Үйлчлүүлэгч нарын “Шар сэмжлэх” үйлдэлд хуулийн хариуцлага тооцдог болгох шаардлагатай

by СолонгосМэдээ posted Jun 07, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

20190607084357342eshz.jpg

   БНСУ-ын Үндэсний даатгалын нэгтгэлийн гаргасан тоогоор ахмад настны урт хугацааны даатгалд хамрагч 346 240 иргэнээс 83.4% буюу 284 144 иргэн асран хамгаалуулах шаардлагатай гэсэн судалгаа гарсан байна. Үүнээс 10 хүн тутмын 3 нь эрэгтэй, 7 нь эмэгтэй байдаг ба асран хамгаалуулж буй өндөр настангуудын гаргадаг зан авир, үйлдэл нь хэрээс хэтэрч даатгалын нэгтгэлээс томилсон асрах ажилтангуудад ихээхэн хүндрэл учруулдаг ажээ.

   Тэдний зүгээс асрах ажилтны үүргийг зарцын үүргээр ашиглах явдал газар авч хөл гараа бариулах, нуруугаа маажуулах бүр цаашлаад бэлгийн дарамт хүртэл үзүүлдэг зэрэг нь асрагч нарыг ажлаа орхиход хүргэдэг байна.

   Тус улсын хуулинд зааснаар асран хамгаалах ажилтан нь үйлчлүүлэгчийн эм, тариаг эмийн сангаас авах, цагаар нь уулгах, хоол ундыг бэлдэх шаардлагатай бол гэрийн хөнгөн цэвэрлэгээг хийх зэрэг байдаг ба өдөрт 2-4 цаг ажиллах үүрэгтэй байдаг аж.

   Өмнөд Солонгосын даатгалын нэгтгэлийн асран хамгаалах ажилд ихэвчлэн 50-аас дээш насны эмэгтэйчүүд ажилладаг бөгөөд үйлчлүүлэгчийн дийлэнх хувь нь 75-аас дээш насныхан хамрагддаг байна.

   Ганцхан жишээ дурьдахад Сөүлийн Кван Жин дүүргийн 85 настай өндөр настан 55 орчим насны асрагч эмэгтэйг очих болгонд “Үнэсье”, “Хувцасаа тайл”, “Буудал руу явъя” гэх мэтээр байнга хоргоодог ба энэ тухай түүний гэрийнхэнд хэлэхэд “Өөрөө мэдээд шийд” гэх үл тоосон хариулт сонссон байна.

   Энэхүү өндөр настны үйлдэл нь тус улсад “Бэлгийн дарамт үзүүлэх”, “Жендерийн дарамт үзүүлэх” гэх зүйл ангиар шийтгэх хуультай байдаг ч өндөр настан гэдэг утгаар нь хайхрахгүй байгаа явдал гэмт хэргийг нүдээ аниад өнгөрч байгаатай ижил хэмээн үзэж болох ажээ.  

   Иймээс иргэдийн дундаас энэ мэтчилэн хохирдог асрагч нарт тохирсон хууль боловсруулах буюу үйллүүлэгч нарт тохирсон хариуцлага хүлээлгэх, асрагчийн үүрэгт заасан зарим заалтыг хасах шаардлагатай хэмээн үзэж Засгийн газрын зүгээс энэ асуудалд нухацтай хандахыг сануулж байгаа юм байна.

 

 

WWW.MGLRADIO.COM

Солонгос мэдээ булан    

Who's СолонгосМэдээ

profile

Articles

2 3 4 5 6 7 8 9 10 11