Сөүл хотын нүүр царайг Чонг Гэ Чон-ы өмхий үнэр гутааж байна гэж үзжээ

by СолонгосМэдээ posted Jun 07, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

download (14).jpg

 

 БНСУ-ын иргэдийн дунд 7 хоногийн амралтын богино өдрүүдээ ая тухтай өнгөрүүлэх дуртай газруудын нэг нь яах аргагүй 2004 онд ашиглалтад орсон Чонг Гэ Чон гэдгийг та бидний дунд мэдэхгүй хүн ховор биз ээ.

   Гэтэл сүүлийн жилүүдэд тус улсын иргэдээс гадна гадаадын жуулчид олноороо ирж нүд хужирлах болсон Чонг Гэ Чон-оос хамар цоргим эвгүй үнэр ихээр гарах болсон нь Өмнөд Солонгосын нэр хүндийг газарт унагааж байна гэж яригдах болжээ.

   Иргэдийн ярьж буйгаар “Хааяа нэг гэр бүлтэйгээ салхилахаар хамгийн ойрхоноор нь энэ газрыг зорин ирдэг ч сүүлийн үед хиймэл хүрхрээ болон урсаж байгаа уснаас үе үе өмхий үнэр гардаг нь бушуухан зугатан явах шалтгаан болдог” гэсэн бөгөөд “Хэдийгээр иргэдийнхээ ая тухтай байдлыг хангах зорилгоор маш их хүч хөдөлмөр зарцуулан сайхан газрыг байгуулж чадсан ч Сөүл хотын захиргааны зүгээс түүний арчилгаа, цэвэрлэгээний ажилд хангалттай анхаарч чадахгүй байна уу даа гэж бодогдоход хүргэсэн” гэжээ.

   Сөүл хотын Ну Вон дүүргийн нэгэн иргэн “Манай дүүрэгт байдаг Данг Хён Чон-ыг дүүргийн зүгээс гэрээ цэвэрлэх мэт хана шалыг арчиж, цэвэрлэж байгаа харагддаг. Гэтэл гадаадын дотоодын жуулчид хөлхөлдөж Сөүл хотын нүүр царай болсон Чонг Гэ Чон-ыг том шүүрээр хальт шүүрдэж байхыг л харлаа. Иймээс Сөүл хотын нүүр царайг гадаадын иргэдийн өмнө гундаалгүй авч явъя гэвэл яаралтай ямар нэг арга хэмжээ авах цаг нь болжээ” гэсэн байна.

 

download (13).jpg

   Мөн Чэжү хотоос Чонг Гэ Чон-ыг зорин ирсэн нэгэн иргэн “Эндээс гарч байгаа үнэр нь голд хаясан хог хаягдлаас гарч байгаа гэж бодож байна. Иймээс энэ газрыг хааж байгаад ч болов бүх нийтийн цэвэрлэгээ хийх шаардлагатай гэж бодож байна” гэжээ.  

   Харин Сөүл хотын аялалын цогцолборын ажилтан “Бид иргэдээс ирсэн гомдлын дагуу удаа дараа шалгах ажлыг явуулж ирсэн ч хаанаас ямар үнэр гарч байгааг тогтооход хүндрэлтэй асуудлууд тулгардаг. Үнэр гарсан гэсэн хэсэгт очиж шалгахад зүгээр л байдаг ба бороо орох үед голын түвшинг нэмэхгүйн тулд Хан мөрөн лүү урсах даланг нээж өгөх үед бага зэрэг үнэр гардаг нь үнэн. Гэвч энэ асуудал нэг хоёр хүнээс ирсэн гомдол биш учраас анхааралдаа аван ажиллаж ирсэнээс гадна жилдээ 4 удаа голын ёроолыг ухаж их цэвэрлэгээг хийсээр ирсэн” гэсэн байна.

   Сөүл хотын иргэдээс “Чонг Гэ Чон-ы өмхий үнэр нь хүн амын нягтаршилтай холбоотой гээд тус хот захиргааны зүгээс үүнд анхаарлаа хандуулан цэвэрлэх шаардлагатай” гэж үзэж буй ажээ.  

 

 

WWW.MGLRADIO.COM

Солонгос мэдээ булан     

 

Who's СолонгосМэдээ

profile

Articles

2 3 4 5 6 7 8 9 10 11