Хууль бус тээгч эх 650 сая вон СҮРДҮҮЛЭН авчээ

by СолонгосМэдээ posted May 30, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

download (5).jpg

   БНСУ-ын шүүхийн өмнө 2 дахь удаагаа дуудагдаж байгаа 38 настай эмэгтэй “А” хар даашинз өмсөж, толгойдоо тууз зангидан дэгжирхсэн нь нэг сарын өмнө оролцож байсан шүүхийн ажиллагааг үл тоосон шинж илт давтагджээ. Харин шүүхийн ажиглагчийн суудалд түүний ээж охиноо нулимс дуслуулан харж байлаа.

   Сэжигтэн “А” нь 2000-аад оны дунд үед Сөүлийн нэгэн их сургуулийн судлаач оюутнаар суралцаж байхдаа зуучлалаар “Б”-гийн гэр бүлтэй танилцаж, тэдний хүүхдийг үр суулгуулах мэс заслын аргаар тээжээ. 

   Арван сарын дараа хууль бус тээгчийн үүргээ гүйцэтгэж, гаргасан хүүхэд нь хүү байсан ба өөр дээрээ хоёр хонуулаад “Б”-гийн гэр бүлд хүлээлгэн өгч хууль бусаар хийсэн гэрээний 80 сая воныг авчээ.  

   Үүнээс хойш “А” нь “Б”-гийн гэр бүлийн эд хөрөнгө, мөнгөтэйг олж мэдээд 2007.01 сард “Хууль бусаар тээгч эх захиалан хүүхэд гаргуулсан үнэнийг илчилнэ” хэмээн сүрдүүлж 30 сая вон дахин салгасан байна.

   Энэ мэтээр сүрдүүлэн 5 жилийн хугацаанд буюу 2012-2017.12 сар хүртэл 37 удаа давтсан үйлдлээрээ “Б”-гийн гэр бүлээс 570 сая вон авсан ба анх гэрээ хийсэн 80 сая воныг нэмвэл нийтдээ тэрээр 650 сая вон хууль бусаар авсан нь тогтоогджээ.

   Сүрдүүлж авсан мөнгө нь дуусмагц “Б”-гийн гэр бүлийг дахин давшлах энэхүү сүрдүүлэг хэрээс хэтэрч, үр хүүхдэд нь муугаар нөлөөлөх эрсдэлтэйг ухаарсан “Б”-гийн гэр бүл өнгөрсөн оны сүүлчээр түүнийг шүүхэд мэдүүлсэн байна.

   Харин тэрээр “Бага залуу насанд минь насанд хүрсэн хүн шиг ухааруулахын оронд буруу замын сонголт хийлгэж намайг мангас болгосон энэ хүмүүс буруутай” хэмээн мэдэгдсэн байна.

   Үүнээс гадна “А” нь Филиппин улсад өөрийн орны иргэдийг мэхэлж их хэмжээний мөнгө залилан авсан нь тогтоогдоод байгаа бөгөөд шүүхээс түүнд хатуухан шийтгэл ирэх нь нэгэнт ойлгомжтой болжээ.

 

 

 

WWW.MGLRADIO.COM

Солонгос мэдээ булан 

 

Who's СолонгосМэдээ

profile

Articles

2 3 4 5 6 7 8 9 10 11