсон 12 хууль бус гадаадын иргэнд уг хөтөлбөрийн дагуу тусалж дэмжиж ирсэн ба тус цагдаагийн газрын статистик судалгаагаар 2014 онд-3, 2015-5, 2016-9, 2017-9, 2018-8 хүнтэй тус тус хамтран ажиллаж ирсний зэрэгцээ хойшдоо тэдний бүртгэлийн системийг сошиал сайт, интернетээр баталгаажуулж олон нийттэй харилцах харилцааг илүү нээлттэй болгон ажиллахаар зорьж буй ажээ.

   БНСУ-ын Олон улсын эрүүгийн мөрдөн байцаах албаны дарга Ким Ханг Нён “Бид гадаадын харъяатын гэмт хэргийн хохирлыг хатуу анхаарахын зэрэгцээ харилцаа холбоогоо сайжруулан хохирогчдын хүний эрхийг хамгаалах, Хууль бус гадаад иргэдийг мэдэгдэх үүргээс чөлөөлөх системийг идэвхитэй хэрэгжүүлэх шаардлага тулгараад байна” хэмээн хэлжээ.

 

 

 

WWW.MGLRADIO.COM 

Солонгос мэдээ булан 

 


Articles

3 4 5 6 7 8 9 10 11 12