БНСУ-д "ХОГОН УУЛ"-ны ойролцоох иргэд хордсоор буй нь олон улсын анхаарлын төвд байна

by СолонгосМэдээ posted Jun 03, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

download (12).jpg

   Өмнөд Солонгост тулгарч буй хогны асуудал зөвхөн тус улсын хэмжээнд гамшиг болоод зогсохгүй олон улсын анхаарлын төвд аль хэдийнэ өртөөд байна.

 

   Өнгөрсөн 3-р сард CNN телевизээс “South Korea's plastic problem is a literal trash fire” буюу “Өмнөд Солонгосын хуванцар хог хаягдлын асуудал хогийн саванд гал гарахтай адил байна” хэмээн мэдэгдэж байсан бөгөөд түүнээс хойш бараг 3 сарын хугацаанд байдал огт өөрчлөгдөөгүйгээр барахгүй тус хогноос ялгарах хорт хий бүс нутгийн оршин суугдын эрүүл мэндэд муугаар нөлөөлж буй ажээ.

download (14).jpg

   Өнгөрөгч Баасан гарагт Чүн Бүк мужийн Өы Сонг Гүн-ий нутагт орох хаалганд “Бидний амь нас, эрүүл мэндийг хамгаалж өгөхийг үнэн сэтгэлээсээ гуйж байна” гэсэн том самбар дээрхи бичгийг харсан шалгалтын албаныхан тус тосгоноор саатан нутгийн оршин суугчидтай уулзаж ярилцсан байна.

download (10).jpg

   Тус тосгоны оршин суугдын дийлэнхи хувь нь газар тариалан эрхлэн амь зуудаг ба тэдний нэг болох хүлэмжийн аж ахуйд хулуу тариалдаг 64 настай Хван И Сүн эмээтэй уулзахад 25 хэмийн халуунд тусгай зориулалтын маск зүүж, чийгтэй алчуур хүзүүгээрээ ороосон байжээ.

   Түүний хэлснээр хүлэмжийн ойролцоо байрлах “ХОГОН УУЛ”-наас байнга шатсан утаа орж ирэх болсноор маск, алчуур хэрэглэхгүй бол амьсгалах аргагүй болсон ба хоолой нь ирвэгнэж ханиалгах болсон байна.

download (9).jpg

   Чийгтэй алчуур хоолойдоо ороохгүй бол дуу нь гарахаа больсон тэрээр нөхрийн хамт эмнэлэгт үзүүлэн, шинжилгээ хийлгэсэн ба хоёул төвөнхийн үрэвсэлтэй гарч хавдсан байдал илэрсэн бөгөөд эмнэлгийн хяналтанд байх шаардлагатай хэмээн эмч нар зөвлөсөн байна. Амь зуухын тулд ажлаа хийх шаардлагатай тул ойр, ойрхон эмнэлэгт үзүүлэх завгүйн улмаас тэд эмчээс эм бичүүлэн авч сар гаран байнга эм хэрэглэж байгаа тухайгаа ярьжээ.

download (13).jpg

   Мөн тус тосгоны нэгэн сүмийн тэргүүн 54 настай Ким Жэ Хүн “Манай тосгоны зүгээс өнгөрдөг 4 сард бүх хогийг цэвэрлэнэ гэж амласан ч өнөөг хүртэл байдал хэвээрээ байгаагаас тус тосгоны бүх иргэн төвөнх, хоолой, амьсгалын замын өвчтэй болсон” гэжээ.

download (11).jpg

   Хэдийгээр тус тосгоны оршин суугчдын нөхцөл байдлыг бүгд мэддэг төдийгүй тоолж баршгүй их ярилцлага, сурвалжлага авдаг ч ямар нэг өөрчлөлт дэвшил гараагүй тухай дурьджээ.

20190603043302599pfsz.jpg

   Өы Сонг Гүн тосгонд одоогийн байдлаар 170,000 тонн хог хаягдал хуримтлагдаад байгаа бөгөөд түүний гуравны нэг хэсгийг цэвэрлэх ажилд 5.3 тэрбум вон төсөвлөснөөс 5 тэрбум вон шийдвэрлэгдсэн хэдий ч тус тосгоны зүгээс өнөөг хүртэл дорвитой ажил хийхгүй байгаа нь иргэдийг бухимдуулаад байгаа ажээ.

download (8).jpg

 

WWW.MGLRADIO.COM

 

Солонгос мэдээ булан 


Articles

2 3 4 5 6 7 8 9 10 11