“Мүн Жэ Ин-ийг огцруулах ард түмний хөдөлгөөн”-д нэгдэхийг уриалжээ

by СолонгосМэдээ posted Jun 06, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

222767_79150_406.jpg

   БНСУ-д Консерватив намын төлөөлөл гэж нэрлэгддэг "Өмнөд Солонгосын Христэд итгэгчдийн Холбоо"-ны тэргүүн  Чон Кван Хүн  дахин улс төрийн маргаан үүсгэж Ерөнхийлөгч Мүн Жэ Ин-ийг огцрохыг шаарджээ.

   Чон Кван Хүн хэлэхдээ “Өнөөгийн Хөх ордны үзэл баримтлал нь ЖУЧЕ-гийн онолд бүрэн захирагдаж байна” гэсэн ба Мүн Жэ Ин-ий засгийн газар нь "БНСУ-ын прокурор, цагдаа, арми, хэвлэл мэдээллийн хэрэгсэл, баруун жигүүрийн иргэний бүлгийг бүгдийг нь гартаа аван дураараа хөдөлгөх боллоо" гэж мэдэгджээ.

   Мөн тэрээр “Энэ янзаараа байх аваас манай улсын ардчилсан тогтолцоо устаж коммунист дэглэмд шилжин БНСУ гэдэг улс алга болох аюул нүүрлэлээ” хэмээн дуугаа өндөрсгөсөн байна.

   Түүний хэлснээр БНСУ-ыг авч үлдэхийг хүсэж байгаа бол энэ жилдээ багтаан Ерөнхийлөгч Мүн Жэ Ин-ийг огцруулах шаардлагатайн дээр ирэх жил Улсын их хурлын сонгуулийг Ерөнхийлөгчийн сонгуультай хамт зохион байгуулж ерөнхийлөгчийн албан ёсны хугацааг 4 жил болгох ёстой гэдгээ илэрхийлжээ.

   Эцэст нь тэрээр тус улсад буй "Өмнөд Солонгосын Христэд итгэгчдийн Холбоо"-ны 65 000 сүм, 300 000 сүмийн хамба лам нар, 250 000 ахмад настныг“Мүн Жэ Ин-ийг огцруулах ард түмний хөдөлгөөн”-д нэгдэж идэвхитэй оролцохыг уриалсан байна.

 

   ТАЙЛБАР: ЖУЧЕ ГЭДЭГ НЬ 1960-70 ОНЫ ҮЕД УМАРД СОЛОНГОСЫН ТАЛААС ГАРГАСАН ХЭТ ЗҮҮНИЙ ҮЗЭЛ БУЮУ КОММУНИЗМЫГ ХЭТ ШҮТСЭН ҮЗЭЛ БАРИМТЛАЛЫГ ХЭЛДЭГ АЖЭЭ.

 

 

WWW.MGLRADIO.COM

Солонгос мэдээ булан    


Articles

1 2 3 4 5 6 7 8 9 10