БНСУ-д төрсөн хүүхдэд “Хууль бус цагаач” гэсэн хоч байх ёсгүй

by СолонгосМэдээ posted Jun 11, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

94e691c1368b847fc7c3454fde076f32c9fbea8050c9d162d36058619e4cc145816758bbdbe3923529aab912f5902b3b84204fcd9bd117c859df1d07e369d4fe60e1e9a318ead84f158ed6b89d929f3385e1421a577fb73363548b0461e2b01b.jpg

   Өнөөдөр Өмнөд Солонгосын “Кёнг Нам-илбо” сонины сэтгүүлч Пак Жунг Ван-ы гадаадын иргэдийн хүүхдийн бүртгэлийн талаар хийсэн сурвалжлагыг та бүхэндээ хүргэе.

   БНСУ-д одоо мөрдөгдөж буй хуулиар бүртгэлгүй гадаад иргэдээс төрсөн хүүхдэд төрсний гэрчилгээ, бүртгэл олгохгүй ажээ. Энэ нь хүүхдийн бүртгэл хаана ч хийгдээгүй гадаад хүүхдүүдийн хувьд хүндхэн шийтгэл болж байгаан дээр мэдээж хамгаалалтгүй гэмт хэргийн золиос болж байгаа юм.

   Өнгөрсөн 06.02-ны өдөр Кёнг Сан мужийн Милянг-д таарсан бүртгэлгүй 3 хүүхдийг харахад арьсны өнгө нь өөр ч гэнэн цайлган сэтгэлээр Солонгос хүүхдийн адил Солонгос хоолонд дурлаж, тэдний хийдэг бүхэнтэй адил зүйлийг хийж байгаа нь тэдэнд юу ч бодолгүй өсөх сайхан орчин гэдэг нь илхэн аж.

   Хүүхдүүдийн эцэг эхтэй 2 цаг гаран ярилцсаны эцэст “Korean Dream”-ийг төсөөлж ирсэн хууль бус цагаачдын хувьд “Жү Хунг Гөл Ши*”-ийг зөвхөн цээжиндээ зурсан чигээрээ амьдарч, Солонгост төрсөн тэдний үр хүүхдүүд цэцэрлэг, бага сургуульд ялгаварлан, гадуурхалтад өртөж буйг мэдлээ. 

   Тус улсын Иргэдийн төлөө байгууллагын зүгээс гадаадын иргэдээс төрсөн хүүхдийг бүртгэх зөвшөөрөл олгох ёстой хэмээн дуу хоолой нэгтгэн тэмцэж байгаа ч харин улс төрчдийн зүгээс энэ асуудалд яаравчлан хандахгүй байна.

   Энэ нь нэг талаас гадаадын иргэдийн үзэн ядалт хурц хэлбэрт шилжих болон нөлөөлөх магадлал өндөр байгаа хэмээн болгоомжилж байж болох талтай юм.

   Нөгөө талаас 2014 онд Ардчилсан Холбооны намаас нэр дэвшсэн Жонг Чонг Рае гишүүн нь бичиг баримтгүй цагаачдын үндсэн эрхүүдийг баталгаажуулсан "Цагаачдын эрхийг хамгаалах үндсэн хууль"-ийг санаачилж байсан нь эцэг эх нь бүртгэлгүй гадаадын иргэн байсан ч боловсрол, эмнэлгийн тусламж авах эрхийг баталгаажуулах хүрээг тогтоосон явдал байжээ. 

   Харин өнгөрсөн жилийн 9 сард гэр бүлийн харилцааг бүртгэх тухай хуулинд нэмэлт өөрчлөлт оруулах хуулийн төслийг боловсруулсан бөгөөд уг хуулийн төсөлд “хууль бус иргэдийн бүртгэлгүй цагаач хүүхдийг БНСУ-д бүртгүүлэх”-ийг санал болгосон боловч одоог хүртэл хүлээгдэж байна. 

   Хэрэв уг нэмэлт өөрчлөлтийг тус улсын Үндэсний Ассемблей батлах аваас тухайн улсад төрсөн бичиг баримтгүй цагаач хүүхдийг төрөөс баталгаажуулах боломжтой болох юм байна.

600895_457580_4334.jpg

   Сэтгүүлч Пак Жунг Ван “БНСУ-д төрсөн хүүхдийг хамгаалах чадвартай хууль одоо ч оройтоогүй ба Солонгост төрсөн үнэт эрдэнэсийг хамгаалах систем байх болно гэдэгт чин сэтгэлээсээ найдаж байна” гээд тус улсад төрсөн хүүхдэд “Хууль бус цагаач” гэсэн хоч байх ёсгүй гэжээ. 

   ТАЙЛБАР: * Жү Хунг Гөл Ши гэдэг нь  АНУ-ын зохиолч Nathaniel Hawthorne-ийн 1850 онд бичсэн The Scarlet Letter зохиолоос үүдэлтэйгээр БНСУ-д 1953 оноос эхлэн хүүхдийн эрх хаана ч адил гэсэн утга санааг илэрхийлэх болжээ.

 

 

WWW.MGLRADIO.COM

Солонгос мэдээ булан

 

Articles

1 2 3 4 5 6 7 8 9 10