Солонгос дарга нь Монгол ажилчинаа "АЛНА" хэмээн заналхийлж байна

by СолонгосМэдээ posted May 29, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

61637108_2299574587036820_8982709578852466688_o.jpg

   Та бүхэнд "Solongos uls dahi Mongolchuud Солонгос дахь Монголчууд" фейсбүүк хуудсанд Mendee Mendee хэрэглэгчийн өнөөдөр /2019.05.29/ оруулсан постыг сэрэмжлүүлэг болгох үүднээс орууллаа. 

 

 Энд ажиллаад 6 сар боллоо. Нийт 33 хүн ажилладагаас Монгол-16, Зүүн Өмнөд Азийн/Халтар/-10, Мексик-4, Хятад-3 хүнийг бүгдийг нь ажлаас халлаа. Энэ самушил-д 150,000 вон хаалтанд өгөөд орсон миний бие 6 сар ажиллахдаа энд гадаадын иргэдтэй новш шиг харьцахыг нүдээрээ харлаа, үзлээ. Миний нүдэн дээр нэг Вьетнамыг 6 метрийн өндрөөс өшиглөн унагах шахсан ба урьд нь нэгэн Монгол хүнийг өшиглөж, зодон нурууг нь гэмтээж, нэг Мексик хүн зодуулаад нүдэндээ мэс засал хийлгэж байсан.

   Надтай цуг 60 настай нэг ах машины мөнгө хураана гээд ажиллаж байтал гуталд нь шилний хагархай санаатайгаар хийсэн байсныг мэдэлгүй өмсөөд хөлөө гэмтээж байсан. За тэгээд уурлахаараа таарснаа авч шиднэ, хүндэтгэлтэй харьцсангүй гээд биднийг хоолгүй ажиллуулах энүүхэнд дээрээс нь өглөө, оройдоо будаа өндөг өгөх боловч бүх өндгөн дээрээ балаар тоо тавьж өдөрт нэгээс илүү идэхийг хориглоно.

   Хааяа би 60 настай ахад өөрийнхөө мөнгөөр хоол авч өгнө тэгээд тэсэлгүй өнөөдөр захиралдаа “6 метрийн өндрөөс өшиглөсөн Вьетнам чинь унаад үхсэн бол яах вэ? Уур чинь хүрсэн ч бууж ирсэн хойно нь хэлж болдоггүй юм уу?” гээд би энд ажиллаж чадахгүй явлаа гэж хэлээд нөгөө муу Вьетнамаа дагуулаад 15 км алхаж байж такси бариад гэртээ ирлээ. Гэрт ирсэн хойно араас утасдаад “Хурдан ирж ажлаа хийхгүй бол ална” гээд байх юм.

   Хамаг юмаа аваад явчихъя гэхээр паспорт маань захиралд байдаг. Уг нь намайг энд ажиллах 6 сард энэ захирал 300 сая воны цэвэр ашиг олсон гэж өөрөө ч хэлдэг, би ч мэддэг. За тэгээд өнөө орой би эмнэлэгт хүргэгдэх нь үү, намайг далайд аваачиж хаях нь уу бүү мэд! Хүний нутагт их юм үзэж байна даа гэж бичжээ.

 

 

WWW.MGLRADIO.COM

Солонгос мэдээ булан

 

 

 

 


Articles

3 4 5 6 7 8 9 10 11 12