Тунг Дае Мүн-ий “Монгол Таун”-ы ойролцоогоос хоморголон баривчилж байна гэжээ

by СолонгосМэдээ posted Jun 05, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

1319_64a.jpg

   Сөүл хотын метроны ногоон/2/-ы болон ягаан/5/-ы шугмын огтолцол дээр байрлах Тунг Дае Мүн өртөө Са Мүн Хуа парк өртөө 2-ын завсарын гудамжийг Төв Азийн гудамж хэмээн нэрийддэг ч түүгээр зорчих гадаад, дотоодын иргэд Орос, Монгол Таун гэж онцгойлон нэрлэн дууддаг ажээ. Үүнийг мөн Тунг Дае Мүн-ий “Торгоны зам” ч гэж дууддаг ба энэ гудамжинд Орос, Монгол үсгээр бичсэн зарын самбар зонхилдог байна.

 

 

   Бидний мэдэж байгаачлан энэ газар нь Сөүл хотын Тунг Дае Мүн дүүргийн Улжиро-6 Га-гийн Кван Хыи хороолол гэдэг нэртэй ба энэ газарт 1980-аад оны эхэн үеэс Монгол болон хуучин ЗХУ/Зөвлөлт Холбоот Улс/-ын харъяанд байсан Орос, Узбекстан, Казакстан, Киргизстан, Буриадын иргэд анх цуглаж эхэлсэн түүхтэй юм байна.

1319_64b.jpg

   Анхандаа Оросын үүргийн наймаачид буюу бидний хэлж заншиснаар ганзагын наймаачид болон даавууны худалдаа эрхлэгчид Тунг Дае Мүн захын үйл ажиллагаанд идэвхитэй хүч түрэн орж ирэн жижиг гарын бизнес эрхлэгчдэд зориулсан дэн буудал, хоолны газруудыг нээж эхэлснээр Орос, Монголын нэртэй гудамжийг бий болгосон байна. Өнөөдөр эндхийн гудамж, булан тохой бүрт хуучин үйл ажиллагаа эрчээ алдалгүй Төв Ази болон Монгол иргэдийн ачаа барааг хүргэдэг, зуучилдаг ажил нь улам боловсронгүй хөгжсөөр иржээ.

 

 

   Үүнээс онцгойлон уг хороололд байрлах 10 давхар барилгыг тэр чигт нь эзэмшдэг Монгол Таун-ы талаар товчхон танилцуулахад энд өнөөдөр Монгол улсын иргэдэд чиглэсэн үйл ажиллагаа эрхэлдэг 40 гаруй аж ахуйн нэгж, хувь хүмүүс валют арилжаа, мөнгөн гуйвуулга, хүнсний/Монгол/ дэлгүүр, орчуулгын товчоо, аялал жуулчлал, утасны картны худалдаа, гоо сайхны барааны дэлгүүр, карго, гар утас худалдаа, хоолны газар гээд олон салбарыг нэг дор ажиллуулж байна.

1319_63a.jpg

   Монгол Таун-ы хаалгаар орсон даруйд та энэ бүхнийг анзаарч эхлэх ба барилгын гаднаас авахуулаад дотор талын зарын самбаруудад тус улсын хэлээр бичсэн зар, зарлал, танилцуулга, суртчилгаа харагдах нь ямар улсад явж байгаадаа эргэлзэх хэмжээнд очих ажээ.

 

   Тэр байранд Монгол хүний зандрах мэт чанга өнгө аястай хатуу яриаг сонсож эхлэхээс гадна балмагдахдаа Солонгосоор асуусан асуултад нутгийн хүний адил өө сэвгүй хариулах эелдэгхэн хариулт зэрэг нь хаана байгаадаа эргэлзэхэд хүргэнэ. 

 

 

1319_62.jpg

   Монгол Таун дахь нэгэн дэлгүүрийн эзний яриагаар “Сүүлийн үед бага зэрэг эл хуль оргиод хүнгүй шахам байна. Уг нь энд тийм гэх тэмдэггүй олон хүн цуглаж арилжаа наймаа буцалж байлаа, асуусан хүмүүс нь ажлаа олж, хайсан хүмүүс нь танилаа мэдэж, зав л гарвал наашаа зүглэдэг байсан. Гэтэл “Өршөөлийн сар” дуусч цагаачлалын албаны хууль бус иргэдийг шалгах шалгалт наашаа чиглэн энэ гудамжны эх, адгаас отож хоморголон бөөнөөр нь баривчилгаа хийснээр бүгд дүрвэн алга боллоо” гэжээ.

   Тэнд уулзсан бас нэгэн эмэгтэй “Би энд хууль бусаар амьдардаг, ямарч ажлыг голохгүй хийнэ. Сүүлийн үед ажил олдохгүй болохоор таньдаг, мэддэг хүн байвал ажил сураглах санаатай явна. Хүүхдээ Солонгос сургуульд оруулж чадсандаа Өмнөд Солонгосын боловсролын систем нь хүүхдийг ялгаварлан гадуурхдаггүйд талархаж явдаг” гэсэн байна.

WWW.MGLRADIO.COM

Солонгос мэдээ булан    

 

Who's СолонгосМэдээ

profile

Articles

2 3 4 5 6 7 8 9 10 11