Хэтэвчийг нь олж өгсөн сурагчдад зориулж “Pizza Party” хийжээ

by СолонгосМэдээ posted May 29, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

201318251_1280.jpg

   Өчигдөр БНСУ-ын Со Кюү Пу дунд сургууль дээр хүргэгдэн ирсэн 125 ширхэг пицца-гаар тус сургуулийн 604 сурагчид “Pizza Party” болгон нэгэн өдрийг хөгжилтэй сайхан өнгөрүүлжээ.

   Тодруулбал өнгөрсөн 2019.01.30 өдөр тус сургуулийн сурагч Хан Үнг, Кан Тэ Вон хоёр хичээлээ тараад гэртээ харих замдаа нэгэн түрийвч олсон байна. 

   Түрийвчинд бэлнээр 300.000 вон, банкны карт, иргэний үнэмлэх гээд хүний хэрэглээний зүйлс байсан ба хоёр сурагч их хэмжээний бэлэн мөнгийг хараад цочирдсон боловч түрийвчид байсан иргэний үнэмлэхэд бичсэн хаягаар хүргэж өгөхөөр эргэлзэлгүй алхжээ.

   Гээж үрэгдүүлсэн түрийвчийг гаднаас барин орж ирсэн сурагчдыг хараад гайхаж балмагдсан У Сөн Жин талархлаа хэрхэн илэрхийлэх талаар асуух хооронд хоёр сурагч “Зүгээр. Зүгээр” гээд гарч явсан байна.

   Харин түрийвчний эзэн ямар нэг аргаар хоёр сурагчид талархлаа илэрхийлж, тэдэнд урам хайрлах ёстой хэмээн 5 сар бодсоны эцэст тэдэнд гэнэтийн пицца хүргэхдээ зөвхөн тэр хоёрт бус сургуулийн бүх сурагчдад хүрэлцэхүйц “Pizza Party” болгох санаа орж иржээ.

 

201318250_1280.jpg

   Ингээд У Сөн Жиний санаа хэрэгжиж Со Кюү Пу дунд сургууль дээр гэнэтийн пицца хүргэлтэд гайхсан багш сурагчид учрыг лавлан  Хан Үнг, Кан Тэ Вон хоёр сурагчийн шударга үйлсийг олж мэджээ.

 

   Харин хоёр сурагч“Түрийвчээ хаясан хүний сэтгэл хэрхэн хямарч байгаа бол гэхээс хамгийн түрүүнд хурдан эзэнд аваачиж өгөхөөр шийдсэн” хэмээн гэнэн цайлганаар инээмсэглэсэн байна.

 

   Энэхүү мэдээг сонссон иргэдийн нэг хэсэг нь “Хоёр сурагчаар бахархаж байна” гэсэн бол нөгөө хэсэг нь “Түрийвчний эзэн бахархалтай үйлийг зөв дэмжжээ” гэсэн байна.

 

201318249_1280.jpg

 

 

WWW.MGLRADIO.COM  

Солонгос мэдээ булан

 

 


Articles

3 4 5 6 7 8 9 10 11 12