Өмнөд Солонгосын “Forest Gump” бүсгүй ирэх 7 сард Монголын говиор 250 км гүйнэ

by СолонгосМэдээ posted Jun 04, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

20190604030258901tevf.jpg

   Өмнөд Солонгост сүүлийн үед нэгэн эмэгтэйн гүйж буй зураг сошиал медиа-д Run Star/Гүйдэг од буюу Forest Gump/ болтлоо олныг дагуулж байгаа ажээ.

   Инстаграмын хуудаснаа аль хэдийнэ 500 000 дагагчтай болсон энэ гүйгч бол 27 настай Ан Жон Өн бөгөөд тэрээр анх эрхэлсэн ажилдаа урам хугарч, хувь заяандаа бухимдах болсноос гүйж эхэлжээ.

   Ан Жон Өн 2015 онд Сэ Жүнг их сургуулийн компьютер технологийн ангийг төгсөөд нэгэн интернет портал сайтын компанид ажилд орсон боловч ажил нь таалагдаагүй тул 6 сарын дараа халагдах өргөдлөө өгчээ.

   Тэрээр бага сургуульд байхдаа мөрөөдөж байсан онгоцны үйлчлэгийн шалгалтанд 1 жил бэлдээд Хятадын агаарын тээврийн нэгтгэлд тэнцсэн боловч түүнд хамааралгүй шалтгаанаар ажиллах зөвшөөрөл олгогдоогүй байна.

   Гэрийн хананы цаанаас гарч чадахаа байсан түүнд бүх юм бүрхэг, харанхуй санагдаж цаашид тэмцэх хүч хүрэхгүй мэт санагдаж эхлээд уйлмаар санагдавч хаана, яаж уйлахаа мэдэхгүй хэсэг эргэлзээд сакура цэцгийн навчис хийссэн Сөүл хотын Намсан уулыг сонгожээ.

   Учир нь гүйж байхад хөлс гардаг, хөлс нулимс хоёрыг хүмүүс ялгахгүй гэж бодсоноос эхэндээ 5 минут дараа нь 10 минут гэх мэтээр хүчтэй, хурдтай гүйж эхэлсэн байна.

   Ийнхүү гүйж эхэлснээр түүний толгойд элдэв гуниглах бодол нь сарнин илүү эрч хүчтэй байх сэтгэл төрж 6 сарын дараа бүтэн марафон/42км/-д уралдахаар шийджээ. Энэ нь мөн л түүнд “Амьдрал өөрөө марафон” гэдэг үгийг сануулан хүн өөрөө зоригловол юуг ч хийж чадна гэдэг шийдвэр гаргахад хүргэсэн байна.

   Ан бүсгүй гүйх болсон шалтгаанаараа “Өнөөдөр би Мавританийн далайн эргээр гүйж байна” гэдэг ном хүртэл бичсэн ба өдөр бүр гүйх замынхаа уртыг 1км-ээр ахиулснаар өдгөө 130км замыг гүйгээд байгаа юм байна.

   Түүний хамгийн ойрын зорилго нь 250км-ийн Монголын говиор гүйх ба үүнийгээ ирэх 7 сараас эхлэх төлөвлөгөөтэй байгаа ажээ.  

 

 

WWW.MGLRADIO.COM

 

Солонгос мэдээ булан


Articles

2 3 4 5 6 7 8 9 10 11